2 TIMOTIUS 1:10 - Allah Wene Fano Wene Hupla Inane

¹⁰ A'nogo anggasikhe mene hinago were'ma, hobuk Kristus Yesus telninaferek mene ebe weinam agaikhe andiba enegat agaikhe andi. At ane fano wene andiba, wa'lari'lagwi ero andi mabenetfisigik, wa'lagi'lek nineluk mondok logogun mene andi, weinametfigik, isikhe.

2 TIMOTIUS 1:10 ပူးပေါင်းရင်းမြစ်များ

YESAYA 45:15

Ibi-eberogo nen he Allah hebe hinagoma logolik, afuni Israel mene nineisena Allah harenat telinafendek

YESAYA 45:21

Wene hit hinoba mene hinendawimo werek mene andoma weinama selekhogo nek fagesi we'ni o, hiren hinane seberogo masugun andi fano. Sa nen wene andi sagarik lagarek nogo, nen endamen engge yagaisikherek nogo? An Tuhan nen he, lek nogo a? ilah amu mene An ninom higit mene re ekhe werek lek. An he Allah katokhogo hilingitik, hinagap telhik, igirek mene welagi. An ninom higit mene re ekhe werek lek!

HOSEA 13:14

Unggulenu ari mene arire wa'lagaikharek mene omameba nen An nen telinabigin mondok lego. Wa'lagaikharek mene yi, ou enggin mene andoma sagarogo lakfei me o! Hat heabu inebe legetfisikhi lagen mene a'nogo hilingisin o. An nen afuni inunggulenu yi mene hobuk nendawirinabigin mondok nabiro.

LUKAS 11:36

Nen, hit hinebe abirenggeat he, o mum hangge ekhe lek, we, selek mondok enek welagep halok he, esage ibilaga logolik hinoba seleget fikherek hak, hinebe abirenggeat selek logogun o,” iluk yagaisasikhe.

LUKAS 13:7

Iti'le'ma lagaikhesik he, amingmingengge mene eabu kwalogo welagaikhe mene ekhe mel yagatikhe: E ara yi enggen ekhe ite a? Lega, iluk 3 tahun oba kogoli waga lagi mene re, ebe mondok iti'lek. Halok he, kweang alemarogo yago logogin enggere mugisogo lakfisan o, iluk yagatikhemo,

LUKAS 2:11

Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.

YOHANES 1:9

At selek mene andi, kweangma yoma waga logolik, nit afuni mondogat ninebe lombok ninendawimo seleget ninabi wagaikhe.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 20:31

A'nogo meneat he, lisu palek werek yi mondogat he, hiren he, Yesus andi Allah amlogo, nit afuni telninabuageluk wenagaisogo lakfei wagaikhe a'nogo eberogoat iluk futfuluk hinendawinggen at oba eberogoat himbiret fuluk At enu hombuk palhunem hineluk mondok logobagaigeniluk lisu palogo figi o.

YOHANES 4:42

he a'nogo mel yagatukwa: ”Yogondak nit ninendawinggen at oba himbiret fogo yire, wene haren yaganisegen andiba nek ninendawinggen at oba himbiret fogo fuk. Lego. Athe, at ebe nen wene yaganisugunem ninonggwaregen ninesanggo tomok holhik, afuni kweangma mene mondogat telninaferek mene ebe yi aro, iluk futfuluk ninelu agik, ogo andiba nen ninendawinggen at oba himbiret fogo aro,” iluk yagatukwa.

YOHANES 5:40

hinebe hineluget hinabuageluk an noba wesu re, hinabiro.

KISAH PARA RASUL 13:23

Nen ekhe re, attagat at Allah nen he: Hit afuni Israel mene telhinabuageluk, at Daud en tagongge mene ekhe wokhisagain, iluk wene warisasikhe andi hagat, ebe Yesus menfuluk wogisasikhe andi.

KISAH PARA RASUL 5:31

Eluget fikhemo werek andi, afuni Israel mene weak hilingiri'lagwi mene andi herakfisaluk inobabut hebelasumo re, Allah nen it weak hilingitarek mene andi sebelogo legetfisageluk, Yesus ebe eluget fikhesik he, at ebe ninoe Enupogot logolik telninafi logouwageluk era'lu enggi ebekwe menfikhemo werek andi.

ROMA 16:26

Andi re, it ap at ane yagaisikhi lagaukwa mene omanogo nen lisu palogo re, sele'matfesukwama were'ma an nen yagahisasigi andi. Yi afuni ti afuni inunggulenu lombok mondogat wene andi inesanggo holiluk inendawinggen Yesus oba himbiret fuluk ane hologo hilingiti logouwageluk, at Allah etok mondok welagarek mene a'nogo nenat: ”Wene yi afuni inelu asuago,” iluk isikhe.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

ROMA 3:31

Halok he, ninendawinggen at Yesus oba eberogoat himbiret fikhi logolik, wene Allah nen komotninafikhe wene a'nogo sebelhi lago he a? Lego. At ane andiat legeisogo fikhi lago.

ROMA 6:6

Nit ninobabut ninetogat logolik weak hilingiti lagagu mene andi herakfisoageluk he, Yesus eba menfuluk ninomat ninoatukwa andi nen, nit ninobabut attak mene andi amingmingengge logogun lego, iluk ninelu.

1 KORINTUS 15:26

Inom weak mene andi, ebe re, wa'lagaikharek ero andi aro.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

2 KORINTUS 5:4

Ninebe elama faget yi logolik he: ”Eige,” iluk ninoba enggin-fenggin weak welago. Andi re, ninagap yi mene nonggologo herakfisaluk, weat logou ninamolo nen ikhi lago fuk. We, yi werek kwelek he, hobuk ninebe nineluk mondok logogun mene andi labetninobagaumo re, ninagap wa'lagorek mene yi nabulal-habulal hilingninabuageluk ikhi lago.

GALATIA 5:4

Hit ekhe nen he, ”Wene Allah nen komotninafikhe wene andiba futfuluk, aren he, wene ninoba mene korogo wokhaluk, ninom hobuk ninambotkwe hunogo ninobagauwak,” iluk hilingiti lagep halok he, Kristus hinom heget lagepsik he, at Allah obabut fano nen wo'nisikherek mene a'nogo herakfisaluk wulifep andi.

EFESUS 1:18

Arenat hinendawimo selegethinafunem, hiren he, ”Ninayonggo fesikhe mene a'nogo nen hobuk fanotninabigin,” iluk, hinendawimo hinagaiyekhogo oba eberek welagep mene a'nogo hinelu agik, yi mene ti mene fano mene fogeratu mondok logogun mene at againafuri wo'nisageluk hokhorogo andogorogo ninobagasikhe mene andi, hinelu agik,

EFESUS 1:9

At onggwarek, a'nogo hilingninabu amolo nen: ”Yi'nogo hilinginabigin andi ebe at Kristus nen hilinginabuak,” iluk, wene at endawimo anggasikhe mene hinago welagaikhesik fakhogo yaganisasikhe andi.

2 TESALONIKA 2:8

at obabut mondok weak mene a'nogo weinamhogo wesigin. Wesimbik he, weak hilingitu were'ma, ninoe Enupogot Yesus fogeratu kwelek hobuk waga logolik eleage nen furogo ebe warogo mondok leget fisagain.

2 TIMOTIUS 1:1

Timotius nendawi mene namlogo e. Allah nen he, ”Hit Kristus Yesus hinom hundik were'ma hinelugethinaferek,” iluk, abok yaganisasikhe mene andi, an Paulus nen yagaisilik nikhi logouwageluk, endawimo anggasikheba Kristus Yesus nen nayonggo fesikhesik laknobagai wagaikhemo, yoma logolik wene yi lisu palogo hoba lakfei wagi andi o. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

2 TIMOTIUS 4:1

At Kristus Yesus ebe hobuk kweangma weinamhogoat wesimbik he, afuni ninebe nineluk welago mene inom, wa'lagaukwa mene inom, mondogat wene ninoba figik, kotik, igin. Fikhi logombik, yi afuni ti afuni mondogat awe a'ma fisambik at ebe kain logogin andi nen, an nen, nineisena Allah inom, Yesus inom, emberek ineilhanem, haren ebe wene afuni yagaisikhi logoinogeluk komorogo yagahesik. Afuni fano wene yagaisugunem holugun werek kwelek inom, inabit werek kwelek inom, holuageluk wene andi ninghogo yagaisikhi logoino. Hendawinggen puk agi'lek yagaisikhi logolik he, weak hilingitunem hane fakhogo yagaisigik, komorinafik, inendawinggen ago warogo yagaisigik, ikhi logoino.

2 TIMOTIUS 4:8

Afuni inawe walhugunem, inawe uan agaikharek mene onggo fano mene wogisagarek hak, an nebe arat lagunem, ninoe Enupogoren wene ninoba figik, kotik, higithogoat igin andi sambul, aren he, ”Hat higirat hilingiti lagenma,” iluk, onggo fano mene ekhe wo'nesigin werego. Mene re, an enek wo'nesigin fuk. It ekhe inendawimo nen he, ”Yesus we'nige,” iluk, inamolo nen nenangorogo welagaikharek mene halok inebe mondogat ninom wo'nisagain aro.

TITUS 2:11

It mondogaren a'nogo hilingiti logogun andi re, Allah obabut fano nen yi afuni ti afuni mondogat telinabigeluk ili'logo mene andi obabut enegat weinamet fesikhemo werek andi nen aro.

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.

TITUS 3:4

A'nogo ikhi lagagu meneat he, at Allah nen ninebe telninaferek mene a'nogo obabut fano nen, nit afuni endawitninafikhe mene andi enegat weinam agaikhemo ebe futfesugu andi.

IBRANI 10:32

Nerugwi nagaila'lak. Hit attak Allah nen hinebe seleget hinafikhemo were'ma yi enggin ti enggin wiik-weakhogo hilinghinafu kwelek, hinafe morogo ninghogo welagagip andi hinendawimo ebe'no o.

2 PETRUS 1:1

Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.

2 PETRUS 1:11

Ninoe Enupogot Yesus Kristus telninabi'logo mene a'nogo, kain mondogat logogin oba andoma hinobagai kwikhi logolik, aren he, ”Hit hinebe eisewerego,” iluk, hai warogo fanorogo wokhinarek kwigino.

2 PETRUS 1:3

At Allah etok mondogat logolik, yi mene ti mene elalinat hilingitunem fogeratu mondok welagaikharek mene a'nogo nen ninayonggo fesikhe andi. Halok, niren at ebe furogo ninelu a'luk, nit ninebe nineluk logolik, at faget higithogo hilingiti logouwageluk, at onggwarek omameba yi mene ti mene wo'nisasikhemo eise agosik welago.

2 PETRUS 2:20

Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.

2 PETRUS 3:2

Wene andi, it ap attagat Allah nen inayonggo fesikhemo at ane yagaisikhi lagaukwa mene nen isukwaat. Nen, ninoe Enupogot ninebe telninaferek mene a'nogo nen wene komotninafikhe mene, nit ninayonggo fesikhesik hinoba lakninobagai wagaikhemo yagahisasuguat.

1 YOHANES 1:2

Nen, at eluk mondok welagarek mene andi, ebe eisena emberek eluk mondok welagaikhesigen, eisena nen nit nineilenggen hoageluk weinamet fesikhemo nineilenggen hasugusigenat abok yagahisikhi lago o.

1 YOHANES 4:14

Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.

WAHYU 18:1

A'nogo yaganetesi'mo nen ombo'ne re, at malaikat hunogo mene ekhe pogoroba nen pi wagunem yethigi. At andi omame mondok hokho logolik, ebe amulit hokhoma re, afuni kweangma mene mondogat inoba ibilogo yethikhi laga higi.

WAHYU 2:7

Wene igi mene andi, at Allah Areagun en Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. At sa nen omame asigin halok he, Allah eabumo enggen inelugerinaferek mene noageluk wogosigin o, iluk wene mondogat yagaisigi mene andi, lisu palogo inoba lakfeino o,” iluk yaganete.

WAHYU 20:14

Wene a'nogo inoba fagain andi re, suesingga it afuni ekhe inebe lombok ineluk mondok logouwageluk inenu lisu palek a'nogoba pale'lek mene halok i laut endu mene yenggelek andiba hambokhogo pelakfisikhi logolik, kweang a'ma inom, wa'lagaikharek ero inom, inomat hambokhogo andomaat pelakfisikhi laga higi. A'nogo pelakfisikhi laga andi re, attagat elama faget wa'lagunem en, hobuk wa'lasugun menere, i endu mene yenggele'ma pelakfisagain andi aro.

WAHYU 22:14

Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.