2 TAWARIKH 9:4 - Allah Wene Fano Wene Hupla Inane

⁴ it agoromi pegawai o istana ba andoma yabu fanorogo hilingiri'lagwi mene omanogo inom, it inasu seragam eil misik mene laberek welagaukwa mene omanogo inom, it inawi wurik aple inom, ekhe nunggungge isagaisogo fei wagu aple omanogo faget inom, nen it seni isati logolik andiba afuni sumburisugu mene inasu laberek aple inom, nen ekhe re at Salomo nen o Tuhan Awi wuri'mo a'nogo yi mene ti mene Tuhan faget fesikhe mene omanogo inom, mondogat omanogo faget he at he ratu Syeba mene a'nogo nen he oak leikhogo eil kumutu welagaikhe.

2 TAWARIKH 9:4 ပူးပေါင်းရင်းမြစ်များ

1RAJA-RAJA 10:5

awi istana ba andoma agoromi yabu hilingiti lagaukwa mene inom, inasu eil misik mene nek fanorogo laberek welagaukwa mene inom, inawi wurik inom, eilenggen hasikhe. A'nogo hasikhesik, amburu isago inom, agai hilingik inom, noagaluk isatukwa mene fei wagik, afuni seni pesta isago sumburisikhi lagaukwa mene omanogo eilenggen isigik, at Salomo nen wam yi mene ti mene Tuhan Awi wuri'mo a'nogo fisikhi lagaikhe mene omanogo eilenggen higik, isikhe. A'rigini'mo hasikhesik, a'manggen mondok lagaikhesik he hokhorogo fogeratikhe.

1RAJA-RAJA 5:2

Lakfisa wagaikhemo Salomo nen ogore raja Hiram andi nen lebetneoageluk wene lakfikhi logolik,

1RAJA-RAJA 5:3

”Hiram noe. Afuni inunggulenu nineralu'kwe werek mene oma nen an neisena Daud inom weim yabugun iluk ninghogo hilingisi wagu nen weim yafi lagaikhe mene a'nogo re hat helu o. Nen, Tuhan nen ogo Daud aselei mene mondogat leget fisoageluk hilingfigi'le'ma re, aren eisena Tuhan Allah Awi At obaget hilingituba a'nogo wuti'lek welagaat.

2 RAJA-RAJA 16:18

Andi nen at Ahas nen raja Asyur endawi waganogoluk he, o Tuhan Awi wuri'mo enggi Sabat sambul hilingituba solombonma kwe palek welagaikhe mene a'nogo meisalhikhesik he, kwe hun raja amu nek kwikherek kwe a'nogo to'motfesikhe.

1 TAWARIKH 9:18

It ap andiba nen he yogondak huli nen ogore o mo lagai wagarek fikhit Pintu Gerbang Raja kwagarek oba iluk andoma kagalek logolik welagaikharek. Attak he it ap andi mene re kwe ambe it ap Lewi mene inawi sabu sale'ma lagaikharek fikhit andoma kagalek welagaukwa.

2 TAWARIKH 23:13

At a'nogo lagaikhesik hilingitunemen he, raja ket mene a'nogo re o Tuhan Awi wuri'mo kwi laguba solombonma aremnogo ebe menogo fesukwama aremnogo were'ma re, it trompet futu mene inom, it sikhe fisogo mene inogogwi perwira 100 nen omanogo inom he, haningisogo kwelabek logolik welagaukwa. Nen, it Tuhan Awi wuri'mo andoma pinggong kongetu inap omanogo re, wene kabogetukwasik a'nogore it inangge pinggong omanogoba inagaiyegerati lagaukwa. A'nogo hilingitunem he it afuni omanogo mondogaren trompet futi logolik inagaiyegeti lagaukwa. Ariginhunem a'nogo isasikhesik he at Atalya asu laberek welagaikhe mene a'nogo tiliphogo hugisasikhesik ane hokhoba humeti logolik he, ”Neil palhi lageba, neil palhi lageba,” iluk ane humeti lagaikhe.

2 TAWARIKH 9:3

Wene yagatikhemo re, at he ratu a'nogo nen he Salomo ungguloa'ma kagalek welagaikhe mene inom, o at Salomo ebe werek oba wurasikhe mene a'nogo inom,

2 TAWARIKH 9:5

A'nogo hilingi'mo hasikhesik, he a'nogo nen at raja Salomo ba ikhi logolik he, ”An nawi naggweang oba andoma nen noe hat hilingik welagen aple inom, hendawinggen kagalek welagen aple inom faget holhi lagi mene a'nogo re mondok ibi-eberogo nenat higi o!

NEHEMIA 1:11

An nen ogo, hamlogomi fenakwe inebe mondogaren ogo, ninebe mondogen hat agaukhogo fogethafi logouwogeluk samban hayonggo fikhi lago mene andi, ninane hesanggo holin o, neisena. O yogondak he, an hamingmingengge nebe ninoe raja oba lagain enggere, aren endawit nabuageluk endawimo kagalin o, neisena,” iluk samban oba Allah ayonggo fikhi lagagi. Andem oba re, an nebe raja agai nunggu mene faget yi'nogo hilingisugun ti'nogo hilingisugun, iluk lenggalhu logolik, Allah ayonggo a'nogo fikhi lagagi andi.

MAZMUR 119:81

Haren an nagap telnabi we'lep iluk an nendawimo warikhi logolik welagi, an he Haren wene watnetigin mene a'nogoba eberek logolik welagi.

MAZMUR 143:7

Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

AMSAL 9:5

”Wesimbik he sumburu ninggik, anggur amusu hinagaisogo figimo werek mene oma ninggik, ime o.

KIDUNG AGUNG 5:8

Yago, hit Yerusalem helime yoma, hiren an nendawi hundik mene andi hinom ambi asimbik halok he, at he hat faget endawinggen ninggemo oba ou agasik ou wili'logo iluk yagasubagaigen he wene watne'ni o.

YEHEZKIEL 44:3

Oba nen he hobuk ap misik ekhe omamerogo logolik melalinafi logogin mene andi nek he kwe andiba laluk nunggungge fano horek mene omanogo An nelokhoma werek mene andoma ninggi logogin. Andi nen at he kwe o senggelek hokho mene a'nogo kwe nen kwi laluk, kwe andi nenat wulibi laga logogin,” iluk ikhe.

YEHEZKIEL 46:2

Linggene andem sambul he ap enu werek logogin mene andi re o esanggo endakwe fikhit andoma nen ambe hokho mene a'nogoba kwi laluk, ebekhalem e menogo liabek mene a'nogo era'lu andem mendek logogin. A'nogo werek kwelek it imam en he ap enu werek mene a'nogo nen Tuhan endawimo agaiyek hoageluk fei wagu mene omanogo inom, Tuhan nen fanot ninobagauwageluk fei wagu mene omanogo inom warogo nolhi logogun. O solombonma andemen at ebe eindep awi yagaisogo Tuhan fogera'lugen laga logogin. Andi nen o hubagunem ogore kwe sou ambe palek mene andi re yagati logogun lek.

DANIEL 10:17

An he ap inamingmingengge nen ineisugwi inelokhoma mendek welagaikharek hakhogo hilingik welagi. Andi nen he an nen neisena hat hoba nane ninggi'nogo u hak nogo? Nomame mondogat lek agarik, set enek hoporogo hilingik welagi hilingi'mo re,” iluk igi.

MATIUS 6:29

Mene re, at ap Salomo ebe kain logolik alilingge wagane'ma fogerati lagaukwa andi elo'lek hangge, oba nen enggen andi nek he eilamulit mondok fano!

LUKAS 12:37

At kain a'nogo amingmingengge mene omanogo inoe yerogo were'ma ebe waga logoumo re, inendawimo inagaiyek hokhorogo anggogoin o. A'nogo yerogo were'ma wesimbik he, at inoe a'nogo obakhe hele pukhogo, agoromi omanogo isago noageluk inebe misi'mo lambukhogo hutfisambik he, aren sumburisagain o, iluk yagahisigi,” isikhe.

WAHYU 1:17

A'nogo were'ma higirik he, nailo nen nelokhe sagaum warek mene higit at awe a'ma sagam esi lagunem he, at enggi ebekwe an noba fikhesik he, mel yaganete: ”Hailo lek ame. An nebe re, eroba nen pikhit erembul oba netok mondok logolik he,

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.