2 TAWARIKH 9:10 - Allah Wene Fano Wene Hupla Inane

¹⁰ (Hun raja Hiram agoromi inom, raja Salomo agoromi inomen he, emas inom, helep permata inom, e cendana inom, o Ofir en he hun Salomo faget waluk wagaukwa.

2 TAWARIKH 9:10 ပူးပေါင်းရင်းမြစ်များ

1RAJA-RAJA 10:11

(Nen, raja Hiram en e so at meneba emas o Ofir en waluk waga logolik, helep enggen hombonundek onggo hokho mene enu permata ebe hokhorogoat inom, e fano mene enu cendana inom, Salomo wogosi waga lagaikheat.

1RAJA-RAJA 10:22

Salomo angge kapal hokhondek mene hokhorogo ap raja Hiram mene angge kapal inom misikwe waluk nikhi lagaukwa mene hokhorogo welagaikhe. Kapal andoma 2 tahun oba welekwe nikhi la'luk tahun ekhe 3 meneba nek he yi mene ti mene emas inom, perak inom, wam enu gajah aik mene inom, paik hangge afuni inelokhonggen hangge enu kera inom, sue enu merak inom, waluk waga lagaukwa.

2 TAWARIKH 2:8

Noe hat welagen oba andoma ap e mutu mene faget mondok inelu hilingi'mo re noe haren o Libanon oba andoma e laik inom e sendana inom hokho-pokhorogo hilingi'mo re andoma mene ekhe lak fei we'no o. O Tuhan Awi an nen wusigin mene andi re mondok hokho awi hunikhogo wusigin hilingi'mo re,

2 TAWARIKH 8:18

At a'nogo lagaikhesik hilingitunemen he hun Raja Hiram a'nogo nen he at Hiram onggwarek agoromi nen kapal waluk nikharek mene inom, it kapal andiba nikhi logolik, hilingirik nikharek mene mondok inelu-pinelurek inap inom, ambit lakfisa wagaikhe mo re at Salomo agoromi inom he o Ofir lagaukwasik andoma nen emas enggin he 15.000 kilogram hilingik engge waluk Salomo ambit wagaukwa.

2 TAWARIKH 9:11

E andoma re o afuni Yehuda mene were'ma andoma ekhe welagaikhe lek. E andiba re at Salomo nen o Tuhan Aiba a'nogo kwe pela lagagukwe faget inom, at onggwarek aiba a'nogo kwe pela lagagukwe faget inom wutikhesik he, ekhe re it wuni watu mene faget pinggong kecapi inom gambus inom hilingitikhe.)

2 TAWARIKH 9:9

A'nogo yagatikhesik he, at he ratu awi Syeba mene a'nogo nen he, aren onggo amolongge wogosigin iluk waluk wagaikhe mene omanogo emas enggin he 4.000 kilo nen inom, helep permata hokho-pokhorogo inom, amben-ambenengge mene inom, omanogo mondogat Salomo wogetikhe. Amben-amben engge andoma re hun Salomo nen ariginik mene ekhe wanhi lagaikhe lek oba nen he, he ratu awi Syeba mene andi nen waluk wagaikhe mene andoma re mondok fano mondok mene nek wogosi wagaikhe.

AMSAL 31:14

A'nogo hilingiti logolik,” It afuni yi mene ti mene onggo heligik, saburigik, hilingirik nikharek mene nen sumburu o yatma nen kapal oba waluk wagaikharek andi hak, aren sumburu o yatma nen wani laluk wagarek.