2 TAWARIKH 4:7 - Allah Wene Fano Wene Hupla Inane

^7-8 Andi nen he, ekhe lampu oak emas meneba inom, e meja 10 nen inom, wusugun iluk wenggelhikhe mene higithogo hilingitukwa. A'nogo hilingfesukwasik he, lampu oak emas meneba inom, meja omanogo inom he, o Tuhan Awi senggelek ekhe hokho mene a'nogoba ebe fuaben mene re, hare fikhit he fuaben nen pikhit fikhit he fuabenat fesukwa. Andi nen i nunggu mene mangkok emas mene ebe 100 nen inom hilingisogo fesukwaat.

2 TAWARIKH 4:7 ပူးပေါင်းရင်းမြစ်များ

1RAJA-RAJA 7:39

A'nogo hilingfesikhesik at Hiram en he, kereta aremnogo fuaben fena re abel a'makwe selatan fikhit fesikhe, nen fuaben fena re abel ambol kwe utara fikhit fesikhe. Waruk perunggu mene hilingik a'nogo re pikhit kwe hilingi'luk harekwe hilingi'luk tulem tenggara fikhit unggutmo andoma fesikhe.

1 TAWARIKH 28:12

At Daud en he o sili enggen tulem wusugun iluk wenggelhikhe mene inom, ambe maserogo andoma faget inom, o gudang Tuhan Awiba andi elonggoma kwalek logogin mene faget inom, gudang yi mene ti mene Tuhan obaget waluk fei wagu mene logogin oba wusugun iluk wenggelhikhesik palogo fesikhe mene a'nogo ogo wogetikheat.

1 TAWARIKH 28:14

Wogetikhesik he aren amlogoba re, emas elalhu aple inom, perak meneba yinik-hunik elalogo liafu mene inom,

1 TAWARIKH 28:15

esage pelita a'nogo halhu mene faget inom, esage a'nogo eisok wutu mene inom,

1 TAWARIKH 28:19

A'nogo mondogat melalfisasikhesik, at raja Daud a'nogo nen ikhi logolik he, ”Mondok abirengge andi re, Tuhan nen yi'nogo hilingi'no iluk wene melalogo an nen hilingisuageluk wo'netemo hilingisugun mene iluk palek meneba mondok kwelabek werek andi,” iluk yagaisasikhe.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

IBRANI 8:5

Allah nen he, ”Nawi su mene elama faget wutnobagain o,” iluk Musa yagatikhemo, ebe wusigeluk ugunem he, hobuk mel yagatikhe: ”An nemberek tom oba logolik, an nawi yi'nogo wutnobagagin o, iluk ilirengge walhogo inukhiigi a'nogo higithogo mondok wu'nogen he, hendawimo eberek mondok logoino o,” iluk yagatikhe andi hagat, it ap Allah eisewerek kweangma yoma logolik, ebe pogoroba werek mene oba litik, alik wanhik, agarek andi.

WAHYU 1:20

Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.