2 TAWARIKH 9:7 - Allah Wene Fano Wene Hupla Inane

⁷ Ap noe hat hobaget yabu hilingiri'lagwi mene oma inom, noe hendawinggen kagalek welagen mene andiba inom yagaisugunem hologo hilingitu logolik yabu hilingitunem he, it he inagaiyek mondok hikhi logouwak!

2 TAWARIKH 9:7 ပူးပေါင်းရင်းမြစ်များ

1RAJA-RAJA 10:8

Hat hagagwi inendawimo nen he iaple anggili'lagimo aro, nen, hagoromi heilhanem hat faget hundik-handik hilingiti logolik, hat hendawinggen kagalek logolik hilingitunem, ineilenggen hiili'lagwi mene andi, inendawimo hai hikhi logouwak aro.

2 TAWARIKH 9:6

Attak a'nogo ugunem he, andoma ineranhogo wene ili'lagwi iluk an nendawimo furogo anggikhi lagagi lek, oba nen he yogondak an nebe wagarik neilenggen nen furogo higirik enek he eberogo at iluk anggigi o. Nen ekhe re noe, hat hendawinggen wenggelek welagen mene inom hangge, yi mene ti mene henggiwerek welagen mene inom he, mondok hokho-pokhorek oba nen he, an yaganeti lagaikha mene re we endebengge o. Eberogo nen he an holhi mene andoma re neilenggen higi mene yoma mondogat he fuk, we mun magengge yaganete o.

2 TAWARIKH 9:8

At Tuhan nen afuni Israel mene endawi hundik hilinginafikhesik, it inebe mondok logouwageluk he noe haren wene melalek omameratik, katukhogo hilingitu mene a'nogo nek omameratik ikhi logouwageluk, it inobaget noe hat raja menogo hobagaikhe. Nen, At Tuhan nen noe hat hoba endawi hundik werek a'nogo helu asuageluk he, noe hat it afuni At enuba melalinafi logouwageluk raja menhobagaikhe andi,” iluk yagatikhe.

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

AMSAL 10:21

Ap fano mene nen inane agarek mene andoma re afuni hokhorogo fanot fisugu mene faget agarek, ap kembu mene nen lugulugwi kanggorogo nek matarek mene andoma re inonggwarek inebeat waragarek.

AMSAL 13:20

Afuni ekhe inobabut hebelek mene inom sebetu halok he inobabut hebelek meneat agaikharek. Nen, it ekhe inobabut kembu mene andi inom sebetu halok he, it andi inebe alomat lagaikharek.

AMSAL 3:14

Nen, iren inendawimo anggikhi logogun mene andi re perak ambisangma helogoin mene andi re we maben hangge, nen emas onggo inom he higitsek lek.

AMSAL 3:3

Hat hendawi hundik heisena Allah oba logolik tiphogo hilingiti lagen mene andi herakfuluk la fugo! Athe siong inalonggopma itarek higit itik, lisu palharek higit hendawinggenma peterogo fakhaluk, eberek mondok logoino.

AMSAL 8:34

It afuni an nane hologo hilingisuogoluk hundik-handik an nawi kweba hurek welagik, an welagirek oba leget pa'leget ambe pale'ma andoma kagalek welagik agarek mene andi re, inendawimo inagaiyek anggikhi logouwak.

LUKAS 11:28

at Yesus nen he, mel isikhe: ”At andi nek lego. It ekhe Allah ane andi inesanggo holiluk higithogo hilingiti logogun halok he, inendawimo agaiyek hokhorogo hikhi logouwagaro,” iluk yagatikhe.

ULANGAN 33:9

inobabut Hat hoba lomborogo logolik, inesugwi inagaisawi faget inom, inogogwi, ina'logomi faget inom, inagainafuri faget inom, abelmatfisaluk, Hat hobaget enek he, esinetfesukwa andi. Haren, yi'nogo hilingiti logoino, ti'nogo hilingiti logoino, iluk yaganisasigin wene andi, iren hologo higithogo hilingitik, nen, haren he, An nen wene warogo wokhinafi, iluk isiginmo, iren, Nit At againafuri, iluk isukwa andi.