Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TESALONIKA 3:3 - Allah Wene Fano Wene Hupla Inane

3 Menere, ninendawinggen ninoe Enupogot oba himbiret fugunem, ninane hologo hilingiterek mene a'nogo nen hinendawinggen wuriget hinafi logolik, at obabut mondok weak mene a'nogo nen weaget hinabigeluk ugunem fethinarek logogin andi nen, hinendawinggen at oba himbiret fuluk logoino o.

အခန်းကိုကြည့်ပါ။ ကော်ပီ




2 TESALONIKA 3:3
16 ပူးပေါင်းရင်းမြစ်များ  

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.


Oba nen he at Yafes nen Allah it afuni Israel mene nen fogerati lagaukwa mene a'nogo ba samban ikhi logolik he yi'nogo isikhe, ”Neisena Allah, an fanot nobagambik an nawi wilayah elonggo wogologo hokhot nobagain o. An ou-pou higi hanogoluk enggin mene andi an noba nen korogo lakfigik, an nebe kwe palogo fetnarek welagik, hilingiti logoin o, neisena,” iluk samban isikhe. A'nogo samban isikhemo re at Allah nen kino yagatikhe mene a'nogo higithogo hilingfesikhe.


Hat hebe weaget habinogoluk, At Tuhan awe a'ma hobagaluk were'ma, heluk fano logoinogoluk setharek mondok logogin.


Kwe inonggotma nong agaikharek hak, ninonggotma weak hilingitorek mene ninonggwaregen futfou elo'lego. An tukhumhogo nonggot logolik, weak hilingiti mene ekhe werek halok he, fikhalogo nobagain o, neisena.


Hiren, Io, uogeluk halok, Ioat ino. Nen, Lego, uogeluk halok he, Legat ugun. Wene hunogoat mene ekhe mangorati lagep halok he, Iblis obabut weak mene a'nogo nen hinendawimo kagalhu kwelek ugun o,” iluk yagaisasikhe.


Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.


It afuni nit weak hilingninabi'lagwi mene inebe lombok niren sebelogo legetfisogo andi hak, niren weak hilingiti lago mene haren sebelogo legetfisan o. Weak hilingisuageluk ninendawimo kagalhu halok herakninobagagi'lek fetninarek mondok logoino, iluk samban ikhi logoino,” iluk yagaisasikhe.


Haren, it afuni kweangma mene inanggele'ma nen it enek kigilogo woginabinogen iluk kino yagaheti lagi fuk. We, at weak mene a'nogo nen weagerinabigeluk inoba wagunem, haren kwelaginarek logoinogen iluk yagaheti lagi o.


At Allah nen amlogo ninoe Enupogot Yesus Kristus hinom hundik logobagaigeluk hinayonggo fesikhe andi. A'nogo, at obabut humbun mene nen hinayonggo fesikhe andi nen he, ebe asigin iluk hinendawinggen menenei ebeti'lek humbunhogo logoni o.


Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.


At nineisena Enupogot Allah ninayonggo fesikhe mene a'nogo nen: ”Yi'nogo hilinghinabigin,” iluk abok yaganisikherek higithogo hilingiterek a'nogo nen fethinarek logombik, eberogoat hilinghinabigin aro.


A'nogo agarek mene a'nogo nenat, hit hinenggi nen fano mene hilingitik, hinaneba fano mene yagaisigik, ikhi logobagaigen iluk, hinendawimo fanothinafik, hinendawinggen wurigethinafik, ikhi logouwago.


A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.


Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.


A'nogo meneat he, afuni ekhe Allah amolo mene hilingitunem inendawimo kagaligeluk wagunem, nineisena Allah Enupogoren telinafik, nen it ekhe weak hilingiri'lagwi mene halok, wene hobuk inoba feigeluk ferinarek welagik, a'nogo hilingisigin elu logoligat elok hilingisigin o.


Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ