2 TAWARIKH 4:1 - Allah Wene Fano Wene Hupla Inane

¹ Raja Salomo nen he it ap yabu hilingitu inap omanogo nen warogo nolhuba obalik mezbah a'nogo no perunggu meneba ebe uanhogo ilirenggeti logolik he nunggulik mene re 9 meter oba, nen ligabek menere 4,5 meter oba wusuageluk yagaisasikhe.

2 TAWARIKH 4:1 ပူးပေါင်းရင်းမြစ်များ

1RAJA-RAJA 8:22

At Salomo nen wene a'nogo yagaisasikhesik, afuni andogotukwa mene omanogo inelokhoma elokhe wam, yi mene ti mene Allah faget warogo noleti logogun oba obuluk hilingik a'nogoba higit lakfesikhesik, enggi pirenet pogoroba liakfesikhesik he,

1RAJA-RAJA 8:64

A'nogo hilingiti logolik, enggi andi sambul at Salomo nen Allah awi wuri'mo elokhoma higit o sili hilingitikhe mene andi heirogo tulem hulirogo Allah faget fisasikhe. A'nogo hilingiti logolik, at faget wam sapi ebe noletik, sumburu gandum mene noletik, Allah ninom lambulogo iluk anggo ebe waretukwa mene sei noletik, isikhe. Wam, yi mene ti mene Allah faget noleti logogin oba mezbah wutikhe mene a'nogo obalik keloksek welagaikhemo re, andoma mondogat he, o silimo nen noletikhe andi.

1RAJA-RAJA 9:25

At Salomo nen he tahun misik meneba re enggi henagan oba Tuhan endawimo agaiyek hoageluk inom, nen wam Allah nen fanot ninobagauwageluk inom faget wam warogo Tuhan obaget wutukwa ba omanogo nolhi lagaikhe. Aren he dupa amben fano mene inom Tuhan obaget nolhi lagaikheat. A'nogo hilingitu mondok logolik at Salomo nen o Tuhan Awi a'nogo mondogat wutikhe andi.

2 TAWARIKH 1:5

Wam warogo nolhu mene obuluk (mezbah) at Besaleel, hun Uri amlogo, hun Hur omba a'nogo nen no perunggu ba wutikhe mene a'nogo ogore o Gibeon Tuhan Awi sabu sale'ma elokhoma omanogo welagaikheat. A'nogo were'ma re at raja Salomo a'nogo inom, it afuni holharek mene mondogat inom he, andoma wene kabogetukwasik samban ikhi lagaukwa.

2 TAWARIKH 15:8

A'nogo isikhesik he at hun Oded amlogo Azarya a'nogo nen ugunem at Asa nen esanggo holhikhesik he agaiyegen endawimo abolok isikhemo re aren he o Efraim tomkwe kota sebelogo fisasukwa mene omanogo inom, o it afuni Benyamin mene inom, Yehuda mene inom werekwe omanogo nen tugwi kembu welagaikhe mene omanogo mondogat waganogo wulakfisasikhe. A'nogo hilingitikhesik he aren Tuhan obaget warogo nolhuba obalik mezbah o Tuhan Awi wuri'mo a'nogo nen senggelek elokhoma mene a'nogoba welagaikhe mene a'nogo re fanorogo halogo fesikhe.

2 TAWARIKH 29:18

A'nogo hilingitukwasik he it ap Lewi inap a'nogo nen he raja Hizkiaba eluabet fikhi logolik he, ”Nit he o Tuhan Awi elonggoma nen wam warogo nolhungge mezbah a'nogo inom, roti enu warek weragaisogo fei waguba meja a'nogo inom, yi mene ti mene elonggoma andoma hilingiti logouwageluk werek engge omanogo inom, o Tuhan Awi ebe abirengge inom, mondogat puguneto o.

2 TAWARIKH 7:7

Andi nen he at Salomo nen mezbah perunggu meneba wutikhe mene a'nogo re obalik mondogat endepse'ma re, wam abirengge omanogo aremnogo nek nolhu aple onggok-fonggok ikhi lagaikhemo re, o wene kabogetuba a'nogo elokhe fikhit ambe ekhe tulem mene a'nogo re at Salomo nen Tuhan obaget enogo fisasikhe. A'nogo fesikhesik he, aren warogo noletu mene inom, gandum enggen inom, wam asei Tuhan endawimo agaiyek hoageluk mene omanogo inom, Tuhan nen fanoabet ninobagauwageluk mene omanogo inom, andoma nen noletukwa.

2 TAWARIKH 8:12

At Musa nen wene melalek palhikhe mene a'nogoba higithogo re linggene hokho mene aremnogo hilingik aplerogo wam wati logogun iluk isikhemo re: Linggene Sabat sambul faget inom, Linggene Tugi Ket mene folelhu halok faget inom, Linggene tahun misik oba misik sambul kabogeti lagaukwa mene faget inom, Linggene Roti Fiterek lek meneba werago nunggu sambul faget inom, Linggene Enggen Ugu Palhu mene faget inom, Linggene O Sabu Enggaba salhigik welagaukwa mene ebetikhi logolik faget inom, at Salomo nen o Tuhan Awi elokhoma aremnogo Tuhan faget warogo noletuba mezbah wutikhe meneba a'nogo wam warogo noletikhe.