2 TAWARIKH 9:9 - Allah Wene Fano Wene Hupla Inane

⁹ A'nogo yagatikhesik he, at he ratu awi Syeba mene a'nogo nen he, aren onggo amolongge wogosigin iluk waluk wagaikhe mene omanogo emas enggin he 4.000 kilo nen inom, helep permata hokho-pokhorogo inom, amben-ambenengge mene inom, omanogo mondogat Salomo wogetikhe. Amben-amben engge andoma re hun Salomo nen ariginik mene ekhe wanhi lagaikhe lek oba nen he, he ratu awi Syeba mene andi nen waluk wagaikhe mene andoma re mondok fano mondok mene nek wogosi wagaikhe.

2 TAWARIKH 9:9 ပူးပေါင်းရင်းမြစ်များ

KEJADIAN 43:11

A'nogo yagatukwama it ineisena nen ikhi logolik, ”Yogo, a'nogo hilingik halok he, nit ninaiba yoma nen enggen ugu fano mene inom, hendali hak mene inom, e kami agap hak mene inom, kin amusu inom, yi mene ti mene amben fano mene inom, e sawe enggen inom, e amu mene enggen inom, hun gubernur andi faget onggo wogosubagaigen hinasu karung oba kwalhigik waluk lani o.

1RAJA-RAJA 10:10

At he kain ratu aiba Syeba mene a'nogo nen a'nogo yagatikhesik, emas 4.000 kilo nen inom, helep enggen hombonundek onggo hokho mene, enu permata ebe mondok hokhorogo inom, yi mene ti mene amben fano mene inom, wogotikhe. Yi mene ti mene amben fano mene, he ratu aiba Syeba mene andi nen mondok hokhorogo at Salomo wogosi wagaikhe andi hangge hobuk it ekhe nen a'nogo ekhe wogosi waga lagaukwa mondok lek.

1RAJA-RAJA 9:14

At Hiram en he Salomo faget emas 4.000 kilogram en mondok hokhorogo ekhe inom lakfisa wagaikhe.

2 TAWARIKH 9:1

Afuni Syeba mene inagaisa he ratu a'nogo nen esanggo holhugunem en he, at Salomo abok fano laga lagaikhe mene a'nogo holhikhesik he, wene heinok u elo'lek mene Salomo obabut palogo heinok wokhagain iluk o Yerusalem wagaikhe. Waga logolik he, aren ap esa logalek inom, wam unta ba re yi mene ti mene amben-ambenenggeba ambenhogo isatu mene mondok peterogo liabek engge omanogo inom helep enu permata inom, emas hokhorogo inom, waluk wagaikhe. He a'nogo wagaikhesik at Salomo inom ambit agaukwasik wene yi wene ti wene hokhorogo at Salomo nen wenggelu higit mene heinok wanhikhe.

2 TAWARIKH 9:10

(Hun raja Hiram agoromi inom, raja Salomo agoromi inomen he, emas inom, helep permata inom, e cendana inom, o Ofir en he hun Salomo faget waluk wagaukwa.

2 TAWARIKH 9:24

It omanogo waga logolik he at Salomo obaget hadiah wogosugun mene iluk he inebe lombogen waluk wogosi waga lagaukwa.

2 TAWARIKH 9:8

At Tuhan nen afuni Israel mene endawi hundik hilinginafikhesik, it inebe mondok logouwageluk he noe haren wene melalek omameratik, katukhogo hilingitu mene a'nogo nek omameratik ikhi logouwageluk, it inobaget noe hat raja menogo hobagaikhe. Nen, At Tuhan nen noe hat hoba endawi hundik werek a'nogo helu asuageluk he, noe hat it afuni At enuba melalinafi logouwageluk raja menhobagaikhe andi,” iluk yagatikhe.

MAZMUR 72:10

It ap raja-raja o Darsis oba werek mene nen inom, nen it i alonggen kwe werek mene nen inom at obaget yi mene ti mene wogosuogeluk waluk waga logogun. Nen raja o Arab mene inom Etiopia mene inomen ogore at obaget waluk we'luk fei waga logogunat.

MAZMUR 72:15

Hat raja re, Heluk mondok logoino o, iluk yagati logouwak. Ma re, at were'ma re emas o Arab mene andoma fisaluk wogosi waga logouwak. At obaget he linggene hundik-handik samban iginafu mondok welagik, fanoabet fisikho welagik, ikhi logouwak.

KELUARAN 30:34

Tuhan nen Musaba yagati logolik he, ”Haren amben-amben engge elokhe amu-amu andoma ebe higithogo nek, e hendali homo inom, e kami agap inom, e rasamala homo inom, amben mondok fano mene inom, higithogo nek waluk he,