2 TESALONIKA 1:3 - Allah Wene Fano Wene Hupla Inane

³ Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

2 TESALONIKA 1:3 ပူးပေါင်းရင်းမြစ်များ

AYUB 17:9

Ap higithogo hilingitarek mene inom, nen ap weak hilingitarek lek mene inom, nit At Allah endawimo agaiyek anggikherek higithogo welago iluk, it inebe werek mene faget ekhe inom omamet fakhikhi logouwak.

MAZMUR 84:7

O Baka tonggwe iringik weakwe andoma laga logolik, iren i elesi wulifukwe yenggelhigik fouwogeluk hilingitunem, attak meiso oba heilarogo pelagisa wagunem inendawimo fanorinafi lagagin andi.

MAZMUR 92:13

Afuni inobabut higithogo nek hilingitarek mene and re e kurma asimit lagaikherek higit welagik, nen e sin o Libanon nen mondok muli-muli wiliferek andi higit welagik, ikhi logogun.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

LUKAS 15:32

Meneat he, hat hagot yi re, wa'laga anggogo mene re, eluk agasik waga o. Longgo ikhe mene herato o, andi nen he, ninendawimo ninagaiyek hikhi logolik hilingisu meneat hilingiti lago, iluk yagatikhe,” iluk Yesus nen yagaisasikhe.

LUKAS 17:5

A'nogo isikhemo, it agoromi lakfisasikhe mene omanogo nen he: ”Noe e! Ninendawinggen en Allah oba himbiret fogo mene a'nogo wurik asuageluk ekhe inom ninomamet ninabin o,” iluk yagatukwama,

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

ROMA 1:8

Nerugwi, nagaila'lak. Wene ebe yagahisagen he, ekhe yi tak yagahisak. Afuni o yi awi ti awi a'lima nen, hit mondogat hinabok fano ikhi logolik he: ”It afuni Roma mene inendawinggen Yesus oba himbiret fuluk welagaikharego,” iluk agarek andi nen, Yesus Kristus yaga'luk enek, ”Neisena Allah,” iluk hai wati lagi.

1 KORINTUS 1:4

Allah obabut fano nen, Kristus Yesus alisikhogo, fano mene wokhisikherek andi nen, hundik-handik hai wato mondok welagirego.

2 KORINTUS 10:15

Allah nen a'nogo nineabu huli warogo wo'nisasikhe mene sebelogo fuluk afane laluk he, it ekhe hilingita mene, an hilingiti halok fogerakhikhi lago lego. Hit hinendawinggen Allah oba eberogoat himbiret fikhi lagep mene andi ekhe inomat wurik agunem he, o hit werekwe Allah nen huli warogo nit wo'nisasikheba, yabu hokhorogo hilingiti logogun anggikhi lago.

EFESUS 5:20

Hundik-handigat yi mene ti mene mondogat faget he, Tuhan Yesus Kristus enu hombuk palogo re, nineisena Allah hai wati logoino o.

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

FILIPI 1:9

An nen samban hit hinobaget ikhi logolik, mel ikhi lagi: ”Yi mene ti mene awi yatunem ero hokho a'luk wuliferek hak, hit ebe wene furogo hinelu agik, fut figik, ikhi logolik, afuni inebe hinendawirogo welagep andi mene hokhorogoat hinendawirinafi logobagaigen,” iluk, samban ikhi lagi aro.

1 TESALONIKA 3:12

Niren hit hinebe ninendawirogo welago hak, hiren a'nogoat hit-hit hinendawirogo hilingitik, afuni mondogat hinendawirinafik, hokhorogoat hinendawirinafi logobagaigen, ninoe Enupogoren hinobabut inendawirinafarek andi mene oba loukhogo ekhe inomat wokhisikhi logouwak.

1 TESALONIKA 3:6

Nen, at Timotius hinoba lakfei wagimo wagasik a'naga, yogondak ambotkwe ninoba wagasik he, hit hinendawinggen Kristus oba himbirik logolik, afuni ekhe hinendawirogo hilingiti lagep mene andi yaganisigik, niren: ”It hinelokhonggen nineilenggen iselo e,” iluk ninamolo anggikhi lago hak, hiren a'nogoat ninoba eberek mondok logolik: ”It inobabut fano a'nogo nineilenggen iselo e,” iluk, anggikhi lagep mene andi, yaganisa wagama re, ninendawimo ninagaiyek anggikhi lago o.

1 TESALONIKA 3:9

Nit nineisena Allah eilhanemat logolik, hit faget ninagaiyek anggugu mondok welago andi faget, Allah hai mondok hokhorogo wati lagosi'mo re, hobuk hai ninggi'nogo wasuheat, hilinglari'logo.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.

2 TESALONIKA 2:1

Nerugwi nagaila'lak. Ninoe Enupogot Yesus Kristus ebe wesimbik he, at ninom misi'mo logouwogeluk andogetninabi wesigin andi faget, ekhe inom komothinabik.

2 TESALONIKA 2:13

Nerugwi nagaila'lak. Hinebe ninoe Enupogoren endawi werego. Eroba Allah nen hinebe telhinabigeluk wenak hinafikhemo, hiren ebe wene andi eberogoat iluk wanhik, nen, hinebe Allah Areagun en Allah onggwarek faget fakhaluk tegelogo hinobagagik ikhi logogun andiba telhinabigin andi nen, nit Allah hai wasugun higithogoat hit faget hai watu mondok welago.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

2 PETRUS 1:13

At ninoe Enupogot Yesus Kristus nen yaganetikhe hagat, an nebe nagap mene elama faget welagi yi re, herakfisaluk weak-weak lagain higit welagi, iluk an nelu welagi andi nen he, yogondak nebe neluk welagi yaba re, wene andi faget hinendawimo eberogo yagahisugu mondok logigin anggikhi lagi o.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.