2 TAWARIKH 7:16 - Allah Wene Fano Wene Hupla Inane

¹⁶ O yi re An nen, it afuni nen wene kabogeti logogun oba, iluk wenatirik enogo figimo re, mondogat andi re An nen hilingiti logogin. Mondok-mondok andomaba re An nen fut figik, halogo figik, hilingitu logogin.

2 TAWARIKH 7:16 ပူးပေါင်းရင်းမြစ်များ

1RAJA-RAJA 8:35

Nen, Hat hagainafuri nen hane sagalogo hilingitunem, Haren wene inoba fuluk, meiso pelabi wagi'lek kamo ugunem, iren he, Nit weak hilingitoma, iluk inobabut hebela'luk, Nineisena Tuhan he, Hat aro, iluk fogethapluk, o Hat faget hilingiti logogun oba yi we'luk, samban hoba kino yagahetu halok,

1RAJA-RAJA 8:44

Hagainafuri inaselei mene inoasi loagaluk yagaisegen halok, weim yabi laluk, inebe, we, koma logolik, o kota wenagaisogo fakhasigin oba hawi an nen wuthobagagi yi ba higit inelokhe lakfei we'luk, kino yagahetu halok,

1RAJA-RAJA 8:48

It andi o andoma logolik, weak hilingita mene andi inendawinggen oba nenat herakfisaluk inafe hebelegat logolik, o nit ninombalak wogisasigin oba kota haren wenagaisogo fakhasigin oba, o an nen Hat faget hilingiti logogin oba wuthobagagiba yoma fikhit inelokhe lakfei we'luk kino yagahetu halok,

1RAJA-RAJA 9:3

mel yagatikhe: ”Haren samban noba yaganeten mene andi, hane An mondogat nesanggo holhiri'mo re, o haren an nawi wuten oba yi re An nonggwarek nobaget hilingitu mondok logogun oba hilingisogo figi o. Andi nen he, An nen o yi serogo logolik, tegelhu mondok logogin o.

2 RAJA-RAJA 21:4

Tuhan nen yi'nogo isikhe mene weregat, ”O Yerusalem andi re An we'luk were'ma hundik-handik An nobaget hilingitu mondok logogun oba logogin,” iluk isikheba nen he at Manasye nen o Tuhan Awi wuri'mo a'nogo kembu dewa faget wam warogo nolhuba mezbah wutikhe.

2 TAWARIKH 30:8

Enggere iren inunggul oak helep a'luk hilingiti lagaukwa andi hakhogo hilingitu aple herakfuluk he, Tuhan ane hologo nek hilingiti logogun nen he, At along werek mene andi endep liok uakhogo re, At oba wene kabogesuogen we'ni o. O Yerusalem Tuhan Awi wuri'mo, At Tuhan Allah onggwaregen wene mondok-mondok logogin mene faget enogo fakhasikheba omanogo we'no o.

2 TAWARIKH 6:20

Haren o hat awiba wene kabogetuba iluk wenagaisogo fegen mene ari, linggene inom, hubanggo inom, halhi logoino. Niren o yi fikhit asi we'luk samban oba yagahetu halok, Hat hebe pogoroba welagen oba andoma nen hesanggo holhaluk, an ninom, nen it afuni Israel mene Hat hagainafuri ari inom, ninaweak lek hilingisogo ninobagakhi logoino.

2 TAWARIKH 7:12

o hubanggo nekhengge At Tuhan Salomo oba weinam asi wagaikhesik, yagati logolik he, ”Haren samban egen mene andi re An mondogat nesanggo holhi, nen o yire enogo An nobaget wam yi mene ti mene warogo nolnesi waguba iluk An mondogat heligi o.

2 TAWARIKH 7:15

An nen o An nawi yi ba neilenggen lourek mondok welagik, o yi nen yaganetu mene inane nesanggo holek mondok welagik, ikhi logogin.

2 TAWARIKH 7:17

At heisena Daud en hilingiti laga hakhogo, harogo, An nen anggugu aple nek hilingitik, An nawene melalek yi'nogo hilingi'no ti'nogo hilingi'no iluk An nen isigi mene a'nogo hologo hilingitik, hilingiti logogin halok he,

MAZMUR 132:13

Tom Sion oba andoma Tuhan hebe logogin oba iluk, wenagaisogo fakhasigin andi nen he, wene yi'nogo waretigin andi.

MAZMUR 132:14

Haren he mel isigin: ”An nebe o yoma logolik, afuni nawe a'ma fisaluk, ferinarek mondok logogin oba re,

ZAKHARIA 3:2

A'nogo were'ma malaikat Tuhan a'nogo nen Iblis oba ikhi logolik he, ”Hat Iblis yi re, Tuhan nen unggum wokhesuago! Tuhan o Yerusalem endawi hundik hilingiterek mene andi nenat unggum wokhesuago. Ap yire endu amulok lagagunem endu ambisang lisogo wanharek andi hak werego.” iluk ugunem higi.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

ULANGAN 12:21

Yi mene ti mene nineisena Tuhan Allah faget fisikhi logogun oba obalik aren wenagaisogo fagain oba andi hit hinaiba horokhogo lek. We, yatmaat halok, hinanggo sapi, domba, kambing Aren wokhisagain mene andi hinaiba andomaat watfakhaluk palogo an nen yagahisigi hagat, hit hinendawinggen nen, an ti mene namolo, iluk anggogoin higithogoat ninggi logogun aro.

ULANGAN 16:11

Hit hineisena Tuhan Allah elokhoma obalik Aren wenagaisogo fuguba omanogo laluk, hit hinagainafuri inom, hinamingmingengge inom, it afuni Lewi mene inom, afuni hit hinambok mene inom, omalik suarek mene inom, hemi sogwe hit hinawi kota kwe andoma werek mene inom seberogo hinagaiyegeti logoino.

KOLOSE 2:9

Mene re, Allah ebe abirengge mondogat Kristus endawimo were'ma at ebe afuni higirat ta'lasi wagaikhesik welagaikhe andi.