2 TAWARIKH 8:7 - Allah Wene Fano Wene Hupla Inane

^7-8 It afuni inunggulenu Kanaan mene inambisangma nen tagomangge mene, Het inap inom, Amori inap inom, Feris inap inom, Hewi inap inom, Yebus inap inom, it Israel inaben o kweang andomaba kwi laga logolik, mondogat inoatukwa lek mene omanogo re at Salomo nen ane omameba yagaisugu kwelek yabu hilingiti logouwageluk kwelaginafukwa. Iren tagomangge mene re yogondak huli nen he it Israel mene inamingmingengge aga logolik enek werek.

2 TAWARIKH 8:7 ပူးပေါင်းရင်းမြစ်များ

KEJADIAN 13:7

Andi nen he, at Abram agoromi wam konhi lagaukwa mene inom, Lot agoromi wam konhi lagaukwa mene inom, inom wene palhukwa. (O andem sambul it afuni Kanaan mene inom, Feris mene inom, o andomaat welagaukwa.)

2 TAWARIKH 2:16

Nit he e laik o Libanon tom oba omanogo noe hat hamolo mene higithogo musi lambik he i bene nen salmasuakhogo re heleba homagaisogo lakfei wagunem i nen waluk o Yobe wulibi waga logogin. Nen andoma wulibi wagunem he noe haren salmagaisogo re o Yerusalem fei laga logogin o, iluk lisu palogo lakfesikhe.

2 TAWARIKH 8:6

Andi nenhe aren nekhengge o kota Baalat a'nogo wutik, o kota mondogat yi mene ti mene foukhogo fuguba omanogo wutik, kota wam sapi nen li'luk lagarek oba weim yabik laga lagaukwa mene kereta inom, wam kuda inom, eroma a'nogo wutik hilingitikhe. Aren o Yerusalem kwe inom Libanon kwe inom wilayah at a'ma welagaikhe kwe inom wusigin iluk endawimo ebetikhe kwe omanogo mondogat wurik lagaikhe.

EZRA 9:1

A'nogo mondogat hilingfuluk he, it afuni Israel mene inogogwi kaindek fena an nambit wagaikhasik he, an yaganeti logolik mel yaganeta, ”It afuni Israel mene inom, ap Lewi mene inom he, afuni inunggulenu amu mene nen nit welago kwe oma nen haningisogo werek mene, inunggulenu Amon inap, Moab inap, Mesir inap, Kanaan inap, Het inap, Feris inap, Yebus inap, Amori inap, oba nen enogo fakhigi legengge nek hilingiri'lagwi. It ap imam inom, it Lewi inap inom, en ogore a'nogo nek hilingiri'lagwi. It inebe mondogen he afuni inunggulenu andi mene nen inobabut mondok nong-honghogo hilingiri'lagwi mene omanogo hakhogo nek hilingiri'lagwi.

ULANGAN 7:1

A'nogo yagaisasikhesik, ekhe mel yagaisasikhe: ”Nineisena Tuhan Allah nen o hit hobuk logogun oba andoma wokhinarek lambik, afuni inunggulenu hokho mene pugulogo wulakfisagain. Wulakfisambik logolik inunggulenu 7 nen hit hangge lek. We, it inunggulenu hokhoat, inomame hokho mene, mugusogo wulakfisagain o. It andi re, inunggulenu Het mene inom, Girgasi mene inom, Amori mene inom, Kanaan mene inom, Feris mene inom, Hewi mene inom, Yebus mene inom, mugusogo wulakfisagain o.