2 TAWARIKH 4:2 - Allah Wene Fano Wene Hupla Inane

² A'nogo yagaisasikhesik he aren nekhengge waruk kweang tangge meneba pugun sek engge hak misik ekhe perunggu ba ubung-abangengge ilirengge higithogo wutikhe mene re yi, elonggo agauwele a'nogo re 2,2 meter nen, huli-huli tulem warek welagaikhe mene andi re 4,4 meter, nen ebe maserogo kwelabek welagaikhe menere 13,2 meter wutukwa.

2 TAWARIKH 4:2 ပူးပေါင်းရင်းမြစ်များ

2 RAJA-RAJA 25:13

A'nogo yagaisasukwasik, Tuhan awi wuri'mo a'nogo yi mene ti mene ebe tembaga mene, e hangge hokho telik welagaikhe mene inom, meja hangge eisok hilingik mene inom, i yenggelhunggwe obuluk hokhoat hilingik mene inom, mondok sirik-serekhogo lakfisasukwa. A'nogo lakfisasukwasik, tembaga ebe nek fologo o Babel waluk lagaukwa.

1 TAWARIKH 18:8

Andi wanhi logolik, at Daud en he o Tibhat inom, Kun inom, attak kota hun Hadadezer en sebelek welagaikheba andoma nen perunggu hokhorogo helasikhe. (Aren helasikhe mene omanogoba re, At Salomo hobugen he o Tuhan Awi wuri'mo a'nogo faget waruk inom, e liabek mene inom, Tuhan Awi Wuri'mo wene kabogeti logolik hilingitu mene inom wutikhe.)

2 TAWARIKH 4:3

Agap endakwe maserogo re no sapi ilirengge rek mene pirengge erarogo waruk ebe a'nogo inom to'mot higik wutukwa.

KELUARAN 38:3

Andi re no kuali inom sekop inom, mangkok inom, andi nen garpu inom, endu nonggwalhuba obalik inom, hilingitikhe. Mondogat hilingitungge iluk hilingitekhe mene andoma re no perunggu meneba nek hilingitikhe.

KELUARAN 38:8

Bezaleel en he perunggu meneba i yenggelfuguba faget o'lu re perunggu meneba eyarogo hilingitikhe. Perunggu andoma re eil mondok afumagengge mene it hemi O Tuhan Awi sabumo solombonma yabu hilingiti lagaukwa mene inangge meneba hilingitikhe.

ZAKHARIA 13:1

Tuhan Omame Mondok Hokho mene a'nogo nen ikhi logolik, ”Linggene andi sambul he i elesi misik ekhe wulibi waga logolik, Daud ambisangma mene inom, afuni Yerusalem mene inom tugwi kembu fogerati logolik weak hilingiti lagaukwa mene omanogo horogo leget fisagain.

TITUS 3:5

A'nogo weinam agaikhesik, Allah Areagun en ninendawimo sobalogo ninebe ket mene ta'ninafik, ninobabut hunogoat hilingninafik, isikhe andi re, nit ninonggwaregen ninobabut higithogo hilingiti lagaguba hilingninafikhe fuk. We, ninebe arenat endawitninafikhesik telninafikhe andi.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.