2 TAWARIKH 9:8 - Allah Wene Fano Wene Hupla Inane

⁸ At Tuhan nen afuni Israel mene endawi hundik hilinginafikhesik, it inebe mondok logouwageluk he noe haren wene melalek omameratik, katukhogo hilingitu mene a'nogo nek omameratik ikhi logouwageluk, it inobaget noe hat raja menogo hobagaikhe. Nen, At Tuhan nen noe hat hoba endawi hundik werek a'nogo helu asuageluk he, noe hat it afuni At enuba melalinafi logouwageluk raja menhobagaikhe andi,” iluk yagatikhe.

2 TAWARIKH 9:8 ပူးပေါင်းရင်းမြစ်များ

2 SAMUEL 23:3

Yakub eisena Allah a'nogo nen ikhi logolik he, nit afuni Israel mene, fetninarek welagarek mene nen, an wene yaganeti logolik, yi'nogo yaganetikhe, ”Raja nen he yi'nogo hilingiterek, at ebe tulem logolik he afuni holhu mene katokhogo melalinafik, Tuhan oba ailorogo hilingitik, hilingitu halok he,

2 SAMUEL 8:15

A'nogo at Daud en it afuni Israel mene mondogat halfisikhi logolik he, aren againafuri Israel mene inoba fanorogo hilingfisigik, higithogo hilingfisigik, ikhi logogin iluk hilingiti lagaikhe.

1RAJA-RAJA 10:9

Hat heisena Tuhan, hebe afuni Israel mene inoe raja logouwagaluk menhobagasikhe mene. Hat heisena Tuhan Allah nen afuni hinunggulenu Israel mene endawi hundik mondok welagarek andi nen, hat hebe oba liok ikhesik, it afuni Israel mene ninoe henupogot logolik wene higithogo inoba figik, kotik, fanorogo ikhi logouwagaluk menhobagaikhe mene andi fogerati logouwogo,” iluk yagatikhe.

1RAJA-RAJA 3:28

At Salomo nen wene andi higithogo pilingisogo tegetikhe andi nen, it afuni inunggulenu Israel mene inesanggo holhukwasik he, ”At Allah nen Salomo, yi wene ti wene higithogo tegeti logouwagaluk endawinggen kagalek mene wogotemo werek higi, ninailo e,” iluk Salomo inane agaukhogo fogeratukwa.

1 TAWARIKH 17:22

It inunggulenu Israel mene andi re Haren an nagainafuri logouwageluk he mondok-mondok hilingfisasigin. Tuhan neisena, Harenek he it ineisena Allah agagin, neisena.

1 TAWARIKH 28:5

Aren he an nanlogomi hokhorogo wo'netesik, an nagainafuri mondogat andoma nen he at Salomo nek he o kerajaan Tuhan it afuni Israel mene omanogo inoe raja logolik melalinafi lagogin mene wenagaisogo fesikhe.

1 TAWARIKH 29:10

It afuni hokhorogo ineilhanem a'nogo re at raja Daud en Tuhan fogerati logolik he, yi'nogo isikhe, ”Tuhan Allah ninomba Yakub en fogethafi laga mene, neisena. Hat he hundik-handik fogethafu mondok logogun!

1 TAWARIKH 29:20

A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.

1 TAWARIKH 29:23

A'nogo menfesukwama re at eisena Daud obali'mo re amlogo Salomo at eisena hurek welagaikheba a'nogo Tuhan nen wene fesikhe higithogo hu'lasi lagasikhe andi. At ebere ap raja yi aple ti aple hilingitunem mondok fano nek aga lagaikhe agun, nen, it inunggulenu Israel mene abirengge nen ogore along palogo hilingfikhi lagaukwa agun welagaikhe.

2 TAWARIKH 13:8

Hit hinebe esa hokho ari nen hit hinanggo sapi emas mene kembu dewa iluk at Yerobeam en wuthisikhe mene andiet werek andi nen he, Tuhan nen at Daud ambisangma meneba inomame werek inap logouwageluk wokhisikhe mene ari sagalogo fogoin iluk hilingiti lageba?

2 TAWARIKH 2:10

Nen it ap hat hagoromi andi inamburu nunggu mene faget he, an nen gandum elokhe pire mene enggin ebe lombok he 2.000 ton mene inom, anggur he 400.000 liter mene inom nen zaitun amusu 400.000 liter mene inom noe hat hoba lak fei wesiginat, iluk surat palogo lakfesikhe.

2 TAWARIKH 2:11

Lakfesikhemo re at raja Salomo nen surat lakfesikhe mene a'nogo onggo re raja Hiram en lakfei waga logolik yi'nogo palek welagaikhe, ”At Tuhan nen At againafuri faget mondok endawi hundik anggugunem a'luk he it inobaget noe hat hebe raja menhobagasikhe.

2 TAWARIKH 9:7

Ap noe hat hobaget yabu hilingiri'lagwi mene oma inom, noe hendawinggen kagalek welagen mene andiba inom yagaisugunem hologo hilingitu logolik yabu hilingitunem he, it he inagaiyek mondok hikhi logouwak!

2 TAWARIKH 9:9

A'nogo yagatikhesik he, at he ratu awi Syeba mene a'nogo nen he, aren onggo amolongge wogosigin iluk waluk wagaikhe mene omanogo emas enggin he 4.000 kilo nen inom, helep permata hokho-pokhorogo inom, amben-ambenengge mene inom, omanogo mondogat Salomo wogetikhe. Amben-amben engge andoma re hun Salomo nen ariginik mene ekhe wanhi lagaikhe lek oba nen he, he ratu awi Syeba mene andi nen waluk wagaikhe mene andoma re mondok fano mondok mene nek wogosi wagaikhe.

MAZMUR 18:19

An noba enggin-fenggin agu sambul aremnogo re iren noasuogeluk weri'lagwi, oba nen At Tuhan he an lebetnafu mene ari'lago.

MAZMUR 22:8

Inebe mondogen ineilenggen yetnealuk, endo ya'nafi logolik he, inambisang singgin wa'nafik, inunggul kwani igik, ugu mondok welagaikharego.

MAZMUR 72:2

Aren it afuni Hat hagainafuri mene andoma inawene ayo wurogo pilingiti logolik he, wene melalek werek higithogo hilingiti logogin, nen it ekhe yi enggin ti enggin hilinginafunem weak hili'lagwi mene andoma ogore inawene higithogo nek pilingisikhi logogin aro.

MAZMUR 99:4

Hat he Raja homame hokho mene welagen, higithogo hilingitarek mene andi nek hendawirogo welagen. Haren enek eberogo wene a'nogo omamet fikhi lagen, Harenat he it afuni Israel mene were'ma andoma higithogo hilingfisigik, wene melalek omanogo menfigik hilingiti lagen.

AMSAL 21:3

Yi mene ti mene Tuhan obaget fagarek andi re maben hak oba nen he, tiphogo hilingitik eberogo mene hilingitik agarek andi nek he, Tuhan endawimo agaiyek anggikherek mene hilingitarek.

AMSAL 29:4

Ap ferinarek welagarek agun a'nogo nen higithogo hilingitarek mene andi fanorogo futfugu halok he, o kweang aren ferinarek logogin oba andoma omamerogo mendek logogin. Oba nen he aren uang faget enek esin anggaluk hilingiti logogin halok he, o kweang andomaba mondogat weak asigin.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

YESAYA 62:4

Hat henu re, ”Linhaluk” ikhi logogun lek, nen hanggweang he, ”Ap le'ma,” ikhi logogun legaro. Hat faget he, ”Allah nen endawiraterek mene,” ikhi logogun, Hanggweang faget enu re, ”Agun helikhe,” ikhi logogun. Andi re Tuhan hat faget endawimo agaiyek asumo re, At he hat hanggweangma andoma hagun higit hilingik logogin.

YESAYA 9:7

Tuhan nen afuni Israel mene weak mondok hilingitunem wene inoba mondogat fesikhe.

ULANGAN 7:8

A'nogo meneat he, nineisena Tuhan hinebe mondok endawi nen, Yi'nogo hilinghinabigin, iluk ninombalak wene warisasikhe mene andi, ebe tiphogo hilinglasuageluk hinebe wenagaisogo hinobagaigeluk hinayonggo fesikhe o. Hinayonggo a'nogo fesikhe andi nen, hit hinebe afuni Mesir mene inoe kain enupogot Firaun amingmingengge higit logouwageluk fethinarek were'ma nineisena Tuhan omame mondok hokho andiba telhinafikhesik wokhinarek wulibi wagaikhe andi.