2 TAWARIKH 8:11 - Allah Wene Fano Wene Hupla Inane

¹¹ At Salomo nen endawinggen wenggel hikhi logolik he, ”It afuni Israel mene inoe raja Daud welagaikhe kwe mondogat andoma re, peti Wene warek a'nogo fisogo welagaikhemo obalik mondok enek oba enggere, an nagwe re Daud ailoba oma logogin lek,” iluk wenggelhikhesik he at Salomo nen agwe hun raja awi Mesir mene a'logo waganek welagaikhe mene a'nogo o Daud awi kota ba omanogo nen waluk he o aren agwe andi faget wutikheba omanogo fei lagaikhe.

2 TAWARIKH 8:11 ပူးပေါင်းရင်းမြစ်များ

1RAJA-RAJA 3:1

At raja Salomo a'nogo afuni Mesir mene inom sebesuogeluk logolik he raja Mesir mene a'logo helasikhe. A'nogo helasikhesik he, aren hele a'nogo helaluk he o kota Yerusalem eisena Daud aiba a'nogo feilagaikhemo werek kwelek o sili at raja ebe werek oba inom, Tuhan aiba a'nogo inom, leget o Yerusalem haning leget a'nogo inom, mondok eil homologo wutunem andoma welagaikhe.

1RAJA-RAJA 7:8

At Salomo ebe were'ma ogore o amu mene wurik andoma higit wuri'mo re o ambe wene katokhogo tegetuba andi nen ambol fikhit andoma welagaikhe. Nen at agwe, he hun raja Mesir mene a'logo a'nogo faget ogore at Salomo nen he o higit mene at ekhe wutikhe.

1RAJA-RAJA 9:24

Kweang Tuhan Awi wuri'mo nen a'makwe selatan fikhit andi re, at Salomo nen agwe hun raja Mesir mene a'logo a'nogo o kota Daud aiba a'nogo nen o Salomo nen at agwe andi faget iluk wutikheba a'nogo lagaikhemo nek he, kweang a'nogo kabogerik lagasikhe.

2 TAWARIKH 8:10

Nen, it ap yabu inane omameba melalinafu kwelek hilingiti logouwageluk he, ap halinafi logogun mene inebe 250 nen fisasikhe.

KELUARAN 29:43

Andemen An nebe it inunggulenu Israel mene ninom ambi aga logogun, nen An nebe weinam agu mene naselek andi nen he, obalik andem mondogat horek mene hilingfikhi logogin.

KELUARAN 3:5

A'nogo yagatikhemo, At Tuhan nen he, ”Hat hebe An nonggwarek nanggweang oba mendek welagen andi nen, hebe horokhogo ya wagi'lek, andem logolik heisok sandal ugu welagen mene ari nonggologo arem fein o.

YEHEZKIEL 21:2

Afuni wa'lagaikharek mene yi, Yerusalem andi re homan fein o. O obalik wene kabogetarekwe andoma homan filik lan o. Israel anggweangma andoma ineluet fisilik lan o,

2 PETRUS 1:18

ane pogoroba nen pelakfei wagunem, nit Yesus ninom tom Allah onggwarek andom unggul andiba logolik ninesanggo tomok holhugu o.