Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TAWARIKH 9:23 - Allah Wene Fano Wene Hupla Inane

23 A'nogo were'ma re it ap raja-raja omanogo mondogaren he at Salomo eisena Allah nen endawinggen hebelek mene wogetikhemo wene yagaisikhi lagaikhe mene a'nogo holugun nen iluk ninghogo hilingiti lagaukwa.

အခန်းကိုကြည့်ပါ။ ကော်ပီ




2 TAWARIKH 9:23
19 ပူးပေါင်းရင်းမြစ်များ  

At Salomo nen wene andi higithogo pilingisogo tegetikhe andi nen, it afuni inunggulenu Israel mene inesanggo holhukwasik he, ”At Allah nen Salomo, yi wene ti wene higithogo tegeti logouwagaluk endawinggen kagalek mene wogotemo werek higi, ninailo e,” iluk Salomo inane agaukhogo fogeratukwa.


It raja o kweangma mondogat welagaukwa mene omanogo nen Salomo hebelek mene a'nogo faget inesanggo holuk he, aren ugu mene omanogo inesanggo holi loageluk ap lakfisikhi lagaukwa.


It ap raja o kweangma yoma welagaukwa mene re we maben hak werek kwelek he at raja Salomo nek he ap mondok hebelek agun logolik he enggi werek agun welagaikhe.


It omanogo waga logolik he at Salomo obaget hadiah wogosugun mene iluk he inebe lombogen waluk wogosi waga lagaukwa.


At Tuhan nenat inendawinggen kagalek mene wogisikherek, nen Arenat afuni inelu agarek mene inom, wenggelharek mene inom wogisikherek.


Linggene ekhe wesigin oba re raja ket mene Daud ambisangmangge mene ekhe re yi afuni ti afuni inobaget menlasumo re inebe mondogen At faget herarik waga logogun. Iren At oba we'luk he, At ebe werek oba mondok fanoma omanogo andogoluk fogerati logogun.


A'nogo weinam asumo re Tuhan Omameba hilingirik lagunem, at endawinggen kagalek mene logolik melalinafik, higithogo hilingitik, wene katokhogo tegetik, Allah endawimo anggikherek mene hilingitik, ikhi logolik At oba tiphogo nek hilingiti logogin.


A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.


Andi re o kerajaan neisena haren ferinarek welagen oba yoma re ap ekhe, Neisena ebe yi aro, iluk fogeraterek mene areagun endawimo mondok peterek mene ekhe werego. Ap andi re hat heisena nen ferinarek welagaikhe aremnogoba re ungguloak mondok kwe hurik were'ma, yi wene ti wene futfikheresik endawinggen kagalek logolik, afuni nen he, Nineisena ebe yi aro, iluk fogeratarek mene nen endawimo kagalogo yagatunem hangge yagaisikherek mene werego. A'nogo ikherek andi nen he, hat heisena nen at andi ebe ap wene hobuk hilinglasigin mene yagaisagarek mene inom, wesagun yi mene ti mene elalin hilingitarek mene inom, yi wene ti wene awene inelu mene inom, hesagal awene inelu mene inom, inoe kain logouwagaluk menfesikhe mene ebe werek andi nen he, hendawinggen hambukhogo logoin o.


At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.


At Allah Areagun en, at ekhe wene kagaukhogo ikhi logouwageluk wogeterek. Nen, at Areagun andi nenat, at ekhe yi wene ti wene elu mondok logouwageluk wogeteregat.


Hit faget he, Tuhan Yesus Kristus eisena Allah fogeratu mondok welagaikharek mene a'nogo nen, hinendawimo mondok kagalek mene wokhisigik, at ebe furogo futfobagaigen iluk yagahisigik, ikhi logouwagen iluk, Areagun wokhisoageluk ayonggo fikhi lagi.


Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.


A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ