2 TAWARIKH 6:41 - Allah Wene Fano Wene Hupla Inane

⁴¹ Neisena Tuhan Allah! Yogondak he hebe menla'luk, Hat hebe homame welagen aple a'nogo agaukhogo Peti Wene Warek andi inom o Hat Hawiba yi kwi laluk mondok-mondok andoma logoin o. Nen, haren it imam en yabu hilingitu mene andiba fanoabet fisikhi logoino, nen Haren it inoba fano aple nek hilingfisugunem it hagainafuri mondogat inagaiyek anggikhi logogun.

2 TAWARIKH 6:41 ပူးပေါင်းရင်းမြစ်များ

1 TAWARIKH 28:2

A'nogo kabogetukwama re at Daud a'nogo nen inelokhoma menlagaikhesik yagaisikhi logolik he, ”Nagaila'lak ninunggulenu misik mene, hinesanggo fanorogo holini o! An nen o attak andoma nenat ebeti logolik he Peti Wene warogo wo'ninafikhe mene ari, nineisena Tuhan Allah eisok fuguba faget o mondok fano mene misik ekhe wusugun iluk nendawimo wenggelhigi. A'nogo wenggelhigisik he o At fogeratuba misik ekhe wusigin iluk he o ebenengge mondogat fougerati.

NEHEMIA 9:25

Hagainafuri homame a'nogo wogisasigin andiba re, it Kanaan mene kwi wesinogo iluk leget pa'leget omamerogo waganek mene inom, inanggweang muli fano yi mene ti mene ebe hokhorogo werek oba inom, inaiba inangge yi mene ti mene sik-pikhogo werek oba inom, inagai mogo habulik mene inom, i elesi agai mene inom, yabu anggur yabu inom, e zaitun yabu inom, e ekhe enggen iterek mene yabu inom, mondogat sebelasukwa andi. A'nogo sebelasukwasik, yi mene ti mene andi enggen ninggi logolik, inebe inobakhe firik welagaukwa andi, neisena. Haren yi mene ti mene wogisasiginmo oba heilarogo welagaukwa andi.

MAZMUR 110:2

O Sion oba andoma nen he, o haren ferinarek welagen oba a'nogo At Tuhan nen esanggo esanggo wogologo langet fagain, a'nogo hilingfoumo, haren haselei mene henggiba ferinarek logogin.

MAZMUR 132:16

Su fano labetfisugunem, enegat isagarek andi hak, An nen it ap imam An nobaget hilingitarek omanogo nomameba telinafunem, An nagainafuri nen he, ineilenggen isaluk inagaiyegen inane a'mit suphogo, wuni wati logogun.

MAZMUR 65:11

Yabu ebe waganekwe omanogore, Haren i anggwe halogo lakfei lagalagen. kweang tamuli'lek haro omanogo bene re, Haren meiso lakfei wagunem yi mene ti mene yabukwe yago mene omanogo fanorogo wulibuageluk lebeleget figik, Yi mene ti mene yago mene mondogat Harenat fanotfigik ikhi lagen.

MAZMUR 65:4

An weak hokhorogo hilingiti lagimo enggin hokho mene noba welagi meneat he, Haren elok sebelogo leget fisikhi lagen o.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

YESAYA 61:6

Hit hinenu re, ”Allah amingmingengge igik,” imam nit nineisena Tuhan a'nogo nen mene igik, ikhi logogun. Hit he, afuni inunggulenu lombok inangge yi mene ti mene omanogo helaluk nunggu welagik, nen it mene inangge andoma faget hiren legeisogo fakhigik ugun o.

YESAYA 66:1

Nineisena Tuhan nen he mel ikhe: ”Pogot andi An nebe hurek welagirek oba o. Nen, kweang he neisok sebelek welagirek oba. Andi nen he, hiren An nawi ninggi'nogo mene ekhe wurogo nobagagun nogo. Nen, An nebe logouwageluk obalik ninggini'mo ekhe nobagagun?

ZAKHARIA 9:17

An Tuhan nanggweang andi re, ibi ebema elokhe mondok fanore'ma hilingik logogin, Andoma re, anggur inom, gandum inom, hokhorogo legeisogo fikherek hak, it ap sogwe inom, helime silerik inom inomamet fisikhi logogin,” Iluk ugunem holhi o.

ROMA 1:16

Fano wene andi Allah omame atma re, attak afuni Yahudi mene, nen hobuk he, afuni Yunani mene, inendawinggen eberogoat Yesus Kristus oba himbiret fagarek mene halok mondogat telinaferek andi nen he, an nailo legat fano wene andi yagaisilik nigirek andi.

ROMA 13:14

Hit hinobabut he, afuni inobabut inetogat logolik, yi wanile, ti wanile, iluk agarek andi hak hinendawimo kagalhi'lek he, we, sikhe sige wanharek hak, ninoe Enupogot Yesus Kristus obabut andiat wanino o.

GALATIA 3:27

Nen, Kristus hinom hunesuogeluk ima pisigip mene hinebe mondogat, su labetarek hak Kristus obabut wanhigip andi.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.

YOSUA 3:13

Hobuk it ap imam en Peti Wene Warogo Tuhan nen wo'ninafikhe iluk hilingik a'nogo waluk i Yordan ineisogen sebelhugunem he, i yaga'lasimbik firok igin o. A'nogo firok imbik he, i misi'mo yenggelasimbik logogin o,” iluk yagaisasikhe.

WAHYU 19:14

A'nogo ugunem, ap kaindek pogoroba mene mondogat hokhorogo inasu kain lenan su kut mene laberek, nen, inebe lombok inanggo kuda esi kut mene amboroba hurek logolik, at ombo'ne nugunem yerisigi.

WAHYU 19:8

Agwe a'nogo ikhageluk, asu lenan kut elokhonggen sobalek amulit fano mene laberek logouwageluk wogetemo higi. Su fano andi ebe re, afuni Allah againafuri inobabut higithogo hilingitarek mene andi aro,” iluk ikhi lagaikha.