2 TAWARIKH 7:10 - Allah Wene Fano Wene Hupla Inane

¹⁰ Ohealekwe re tanggal 23 bulan sabit meneba werek kwelek he it afuni omanogo inaiba loageluk at Salomo nen yagaisasikhemo, inaiba lagaukwa. Nen, iren he Tuhan nen againafuri inunggulenu Israel mene inoba inom, at Daud oba inom Salomo oba inom, mondok fano mene nek hilingfisasikhe andiba re, inagaiyegerik lagaukwa.

2 TAWARIKH 7:10 ပူးပေါင်းရင်းမြစ်များ

1RAJA-RAJA 8:66

A'nogo inenggi 7 ba hilingiti lagaukwasik, inenggi ekhe 8 oba at Salomo nen it afuni omanogo inawilokwe pugulogo lakfisasikhemo, mondogat pugulhi logolik, nineisena Tuhan nen amingmingengge Daud inom, againafuri inunggulenu Israel mene inom, yi mene ti mene wogisasikhe andi nen Salomo agaukhogo fogeratukwasik he, inendawimo inagaiyegen inagayegerik lagaukwa.

2 TAWARIKH 29:36

Linggene eil misik oba nek mondogat andi hilingisuageluk Allah nen leberinafikhe mo re it afuni holhu mene omanogo inom, at raja Hizkia inom, inendawimo inagaiyek enek agaukwa andi.

2 TAWARIKH 30:26

At hun Daud amlogo Salomo a'nogo welagaikhe huli nen engge wene ariginik mene ekhe o Yerusalem oba andoma aga lagaikhe lek oba nen he andi sambul enek he a'nogo hilinglagaikhemo re anggiluk enek agaikhe andi.

2 TAWARIKH 6:41

Neisena Tuhan Allah! Yogondak he hebe menla'luk, Hat hebe homame welagen aple a'nogo agaukhogo Peti Wene Warek andi inom o Hat Hawiba yi kwi laluk mondok-mondok andoma logoin o. Nen, haren it imam en yabu hilingitu mene andiba fanoabet fisikhi logoino, nen Haren it inoba fano aple nek hilingfisugunem it hagainafuri mondogat inagaiyek anggikhi logogun.

2 TAWARIKH 7:11

At Salomo nen o wusigin iluk wenggelhikhe mene higithogo re, o Tuhan Awi a'nogo inom, at raja onggwarek werek oba a'nogo inom, ambisangma mondok fanorogo nek wut fesukwama re,

2 TAWARIKH 7:9

Kabogesi wagaukwasik linggene sabiren he mezbah Tuhan obaget wutukwa mene a'nogo faget kabogeti lagaukwa, nen linggene sabiren ekhe re, O Sabu wurogo welagaukwa mene a'nogo faget kabogetukwa. A'nogo hilingirik wagalagaukwasik he, inenggi wurep kobokhogo mene a'nogoba mondogat kwe yagatukwasik he,

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

MAZMUR 100:2

At oba waga logolik he, wuni warik-warik waga logoino. Allah faget hilingiti logolik he, hinendawimo hinagaiyek oba hilingiti logoino.

MAZMUR 105:3

Nit ninebe re At mene welago andi nen he ninagaiyegeti logouwok, Afuni mondogat At fogeratarek mene nen inagaiyegeti logouwak.

MAZMUR 106:5

It afuni Haren wenagaisogo fisasigin mene andoma inangge mondok sik-pikhogo were'ma neilenggen isigik, nen it afuni Hat honggwarek hagainafuri hilinglagaikha mene inom seberogo inagaiyekhugu welagik, foget fakhigik, ikhi logogun logouwak.

MAZMUR 32:11

Hit Allah ane higithogo hilingiti lagep mene yoma sani, nineisena Tuhan nen fano hilingninaferek andi nen he, hinendawimo hai higik, hinagaiyegetik ikhi logoni o. Hit afuni hinendawinggen sakhorek logolik Allah ane hologo hilingiti lagep mene yoma re, hinebe mondogaren hinendawimo hinagaiyek oba a'mit suphogo wuni wati logoino o, iluk wuni watikhe.

MAZMUR 92:4

gitar agale nomolo nen hilingik mene a'nogoba kong etik, pinggong gambus inom kecapi inom watik, ugu kwelek agarek mene andi re hilingisu higit obaat hilingiti lago o.

KELUARAN 18:1

At Yitro Musa eamal awi Midian mene ebe imam welagaikhe agun a'nogo esanggo holhugunemen he Tuhan nen it Israel mene o Mesir en woginarek wulibi waga logolik Allah nen at Musaba inom, it Israel mene inoba inom hilingfisikhe lagaikhe mene faget ugunem holhikhe.

YEHEZKIEL 45:25

Pesta O Sabu a'nogo faget isati logolik he tugi sabit meneba tanggal lima belas sambul andi erora'luk he ap enu werek logogin mene a'nogo nen he wam ekhe attak warogo fagain a'nogo hakhogo, inaweak legabesuageluk inom, Tuhan endawimo agaiyek hoageluk mene inom, gandum inom zaitun amusu inom fuluk wogeti logoginat,” iluk ikhe.

KISAH PARA RASUL 16:34

Ima pelaginafukwama, at Paulus Silas emberek at kain a'nogo nen aiba wogi narek lagaikhesik he, sumburu melagi sasikhe. Melagisasikhesik, at againafuri inom mondogaren inendawinggen Allah oba himbiret fesukwa andi nen, inendawimo inagaiyegetukwa.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

ULANGAN 12:12

O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.

ULANGAN 12:18

We, it hinebe inom, hinagainafuri inom, hinamingmingengge inom, afuni inunggulenu Lewi mene hinaiba kota lombok logogun mene inom, hinom lambukhogo nen he, wam, yi mene ti mene Allah faget fisikhi logogun mene andi, nineisena Tuhan Allah eilhanem obuluk aren wenagaisogo fagain oba andoma nen enek ninggi logogun o. Hiren a'nogo hilingiti logolik, hinenggi nen yi mene ti mene hilingisugun mene andi mondogat faget he, hinendawimo hinagaiyegeti logoino.

ULANGAN 12:7

Nen, At nineisena Tuhan Allah nen, hit hinebe fanothinafik, hinamburu hinangge yi mene ti mene fanotfigik, ugunem he, hiren yi mene ti mene hilingitunem fano nek aga logogin andi nen, hit hinebe hinagainafuri hinom misigat lambukhogo o andoma nineisena Tuhan eilhanem andogetfuluk, hinendawimo hinagaiyek hikhi logolik, hinaggo hinamburu yi mene ti mene mondogat andoma ninggi logoino o.

ULANGAN 16:11

Hit hineisena Tuhan Allah elokhoma obalik Aren wenagaisogo fuguba omanogo laluk, hit hinagainafuri inom, hinamingmingengge inom, it afuni Lewi mene inom, afuni hit hinambok mene inom, omalik suarek mene inom, hemi sogwe hit hinawi kota kwe andoma werek mene inom seberogo hinagaiyegeti logoino.

ULANGAN 16:14

A'nogo kabogeti logolik, hit hinagainafuri inom, hinamingmingengge inom, afuni Lewi mene inom, ap pok mene inom, yenggerugwi suarek mene inom, hemi sogwe mene hit hinawi kota ba werek mene inom, seberogo hinagaiyegeti logogun.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.