2 TAWARIKH 7:14 - Allah Wene Fano Wene Hupla Inane

¹⁴ it An nagainafuri An nenu hombuk palogo agarek mene andoma inendawi sebel fakhigik, samban An noba yaganesi wagik, weak hilingiri'lagwi mene andoma herak figik ugun halok he, An nebe pogoroba nen iren yaganesugun mene andi nesanggo holhi logogin. Holfuluk he An nen it inaweak leget figik, it inaggweang oba nekhengge inangge yi mene ti mene mondogat sik-pikhogo hilingik fisigik, ikhi logogin.

2 TAWARIKH 7:14 ပူးပေါင်းရင်းမြစ်များ

2 TAWARIKH 20:3

A'nogo yagasi lagaikhemo re at Yosafat a'nogo endawimo ailo agaikhesik he, Tuhan nen yi'nogo hilingisin yaganesuageluk samban isikhe. Andi nen it afuni mondogat a'nogo sumburu ninggik legengge inambe heang logouwageluk yagaisasikhe.

2 TAWARIKH 20:4

A'nogo yagaisasikhemo re it Yehuda mene inawi kota lombok werek mene omanogo re, Tuhan nen lebetnisoagen yagasugun iluk o Yerusalem lagaukwa.

2 TAWARIKH 6:27

Holfisaluk he it Hat hamingmingengge Israel inap andi inaweak legaphogo fisikhi logino. Nen, iren eberogo mene nek hilingiti logouwageluk yagaisikhi logoino. Nineisena Tuhan, it a'nogo hilingfisaluk enek he, meiso o kweang it hagainafuri yi mondok-mondok asugun iluk wogisasigin mene yiba pelagisa wagu nogo.

2 TAWARIKH 6:30

Hat hebe pogoroba welagen oba andoma nen hesanggo holiluk inaweak honggorabethogo hilingfisano. Afuni mondogat inendawimo hilingik mene we Hat hamuat helu welagendek. Nen it Hat hagainafuri o kweang nit ninombawi inoba wogisasigin oba yoma logolik, Hat hane hologo hilingitik, Hat halong anggaluk ninailorogo welagik, hilingiti logogun nen he,

2 TAWARIKH 6:33

Hat hebe pogoroba welagen oba andoma nen, aren samban ugu mene andi holinapluk, kino igin engge andi wogo'no aro. A'nogo hilingisigin oba re, it afuni mondogat o kweangma yoma welagaikharek mene mondogat he, it hagainafuri Israel mene hilingik hakhogo Hat hebe inelu asimbik, hane hologo hilingitu logogun. Nen, o an nen hat hawi wene kabogetuba iluk wuti mene yi inelu asugunat.

MAZMUR 27:8

Haren yaganeti logolik he, ”We'luk fogetnafi logoin,” iluk yaganetunem an nen onggo ikhi logolik he, ”Tuhan neisena, an he weak-weagat fogethabi wesigin,

MAZMUR 60:2

Aren afuni o Aram-Mesopotamia mene inom, afuni Aram Zoba mene inom, inoba weim yabi lagaikhesik, at Yoab en he o Lembah Asin andoma nen afuni Edom mene inebe 12.000 nen inoa'luk wagaukwama wuni watukwa mene.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

YESAYA 45:19

An nane hinagaisogo igirek lek, nen nendawimo hinagaisogo fisogo welagirek legat. An nen nagainafuri Israel mene yagaisikhi logolik, ”An hera'nabik logoin andi re alomarogo logoin o, An Tuhan nen nane igirek mene andi re eberogo meneat igirego, nen yagaisigirek mene andoma re eberogo meneat yagaisigirego,” iluk ikhe isikhe.

YESAYA 59:20

Tuhan nen againafuri inoba ikhi logolik, ”An nen hit hinebe mondogat hinaweak oba nen hinobabut hebelugun mene o Sion oba andoma hinagap telogo hinobagaigiluk wesigin o.

YESAYA 63:19

Nit ninebe hat henggiba fetninarek welagi'lek meneh hangge hilingninafik, afuni nen, Hat henu uluk, ”It inebere At againafuri o,” iluk agarek lek mene hangge hilingninafik ikhi lagen o,” iluk yagatukwa.

YEREMIA 14:9

Nenahalok Hat he afuni inendawinggen nonghong iluk hilingitarek hak hilingiti lagen, athe ap inomame hokho mene logoligen telinabu elo'lek agarek andi hak hilingik welagen nogo? Andi nen he Tuhan neisena, ibi-eberogo nen he Hat he nit ninanggele'ma welagen o! Nen nit Hat hagainafuri ninoba re oboget nisa fugo nineisena, iluk agarek andi,” isikhe.

YEREMIA 33:6

Oba nen he hobugen An nen kota yi inom, afuni werek mene inom inebe halogo fisagain o, andi nen he it inebe nekhengge inomame asugunat. An nen he it inoba inendawinggen serogo welagik, inailo legengge welagik, hilingik logouwageluk sik-pikhogo hilingisogo fisagain.

YEREMIA 50:4

Tuhan ane ikhi logolik, ”Linggene andem oba re afuni Israel mene inom, Yehuda mene inom he, An it ineisena Allah nebe hera'nabik inebe seberogo le arik noba wesugun.

YEREMIA 51:9

Ap pok mene o andoma werek mene ekhe nen ekheba ikhi logolik,” Niren he Babel telugun iluk hilingito, oba nen he aninurato! Enggere niren o kweang ari herakfuluk nit ninaggweang lombok logoin andi re fano. Tuhan nen Babel oba unggum mondok omamerogo wogetesik mondok wolelenggenhogo hilingfikhe o, ikhi logogun,” ikhe.

YEREMIA 8:22

Wene ningginik mene hilinglagaba yogondak huli nen an nunggulenu mene inoba ou andoma fano ari'lagwi lek nogo? O Gilead oba mondogat oma re, Dokter ou fano hilinginaferek mene inom, obat inom legen hilingiri'lagwi he a?, iluk heinok wanhi lagi.

YEHEZKIEL 33:11

An Tuhan Mondok Lego logolik, Allah neluk mondok welagi mene nenuba it yagaisano, An he ap kwanirogo hilingitarek mene wa'lasugun andi re nabit anggikhi lagi, at he hebekhogo re at ebe eluk logouwageluk aweak hilingiri'lago mene andoma herakfagain halok fano. Yago hit hinunggulenu Israel mene yi sani, kwanirogo hilingiti lagep mene andoma mondogat hebisani o! Ninggi'nogo iluk hit he hinebe wa'lasugun nogo?

YEHEZKIEL 33:12

Afuni wa'lagaikharek mene yi re, haren afuni Israel mene yagaisan, ap fano mene ekhe nen weak hilingitu halok he, aren attak fano hilingiti laga mene andi nen lebetha lek hak. Nen, ap kwanirogo hilingitarek mene nen aweak herakfisugu halok, at unggum wogosugun lek. Nen, ap fano hilingitarek mene nen weak hilingitu halok agap teligin legat.

BILANGAN 6:27

A'nogo yagatikhesik ekhe mel yagatikhe: ”An nen afuni Israel mene fanorinabuageluk nenu hombuk palogo yaganetunem he, An nen fanorinafi logogin aro,” iluk yagatikhe.

KISAH PARA RASUL 9:11

Isikhemo re, at Tuhan nen he, mel yagatikhe: ”Hebe siakhogo menlasimbik he, kwe enu Higitkwe andikwe nen lano. Lambik he, o ap Yudas were'ma kwi lambik, haren he, ap enu Saulus, aiba Tarsus mene a'naga, yoma werega? iluk heinok wogisano. At ebe samban ili'logo a'naga.

ULANGAN 28:10

A'nogo hilinghinobagaumo it afuni inunggulenu amu mene kweangma yoma werek mene nen, it yi re Tuhan againafuri mene werek iluk ineil alonghogo kwelakhisikhi logogun.