2 TAWARIKH 5:10 - Allah Wene Fano Wene Hupla Inane

¹⁰ Peti Wene Warek andiba re, amu mene ekhe kwalek welagaikhe lek, we helep kagalek pire, it afuni Israel mene o Mesir en Kanaan logoin iluk ebe khalem lagunem en Tuhan en it inom wene wat-wat agaukwa mene a'nogo, Tom Sinaiba a'nogo nen at Musa nen helep kwalfesikhe mene andem enek kwalek welagaikhe.

2 TAWARIKH 5:10 ပူးပေါင်းရင်းမြစ်များ

2 TAWARIKH 6:11

Peti Wene wasukwa mene a'nogo elonggoma helep Allah inom it afuni At againafuri Israel mene inom wene wat-wat agaukwa mene a'nogo kwalegengge logouwageluk he, O Tuhan Awi elonggoma andoma foukhogo hilingfigiat andi,” iluk yagaisasikhe.

KELUARAN 19:5

Hit yogondak an nane hologo wene wathisasigi mene andi higithogo hilingitep halok he, hit he, an nagainafuri hinale'ma kenghogo wokhinabigin o. Afuni kweangma mene mondogat he, inebe an mene. Meneat he, hirenek he, hinebe an nendawinggen hundik mene hilinglasimbik

KELUARAN 31:18

A'nogo At Tuhan nen Musa inom Tom Sinaiba nen ane arat isikhesik he, At Allah nen helep pire kagalek meneba Allah awene melalek a'nogo onggwarek enggi nen palogo Musa wogetikhe.

KELUARAN 32:19

Yagatikhesik, o sabu tenda mene wuri'mo horokhogo wagaikhe re, sapi emas mene a'nogo were'ma re, afuni wuni lagik-wagik watunem eilenggen isasikhesik he, a'mage hokho mene lagasikhe. A'nogo isasikhesik, tom a'ma aremnogo nenat helep waluk pi wagaikhe mene a'nogo woukhogo hugisasikhemo re, sirik-serekhogo taik isikhe.

KELUARAN 34:1

Hobuk nineisena Tuhan nen Musa mel yagatikhe: ”Helep sabia pire attak welaga a'nogo hangge ekhe hilingi'no. A'nogo pugunesumo re, an nane attak helep sabia andiba lisu palhi mene haren sirik-serekhogo lakfisegen a'nogo hakhogo ambotkwe palino.

KELUARAN 40:20

A'nogo salhikhesik, helep pire a'nogo peti Allah nen wene warogo wo'ninafikhe iluk hilingisogo elema kwelakfesikhe. Kwelakfesikhesik, peti ambe yagarogo re, epokhogo waluk nikhi logogun mene senggan oba kelhigik fesikhe.

ULANGAN 29:1

At Tuhan nen Musa inom afuni Israel mene inom yagaisikhi logolik hinane yi'nogo wene warogo feino iluk yagaisasikhemo, it o Moab kweang oba logolik wene watukwa mene ebe yi: Wene warek fesukwa mene andi re wene attak o Tom Sinai ba nen At Tuhan inom it afuni Israel mene inomen watukwa mene a'nogo ambisangma wene watukwa.

IBRANI 9:4

O andoma amusu amben fano mene Allah noleti lagaukwa oba emas mene hilingik mene inom, peti Allah ninom hundik welago iluk agap mondogat emas mene laberek mene inom, welagaikhe. Peti andi elonggoma re, sumburu manna ninggi lagaukwa mene iwak emas mene elonggoma kwalek andi inom, ap Harun arige tomuk asimit wulifi lagaikhe mene andi inom, wene Allah nen komotninafikhe wene lisu helep oba palek andi inom, welagaikhe.