2 TAWARIKH 7:5 - Allah Wene Fano Wene Hupla Inane

⁵ Wam iren warogo wogetukwa mene andoma re, sebet ninabuageluk faget he at Salomo nen wam sapi 22.000 nen inom, domba re 120.000 nen inom wogetikhe. O wene kabogetuba a'nogo Tuhan wogeti logolik, at Salomo inom, it afuni holhu mene inomen he a'nogo hilingitukwa andi.

2 TAWARIKH 7:5 ပူးပေါင်းရင်းမြစ်များ

1 TAWARIKH 29:21

Lingge ekhe ombo'ne re, iren wam Tuhan obaget warogo wogosugun iluk wagaukwasik, iren sumburogo re afuni mondogat omanogo wogisasukwa. Andi fena wam sapi ai mene 1.000 nen inom, wam domba ai mene 1.000 nen inom, nen domba ket kotorek mene 1.000 nen inom he watukwasik ebe abirengge, warogo nolhu mene obalik mezbah wurik a'nogoba nolhukwa. Iren ogore anggur omanogo warogo nolhu sambul andi waluk waga logouwageluk werek mene omanogo wogosi wagaukwaat.

2 TAWARIKH 1:6

Tuhan Awi Sabu a'nogo wuri'mo nen mezbah perunggu meneba hilingi'mo aremnogo re, at raja nen wam Tuhan obaget ebe 1.000 nen warogo noletikhe.

2 TAWARIKH 15:11

Kabogesi wagaukwasik he, linggene andi sambul he Tuhan obaget wam sapi ebe 700 nen inom, domba 7.000 nenat inom, weim yabi lagaukwasik telaluk wagaukwa mene omanogo warogo noletukwa.

2 TAWARIKH 2:4

Nen yogondak he an nen neisena Tuhan Allah a'nogo enu legeisogo fikhi logolik At obaget o enogo amu ekhe wene kabogetuba wusigin. Nen, o andiba re an inom it nagainafuri holhu mene inom At obaget wene kabogeti logolik, niren dupa amben fano mene nolhik, roti At obaget femhogo fei waga logogunat. O wurik andiba re nit nineisena Tuhan Allah along anggaluk legeisogo fikhi logolik, niren wam warogo hubet inom, hu'mokwe inom noletik, linggene sabat sambul a'nogo nolhik, tugi ket mene weinam agunem obaget kabogeti logolik warogo nolhik, linggene amu lenek werek mene omanogoba warogo nolhik, ikhi logogunat. A'nogo hilingiti logogun andi re Aren it afuni Israel mene inoba melalfisikhi logolik, a'nogo hilingitu mondok logogino iluk yaganisasikhemo re a'nogo hilingiti logogun andi.

2 TAWARIKH 30:24

A'nogo kabogetunem he, it afuni a'nogo wam watu mene inom, nen warogo it nunggu mene inom, at raja Hizkia nen he sapi ai mene 1.000 nen inom, domba re 7.000 nen inom, wogisasikhe. It pegawai Hizkia agoromi omanogo nen he sapi ai mene re 1.000 nen inom, domba 10.000 nen inom, wogisasukwa. Andem oba re it ap imam inebe logalogo enogo fakhasukwa.

2 TAWARIKH 5:6

A'nogo fei lagaukwama re, at raja Salomo inom it afuni Israel mene mondogat inom, peti Wene warek a'nogo elokhoma kaboget fesukwasik he, wam domba inom sapi inom mondok wenasu elo'lekhogo omanogo re Tuhan faget warogo noletukwa.

2 TAWARIKH 7:4

A'nogo mondogat hilingitukwasik he at raja Salomo inom, it afuni holhu mene omanogo mondogaren inom Tuhan obaget wam warogo wogetukwa.

2 TAWARIKH 7:6

A'nogo hilingitunem he it imam a'nogo re inobalik it faget enogo fesukwaba aremnogo mendek welagaukwa. It inelokhe tukhum he it ap Lewi mene re, at Daud en a'nogo hilingiti logogun iluk mene higithogo re, inambinggong raja Daud en a'nogo hilingiti logogun iluk isikhe aplerogo re, inambinggong raja Daud en hilingitikhe mene omanogoba kong eti logolik, wuni re, ”Tuhan endawi hundik inaferek mene andi re etok mondok logogin mene o i,” iluk ikhi logolik Tuhan fogerati lagukwa. Nen, it afuni holhu mene omanogo inebe mondogat mendek werek kwelek imam omanogo re trompet a'nogo futi lagaukwa.

YEHEZKIEL 45:17

Arenat o linggene esin mene faget inom, tugi ket mene folelhunem inom, linggene sabat oba faget inom, linggene amu mene faget inom, ebeti logolik faget he ap enu werek andi nenat wam an nendawimo nagaiyek hoageluk warogo nolhu mene inom, gandum nolhu mene inom, nen afuni Israel mene mondogat inobaget anggur fuluk wogetu mene andoma re arenat onggo palhi logogin. Aren he afuni inunggulenu Israel mene inaweak sagalogo leget fouwageluk faget he: Inaweak legaphogo fouwageluk faget inom, lambulogo fisoageluk faget inom, gandum enggen At faget fugu mene inom, At obaget warogo nolhu mene inom, arenat fouget fikhi logogin,” iluk ikhe.

MIKHA 6:7

Niren wam domba mondok hokho-pokhorogo inom, zaitun amusu hokho-pokhorogo inom, At obaget waluk fei wesumo nen he, At endawimo agaiyek asu haknogo a? Nit weak hilingiti lago mene andoma lek hilingisogo fouwageluk, nit ninagainafuri manggusa mene warogo Allah obaget fuluk wogosumo re higira?

BILANGAN 7:10

It ap kaindek omanogo nen he mezbah a'nogo faget inebe enogo fesukwasik amusu wene kabogeti logolik hilingitarek mene a'nogo ebene kweisalhunem iren fesukwa mene omanogo waluk wagaukwa. Iren fougetukwasik waluk he mezbah elokhoma omanogo fei wesugun iluk hilingitukwa sambul he,

YOHANES 10:22

A'nogo isukwasik oba nen, it afuni Yahudi mene inendawimo nen he, ”O Yerusalem Allah awi wurik mene hobuk fanorogo tegelhugu a'nogo,” iluk inendawimo eberek logolik seni isatarek oba arat horogasi wagaikhe. O andem sambul he salim welagaikhe.