Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TAWARIKH 4:19 - Allah Wene Fano Wene Hupla Inane

19-22 Raja Salomo nen ogore o Tuhan Awi a'nogo faget hilingitungge elokhe amu mene emas mondok pugunsek meneba wusuageluk yagaisasikheat. A'nogo yagaisasikhemo wutukwa mene andi ebe re yi: Wam warogo nolhuba obalik mezbah inom roti enu warek fei waguba faget meja a'nogo. A'nogo hilingisugun iluk wenggelhukwa higithogo, o Tuhan Awi Senggelek Mondok Hore'ma a'nogoba elokhoma ombak bageti logouwageluk lampu posiemanggen emas mondok wuri weak meneba pugunsek mene ebe a'nogo. O elonggokwe alilingge owil-owilengge ilirenggerek mene omanogo inom, Lampu omanogo inom, fa hambongge omanogo inom, Lampu yo nunggu mene a'nogo pugun etu mene inom, mangkok inom Piring amben fano mene dupa a'nogo nolhu mene faget inom piring endu enggen kabogetu mene inom, kwe sou o Tuhan Awi wuri'mo kwi lagu mene inom, kwe sou ekhe O Senggelek Mondok Hore'ma a'nogo kwi laguba faget inom he emas oba nek to'mothigik wutikhe.

အခန်းကိုကြည့်ပါ။ ကော်ပီ




2 TAWARIKH 4:19
21 ပူးပေါင်းရင်းမြစ်များ  

Wene a'nogo oan hilinglagi'lek werek kwelek At Tuhan nen, ”Yi'nogo hilinghinabugun,” iluk yagaisasikhe higithogo re, at Nebukadnezar en yi mene ti mene ap Salomo nen Tuhan Awi wuri'mo logouwageuk, ebe emas mene hilingitikhe mene omanogo mondogat inom, yi mene ti mene onggo hokho mene ekhe Allah awi wuri'mo a'nogo welagaikhe mene inom, Yoyakin aiba welagaikhe mene inom, wanhikhesik o Babel waluk lagaikhe.


e talek meja perak meneba wutu mene faget inom, meja emas meneba wuri'mo roti enu warek a'nogo weragaisogo Allah faget fugu mene faget inom, faget yi'nogo hilingiti logogin iluk milil-melalhogo hilingfesikhe.


A'nogo hilingfisasikhesik he at Salomo nen hun raja Tinus mene enu Hiram a'nogoba re wene yi'nogo lakfesikhe, ”Noe, haren attak an neisena hinom hilingiti lagagin hakhogo re an ninom ogore a'nogoat hat hangge an noba onggo faget waluk wagunem an nen onggo palhi logogin nen ninom hunisuogo. Noe haren an neisenaba e laik o Libanon mene omanogo at ebe werek oba awi wusoageluk oba onggo wanhen.


Tahun ket mene kugu kwelek he, at raja Nebukadnezar en he Yoyakhin a'nogo hele warogo waluk o Babel laga logolik he, o Tuhan Awi wuri'mo yi mene ti mene onggo mondok hokho mene welagaikhe mene omanogo inom mondogat waluk lagaikhe. At Nebukadnezar en he Zedekia Yoyakhin oe a'nogo it afuni Yehuda mene inom, Yerusalem mene inom, inobaget raja menfesikhe.


At raja Babel mene andi nen he o Tuhan Awi wuri'mo yi mene ti mene wene kabogeti logolik wanhungge omanogo inom, yi mene ti mene onggo hokho mene omanogo inom, at raja onggwarek angge omanogo inom, it agoromi pegawai inangge omanogo inom, mondogat telaluk he o Babel lagaikhe.


Tahun pire welago arem oba re An nen yi mene ti mene An nailoba nen Nebukadnezar raja Babel mene nen feleleng e'luk laga mene omanogo nekhengge An noba fei wesigin.


Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.


At Daud Allah awi wuri'mo kwisikhesik he, sumburu roti Allah faget fisagarek mene it ap Allah eisewerek mene inalegat enek ninggi logogun. Meneat he, at Daud ebe inom, it ap at ombo'ne lagaukwa mene inom, inom nogoin lek mene wanhukwasik nasukwa iluk Allah ane lisu palek werek a'nogo hit hikhi lagep lek nogo?


A'nogo werek kwelek, malaikat hunogoat mene ekhe nen, lemesak emas meneba hilingik engge waluk he, yi mene ti mene Allah faget noletarek oba wagasik mendek welaga. A'nogo were'ma, Allah nen he, at againafuri mondogaren samban agarek mene inane inom, kemenyan inom, inomat nolesuageluk, kemenyan hokhorogo wogetemo, yi mene ti mene Allah noletarek oba andi, ebe at kain welagarek oba obuluk a'nogo elokhoma were'ma fei lagunem yethigi.


Malaikat inebe fuaben mene inambinggong a'nogo anet hagasi'mo nen he, ekhe ambinggong anet hugunem yi mene ti mene Allah faget noletarek mene obuluk, ebe emas meneba unggut fena-fena enggaminogo hilingi'mo wam sapi andimuk hangge nginganok ili'lagoba andoma nen inane ugunem holhi o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ