2 TAWARIKH 8:10 - Allah Wene Fano Wene Hupla Inane

¹⁰ Nen, it ap yabu inane omameba melalinafu kwelek hilingiti logouwageluk he, ap halinafi logogun mene inebe 250 nen fisasikhe.

2 TAWARIKH 8:10 ပူးပေါင်းရင်းမြစ်များ

1RAJA-RAJA 5:16

At Salomo nen a'nogo inayonggo fesikhesik it yabu hilingitunem kagalek logogun mene re inebe 3.300 nen wenagaisogo menfisasikhe.

1RAJA-RAJA 9:23

At Salomo eabu ekhe mene ekhe mene hilingirik laga lagaukwa mene a'nogo, ap yabu hilingisuageluk inane omamerogo yagaisugunem hilingiti lagaukwa mene omanogo eiserogo melalinafi logouwageluk he, ap pegawai inebe 550 nen mene yabu andi wogisasikhe.

2 TAWARIKH 2:18

A'nogo wenagaisogo fisasikhesik he it inebe 70.000 mene re ongge omanogo salmati logouwageluk fisasikhe. Nen it inebe 80.000 nen he tom oba omanogo helep serelhi logogun mene fisasikhe. Nen inebe 3.600 nen he yabu andi faget awene palhik, kagalek welagik ugu mene fisasikhe.

2 TAWARIKH 8:11

At Salomo nen endawinggen wenggel hikhi logolik he, ”It afuni Israel mene inoe raja Daud welagaikhe kwe mondogat andoma re, peti Wene warek a'nogo fisogo welagaikhemo obalik mondok enek oba enggere, an nagwe re Daud ailoba oma logogin lek,” iluk wenggelhikhesik he at Salomo nen agwe hun raja awi Mesir mene a'logo waganek welagaikhe mene a'nogo o Daud awi kota ba omanogo nen waluk he o aren agwe andi faget wutikheba omanogo fei lagaikhe.

2 TAWARIKH 8:9

It afuni Israel mene re yabu ane omameba hilingisuageluk yagaisigi'legenggere, it he ap sikhe fisogo mene welagik, nogogwi perwira welagik, kereta elelema kuluk weim yabik lagaikharek mene a'nogo melalinafu mene welagaik, nen it kuda amboloba lagaluk weim yabi lagu mene fisigik, ikhi lagaikhe.