2 TAWARIKH 6:10 - Allah Wene Fano Wene Hupla Inane

¹⁰ A'nogo yagatikhe mene a'nogo, an neisena obali'mo it afuni Israel mene inobaget raja menlagagi, nen an nen enek o afuni Israel mene ineisena Tuhan Allah awene kabogetuba a'nogo wuti. Enggere At Tuhan nen wene isikhe mene a'nogo tibet fikhe andi.

2 TAWARIKH 6:10 ပူးပေါင်းရင်းမြစ်များ

PENGKHOTBAH 1:4

Inagainafuri attak tagomangge mene nen taginafu mene wa'lagu kwelek, hobuk tagomangge mene nen taginafu mene weinam asi wagik, hilingirik wagu kwelek meneat he kweang he munen agi'lek etok mondok werek.

2 TAWARIKH 1:1

Hun raja Daud amlogo Salomo a'nogo re, it kerajaan Israel oba omanogo raja mondok omame mene menlagaikhe. A'nogo menlagaikhemo re, eisena Tuhan Allah nen at ebeba fanot figik, at ebe mondok omame hokho mene logouwageluk hilingfigik isikhe.

1 TAWARIKH 29:23

A'nogo menfesukwama re at eisena Daud obali'mo re amlogo Salomo at eisena hurek welagaikheba a'nogo Tuhan nen wene fesikhe higithogo hu'lasi lagasikhe andi. At ebere ap raja yi aple ti aple hilingitunem mondok fano nek aga lagaikhe agun, nen, it inunggulenu Israel mene abirengge nen ogore along palogo hilingfikhi lagaukwa agun welagaikhe.

1 TAWARIKH 29:15

Nineisena Tuhan, Hat he mondogat helu o, nit ninambu ninombalak hakhogore nit ogo nineluk welago yi re ap pok hakhogo inom nogoukmo lagaikharek hakhogo inom welago. Nit nineluk yi re afumagengge attak hilinglagu mene wenggelhagarek andi higit hilingi'mo re, wa'lagu meneba nen hobuk ineluk asu lek hak.

1 TAWARIKH 28:5

Aren he an nanlogomi hokhorogo wo'netesik, an nagainafuri mondogat andoma nen he at Salomo nek he o kerajaan Tuhan it afuni Israel mene omanogo inoe raja logolik melalinafi lagogin mene wenagaisogo fesikhe.

1 TAWARIKH 17:11

Hobugen ambi hat wa'laguba asi wesigin, nen hat hebe hit inombawi salinafi lagaukwaba andoma salhobagaumo re, An nen hat hagainafuri mene ap misik ekhe raja logouwageluk menfagain. A'nogo menfoumo at andi nen enek he o An nobaget wut nobagagin o. Nen, at ebe raja logolik melalinafi logogin oba kerajaan andi re An nen omamet fikhi logogin, nen mondok-mondok andoma re at ambisangma mene nen melalinafu mondok logogun.

1RAJA-RAJA 2:12

A'nogo welagaikhesi'mo re, Salomo eisena Daud obali'mo raja agaikhesik, at ebe raja logolik omamerogo ferinarek welagaikhe.

2 TAWARIKH 6:9

Oba nen he O An nobaget wusugun mene andi re haren he fuk, at he hat hamlogo nen wu'nabigin o,” iluk yagatikhe.

2 TAWARIKH 6:11

Peti Wene wasukwa mene a'nogo elonggoma helep Allah inom it afuni At againafuri Israel mene inom wene wat-wat agaukwa mene a'nogo kwalegengge logouwageluk he, O Tuhan Awi elonggoma andoma foukhogo hilingfigiat andi,” iluk yagaisasikhe.

1 TAWARIKH 22:11

A'nogo yagatikhesik, at Daud en ekhe inom yagati logolik he, ”Yogondak he, namlogo, we hat heisena Tuhan Allah andi nen enek lebethafi logouwak. Nen, o Tuhan Awi andi re, Aren wene abok ikhe hakhogo haren eberogo wusigin logouwak.