2 TAWARIKH 7:20 - Allah Wene Fano Wene Hupla Inane

²⁰ o kweang hit wokhisigiba yi nen hit hinebe wulak hinobagagin. Nen, o wene An nobaget kabogeti logogun oba iluk An nen katukhogo figi mene yi herakfuluk lagainat. A'nogo hilingisumo re o ekhe kwe ekhe kwe nen he o yi faget enu weagerogo figik, endo yagaisogo figik, ikhi logogun.

2 TAWARIKH 7:20 ပူးပေါင်းရင်းမြစ်များ

1RAJA-RAJA 14:15

Tuhan en it Israel mene wene inoba feigiluk werek andiba re, kem-kem i agumkwe wulibik logolik louk-lagengge hilingiterek hak hilingiri'lagwi andi. It afuni Israel mene nen kembu dewi Aserah a'nogo alik waganogo wuta andiba re Tuhan a'mage kwelafunem o kweang fanoma wogisasikheba yoma nen felelenghogo woginarek i Efrat abel fena fikhit a'lima hesangge-pesangge hilingfisa lagain o.

1RAJA-RAJA 9:7

An nen hit nagainafuri Israel mene o wokhisasigiba yoma nen mugisogo wulakhinobagambik he, o An faget hilingitu mondok logogun oba nawi wurogo nobagegen mene yi, nebe welagi'lek herakfisaluk wulibigin o. A'nogo herakhinobagaumo re, afuni ekhe o yi awi ti awi nen hit Israel mene inendawimo seramet hinobagaluk, endo yakhinafi logogun o.

2 RAJA-RAJA 17:20

Andiba re Tuhan nen it afuni Israel mene inebe mondogat he At againafuri mene iluk anggikhi lagaikhe lek. Aren it inoba wene fuluk ap it inaselei mene inanini mondok mene inenggiba fisikhi lagaikhe. Aren it inoba ebeti'lek enggere kweang it inebe logouwageluk wogisasikheba omanogo nen waganogo huginabi lagaikhe.

2 TAWARIKH 36:19

Aren he o kota Yerusalem leget pa' leget waganek mene a'nogo molulukhogo pelafik, o kota a'nogo endu fatik, hilingiti logolik he, o Tuhan Awi wurik a'nogo inom, at raja awi sili a'nogo inom, yi mene ti mene o andoma elonggoma werek engge omanogo inom, mondogat nolhikhe.

MAZMUR 44:14

It afuni nit ninom horok-horokwe werek mene nen ninom eilhogo puliapninafi logouwageluk hilingninobagegen. Nen iren he endo yagaisogo ninobagagik, asegen wo'ninafik ili'lagwi andi.

MAZMUR 52:5

Hiren fano hilingitarek mene omanogo herakfuluk he weak hilingitarek mene omanogo nek hinendawi hundik hilingitu welagep. Eberogo wene ugu mene omanogo faget he seramet fisaluk hineranhogo wene agarek mene omanogo faget enek he esinet fuluk hinamurururogo hilingitu welagep.

YEREMIA 12:17

Oba nen he it inunggulenu An nane higithogo hilingitarek lek mene halok, An nen kweangma yago mene sanokhogo lakfisagarek hak inebe leget fisagain. Iluk An Tuhan nen nane mondogat igi o,” iluk ikhe.

YEREMIA 16:13

Andiba re An nen he hit o kweang yiba nen mugusogo wulak hinobagambik he, o kweang it hinombawi nen ogo, nen hiren ogo mondogat hinonggotma, ni'mo andoma hukhinabi lagain o. A'nogo hukhinabi lamo re andoma nen hiren linggene inom hubanggo inom tugwi kembu amu meneba obaget hilingiti logogun, nen An nen he hit hinoba nendawit hinabigin mondok lego, ikhe ino,” iluk yaganete.

YEREMIA 18:7

Ma re linggene misik sambul ekhe An nen okerajaan hea athe inunggulenu ekhe mene hea, waganogo wanhik, halik halokhogo figik, wolelenggen tagalogo figik, hilingisigin iluk ugunemen,

YEREMIA 22:8

A'nogo hilingfoumo re ap pok mene kwe andi laga logolik, ekhe nen ekheba heinok wok-wok aga logolik he, nenahalok Tuhan nen o kota yiba a'nogo hilingite nogo?

YEREMIA 24:9

An nen mondogat wil-wal hambik inebe alomat fisamo re yi afuni ti afuni o kweangma welagaikharek mene mondogaren he inailoti logogun. O it loageluk hilingfisagain oba andoma lagunem he afuni nen it faget puliarinafik, endo yagaisogo pelaginafik, sebelfisigik, hilingiti logogun. Aben homan ikfisikhi logolik he it inenu hombuk palogo ikhi logogun.

YEREMIA 31:28

An nen attak it halogo fisikhi lagarik, hobugen it henogo fisigik, meisalogo fisigik, wolelenggenhogo fisigik, isigi hakhogo, An nen it inomame mene hilingfisigik, wurogo fisigik, hilingisigiluk he serinarek mondok logogin.

YEREMIA 44:8

Nenahalok hiren he, An na'mage lagau hak mene andoma nek hilingiti lagep nogo? Hit wagagip he, o Mesir hinonggotma omanogo logolik, hiren kembu wutik, o kweang andiba kembu dewa omanogoba yi mene ti mene fuluk wogotik, hilingiti lagep andi! Hiren he hinonggwaregen weagerogo fakhikhi lagep oba it afuni inunggulenu ekhe mene ekhe mene kweangma yoma werek mene mondogaren li'not hinafi logolik, hit hinenu re, ap homan fisagarek mene ikhi logouwageluk hilingiti lageba?

YEREMIA 45:4

Barukh ahwi! An Tuhan nen wutirek mene andoma re An nenat molulukhogo lakfisigirego, nen, An nen yatirek mene andoma re An nenat henetirego. O kweangma mondogat he An nen a'nogo nek hilingiti lagi.

YEHEZKIEL 7:24

Ap inunggulenu inanini mondogat weak mene re hit hinawi wuri'mo andoma kwi wesimbik logouwageluk An nen lakfisa wesigin. It ap inunggulenu andoma nen hiren wene kabogeti lagep oba omanogo mondok wolelenggenhogo fouwageluk An nen herakfisamo re ap hit mene inanini logolik hinebe hokhondek logogun meneba nen ogore inoak leigesugun.

BILANGAN 32:15

Hiren hebekhogo Tuhan hinambotma fuluk hilingiti logogun halok he, afuni inunggulenu Isarel mene ari oboget isamo o leimo aroma aninurogo leil wati logogun, andi re hiren hilingisugun oba it inebe legarik logoin ari!” iluk yagaisasikhe.

ULANGAN 28:37

O kweang At hineisena Tuhan nen nalek-falek hinobagagin oba andoma nen he afuni nen inamel-melhogo ineil kumuthisikhi logolik he pilibethinafik, endo yakhinafik, hilinghinafi logogun.

ULANGAN 29:28

Tuhan a'mage mondok hokho mene inoba fikhe mene a'nogo wilifi logolik, anini mondok hokho meneba re it afuni Israel mene omanogo inanggweangma nen henogo o kweang amu mene inonggot meneba huginabi lagama werek andoma o,’ ikhi logogun.

YUDAS 1:12

Hit hinerugwi hinagaila'lak inebe hinendawi nen seni isago hinom misi'mo andogorogo nunggunem, it ap andi inenggali legat hinoba kwi wesimbik he, afuni ekhe kwelaginarek welagi'lek inonggwarek faget enek oba ebeti logolik hinom ninggi lagep andi re, weago. Su fano mola were'ma muli mene oba labulagarek andi hak, hinom weak ninggi lagep andi o. Inebe re, ohena meiso nagain lek meneat sogoien aburungweak waluk nikherek andi hak nikho o. Nen, ekhe re, e enggen iti'lek, engga mondok lek agunem, omanggen inom feisalhunem mondok puk agarek andi hak werego.