2 TAWARIKH 7:1 - Allah Wene Fano Wene Hupla Inane

¹ Raja Salomo a'nogo mondogat samban isikhesik hilingitunemen he, endu pogoroba nen pi waga logolik, wam Tuhan obaget warogo nolhuba fesukwa mene omanogo mondogat endu a'nogo nen nasikhe. Nen, Tuhan ombak-bak selek a'nogo re o Tuhan Awi wuri'mo a'nogoba petesi pi wagaikhemo re,

2 TAWARIKH 7:1 ပူးပေါင်းရင်းမြစ်များ

KEJADIAN 15:17

A'nogo yagatikhemo, o arat hubagaikhemo, ferekhogo endu amulok hule susu esage ibilogo waluk koma nen heat weinam agaikhesik he, wam senggelek omanogo erarogo were'ma tulem wagaikhe.

1RAJA-RAJA 18:24

We it ap Baal ane yagahisagarek mene oma nen ineisena Baal kino yagasuago. A'nogo yagatu halok, an nen ogore, neisena Tuhan kino yagasigin aro. A'nogo yagatunemen, yagasugun mene a'nogo onggo endu kulunghogo lakfei waga halok, At Allah eberogo mene re andi aro, iluk hinelu asugun o,” iluk yagaisasikhemo re, it afuni omanogo mondogaren he, ”Elogaro,” iluk inane hokhorogo yagatukwa.

1RAJA-RAJA 18:38

A'nogo yagatikhemo, At nineisena Tuhan pogoroba nen endu pelakfei wagaikhemo, wam At faget e nolek amboloba fesikhe mene omanogo inom mondok felelenghogo nasikhe. A'nogo ninggi logolik, endu a'nogo amulogen helep inom, kweang inom, i kalok elema welagaikhe mene omanogo inom wani pigik mondok felelenghogo nasikheat.

1RAJA-RAJA 9:1

At raja Salomo nen Tuhan awi a'nogo inom, at awi istana inom, arat wutik, yi mene ti mene hilingisigin anggasikhe mene a'nogo mondogat hilingitik, isikhe.

1 TAWARIKH 21:26

A'nogo palhikhesik he, at Daud en aremnogo Tuhan obaget wam warogo nolhuba misik ekhe wutikhesik, aren wam noletu mene a'nogo inom, lambulogo fisugu mene iluk a'nogo inom, warogo nolhikhe. A'nogo hilingitikhesik he, aren samban isikhemo, samban isikhe mene a'nogo Tuhan en onggo re endu pogoroba nen wam warogo nolek oba a'nogo pelabi wagaikhemo re, wam warogo nolek mene omanogo mondogat endu nasikhe.

MAZMUR 26:8

Tuhan neisena, an he Hat hebe handungdang logolik welagen oba, Hat awi wuri'mo andoma nendawi hundik hilingiti lagi o, neisena.

KELUARAN 19:18

Were'ma, Tuhan ebe endu amuilok elema tom Sinai oba pi wagaikhe andi nen, tom Sinai oba mondogat he endu so'le nen salogo fesikhe. Endu so'le andi lei fatunem so'le mondok hokhorogo mon-mon lagaikherek andi hak lagakhi logolik, tom ebeet lang-fanget hasikhe.

KELUARAN 29:43

Andemen An nebe it inunggulenu Israel mene ninom ambi aga logogun, nen An nebe weinam agu mene naselek andi nen he, obalik andem mondogat horek mene hilingfikhi logogin.

YESAYA 65:24

Iren An noba oan kino yaganeti'lek werek kwelek An nen tak onggo yagaisikhi logogin. Iren samban ugu mene inane wurep obokhigi'lek werek kwelek, An nen inane onggo fouget fikhi logogin.

YEHEZKIEL 43:5

Tuhan Areagun an nebe hambogoisogo wo'narek senggelek elonggoma meneba a'lima nogo kwikhe, wo'narek kwikhemo kugunem en he Tuhan Awi a'nogo re Tuhan ebe werek iluk aselegen huli'liphogo kwelabe'ma higi.

YEHEZKIEL 44:4

Andi nen ap a'nogo nen an wo'narek lagasik kwe abel utara fikhit Tuhan awi wuri'mo obalik hore'ma elokhe fikhit andoma nobagai laga. Lagama re an nen futfikhi logolik, Tuhan awi wuri'mo omanogo kwelakhugunemen he, Tuhan ebe werek iluk enekhogo re selek ombak-bak a'nogo yararet hikhi laga. Ma re, an nelokhe sogoum fogerati,

DANIEL 9:20

An nen Allah ayonggo a'nogo fikhi logolik, an nonggwarek inom, afuni Israel ninunggulenu misigat mene inom, ninomen Allah ane sagalogo weak hilingitugu mene omanogo fakhogo herakfisaluk, Tuhan Allah onggwarek awi meisalhukwa mene andi hobuk ambotkwe obulu'mo wusuagaluk kino yagati.

MALEAKHI 3:4

A'nogo hilingitunem o attak hilingiti lagaukwa hakhogo re, Tuhan nen it afuni Yehuda mene inom, Yerusalem mene inomen wam yi mene ti mene nolhi logogun mene andoma re endawimo fano aga logogin.

KISAH PARA RASUL 4:31

A'nogo Allah ayonggo fikhi lagaukwama re, o it andogorek welagaukwaba andi abolok isikhe. Abolok ikhi logolik he, Allah Areagun inebe mondogat inendawimo peterogo kwisikhemo, wene Allah nen isikhe mene andi afuni inailo legat yagaisikhi lagaukwa.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.

HAKIM–HAKIM 6:21

Andi nen he malaikat Tuhan a'nogo enggimo tomuk fisogo welagaikhengge a'nogoba wam isago a'nogo inom roti a'nogo inom oba watfesikhe. A'nogo hilingfesikhemo re helep a'nogoba nen he endu amulok kulung hikhi logolik wam isago inom roti omanogo inom mondogat nasikhe. A'nogo hilinglagaikhemo nen malaikat a'nogo koma kwe laga heat longgo isikhe.