2 TIMOTIUS 1:4 - Allah Wene Fano Wene Hupla Inane

⁴ Hat le agagin a'nogo nen, nemberek ambi a'luk, hendawimo fano agunem, nendawimo nagaiyek fanorogo anggageluk, ”Nemberek ambi a'lo e,” iluk, hoba eberek welagi o.

2 TIMOTIUS 1:4 ပူးပေါင်းရင်းမြစ်များ

MAZMUR 126:5

Afuni nen, le yagaisogo awi yati logogun mene re, hobuk iren enggen palugun sambul andi re inagaiyegen wuni warogo palikhi logouwak.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

YEREMIA 31:13

Linggene andi sambul helime silerik he inendawimo inagaiyek oba inawuni warikhi logogun. Nen ap yaman mene inom souge mene inom he, An nen inendawimo konogo hilingfisamo re inagaiyekhogo nek logogun. Fong watu mene andoma agamhogo re inagaiyegetu mene hilingfisagain, nen inendawinggen heiselhi logolik werek mene andoma inendawimo heanerogo werek mene hilingfisagain.

YOHANES 16:22

Hit a'nogoat, yogondak hinendawimo weak welagep meneat he, hobuk an ninom ambi asugun andi sambul, hinendawimo hinagaiyek asugun o. Hit hinendawimo hinagaiyek andi, it afuni ekhe nen legetfisogoin mondok lego.

YOHANES 16:24

O attagaren huli yogondak huli, an nenu hombuk palogo yi mene ti mene ekhe kino igi'lek welagepma o. Halok he, hinendawimo hinagaiyek hokhorogo asubagaigen he, at kino yagati logoino. A'nogo yagati logoumo, wokhisikhi logogin aro,” iluk yagaisasikhe.

KISAH PARA RASUL 20:19

It afuni Yahudi mene nen nebe noasuogeluk nabok palhi logolik weak hilingnafu kwelek, nonggwaregen nendawinggen sebelogo fogerakhigi'legat, le hokhorogo aga logolik he, Tuhan Allah awe a'ma logolik at faget hilingiti lagi hineluaro.

KISAH PARA RASUL 20:31

Hinendawinggen wenggelogo logoino! An o mo lagagik pigik ugu kwelek 3 tahun ninom logolik he, kamo igi'lek linggene nen, hubanggo nen, le aga logolik, hinebe lombok komothinafi lagi a'nogo, hinendawimo eberek logoino o.

ROMA 1:11

Hit hinendawinggen wurik asuageluk, Allah Areagun en wogisikherek mene andi, hit ekhe wokhisoageluk hinobagai we'le e, anggikhi lagi.

FILIPI 1:8

Yesus Kristus nen hit hinebe mondogat endawi welagarek hak, an nen hit nendawiat logolik he: ”Ninom logoilo e,” iluk, nendawimo eberogoat anggikhi lagi mene andi, at Allah eluo.

FILIPI 2:26

At endawimo nen anggikhi logolik: ”An nebe ou wanhi a'nogo, nabok it nagaila'lak mondogat inesanggo holhasik, iren ninggi'nogo anggili'lagwi,” iluk, menenei uan horok ebeti logolik: ”It mondogat inoba lagain o,” iluk anggili'logo.

1 TESALONIKA 2:17

Nerugwi nagaila'lak. Niren he, hit hinale'ma hinobagaluk wagagusik, yogondak ya elama faget ninebe yatma welago meneat he, ninendawinggen hit ninom misi'mo seberogo welago andi. A'nogo logolik he, ”Hinebe nineilenggen hisa lelo e,” iluk, attagaren ninagaiyek hokhorogo hikhi logolik hinoba wesuogeluk walhikhi lago.

2 TIMOTIUS 4:21

Hat he, o meiso nunggunem sogoi weak agarek a'nogo oan agi'lek werek kwelek, yabaat weak-weak wesigeluk homamerogo walhikhi logoino. At Ebulus inom, Pudes inom, Linus inom, he Klaudia inom, ninerugwi ninagaila'lak Allah againafuri mene mondogat ekhe nen hai wathafa o.

2 TIMOTIUS 4:9

At Demas a'nogo kweangma mene yoma amolo nen, an heraknobagaikhesik o Tesalonika lagama. Nen, at Kreskes, o Galatia lagik, Titus o Dalmatia lagik, agama re, at Lukas nek nemberek welago andi nen, hat weak-weagat noba we'nogen he, homamerogo walhikhi logoino. A'nogo walhikhi logombik wesigeluk halok he, Markus a'nogo obabut he, an Allah faget hilingitunem fano lebetneagain werek andi nen, ebe hondorik-hondorik noba we'no.

1 YOHANES 1:4

Nen, wene yi faget ninendawimo ninagaiyek anggikhi lago mene andi, hobuk ninendawimo hokhorogo eberogoat ninagaiyek hakhouwogeluk lisu palogo hinoba lakfei wago andi.

WAHYU 21:4

A'nogo logolik, yi wene ti wene attak mene legetfisaluk, aren it ineil amusu arat terogo fagain andi nen he, inebe wa'laga logogun legat, inendawimo weak aga logogun legat, le aga logogun legat, heinet wati logogun legaro,” iluk ugunem holhi.