2 TAWARIKH 7:12 - Allah Wene Fano Wene Hupla Inane

¹² o hubanggo nekhengge At Tuhan Salomo oba weinam asi wagaikhesik, yagati logolik he, ”Haren samban egen mene andi re An mondogat nesanggo holhi, nen o yire enogo An nobaget wam yi mene ti mene warogo nolnesi waguba iluk An mondogat heligi o.

2 TAWARIKH 7:12 ပူးပေါင်းရင်းမြစ်များ

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

1RAJA-RAJA 9:2

A'nogo hilingitikhemo, Tuhan at Salomo elokhoma o Gibeon nen menlagaikhe a'nogo higithogoat menlagaikhesik,

2 RAJA-RAJA 2:6

A'nogo yagaisasikhemo, at Elia nen he Elisa mel yagatikhe: ”An he Tuhan nen i Yordan ima loagaluk yaganetemo lagain enggere, hat he yoma logoin o,” iluk yagatikhe. A'nogo yagatikhemo, at Elisa nen he, ”Nineisena Tuhan Eluk Mondok welagarek mene inom, hat inom, hinoak. An hat herakhobagaluk lagain legaro,” iluk yagatikhe. A'nogo yagatikhesik, emberegat pikhit he, i Yordan ima lagaukwa.

2 RAJA-RAJA 20:5

hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.

2 RAJA-RAJA 21:7

A'nogo mene at he, At Tuhan en onggwarek awi wuri'mo andi faget it Daud inom Salomo inom inoba ikhi logolik, ”It afuni inunggulenu Israel mene werekwe mene 12 wilayah omanogo inanggele'ma nen he o An Nawi Yerusalem andi nek he, An nobaget hundik-handik kabogeti logogun oba logogin o, iluk isikhe,

2 TAWARIKH 1:7

A'nogo noletikhemo hup a'nogo sambul he, Allah at Salomo ambit weinam asi wagaikhesik yagati logolik he, ”Salomo ahwi, Hat hendawimo hamolo anggegen mene yaganom o, An nen hat wokhesigin enggere!” iluk yagatikhe.

2 TAWARIKH 7:16

O yi re An nen, it afuni nen wene kabogeti logogun oba, iluk wenatirik enogo figimo re, mondogat andi re An nen hilingiti logogin. Mondok-mondok andomaba re An nen fut figik, halogo figik, hilingitu logogin.

MAZMUR 10:17

Tuhan neisena, Haren he it afuni weaget fisagarek mene omanogo nen samban ugu mene re inane hesanggo holfuluk it inendawinggen hambuget fisikhi lagen.

MAZMUR 66:19

Oba nen he, an nen nane kino igi mene a'nogo At Allah nen esanggo holhesik he, An nebeba futnobagaikhe.

MALEAKHI 3:4

A'nogo hilingitunem o attak hilingiti lagaukwa hakhogo re, Tuhan nen it afuni Yehuda mene inom, Yerusalem mene inomen wam yi mene ti mene nolhi logogun mene andoma re endawimo fano aga logogin.

LUKAS 1:13

at malaikat a'nogo nen he, ”Zakharia! Hailo agun o. Hat samban ikhi lagen a'nogo, Allah arat esanggo holhe o. Hagwe Elisabet andi eak abat takhesigin o. Takhete halok he, enu Yohanes salino.

KISAH PARA RASUL 10:31

Menlasi pi wagasik he, Kornelius. Hat samban ikhi lagen andi, Allah arat esanggo holhemo. Nen, afuni inenggi lek inelagaik mene leberisikhi lagen andi, Allah nen hoba eberek weregaro.

ULANGAN 12:11

Nen, At nineisena Tuhan Allah nen hiren At fogerati logogun oba obalik ekhe wenagaisogo fagain andi. A'nogo wenagaisogo fikhe halok, an nen he, yi mene ti mene At wogosugun iluk yagahisigi mene andi mondogat andoma wogosi laga logoino. Andi ebe re: hinanggo warogo At noleti logogun mene faget igi andi inom, yi mene ti mene hit mene hinenggi wenagaisogo, 10 ba asi laga halok, 9 mene hit aga logolik misik 10 mene andi re At faget fisikhi logogun igi andi inom, hiren he, An nen Allah faget huli ti huli wogoti logogin iluk wenagaisogo fikhi logogun mene faget igi andi inom, mondogat waluk andoma laga logoino o.