2 TAWARIKH 32:8 - Allah Wene Fano Wene Hupla Inane

⁸ At ebikhit omame werek andi re afuni inomameba hilingik werek, oba nen he, nit lebetninabuageluk inom, nen ninobaget weim yabuageluk inom he, Nineisena Tuhan Allah werego,” iluk yagaisasikhe. It ineisena raja ane isikhe mene a'nogo inesanggo holhukwasik he, it afuni a'nogo mondogat inambong se agaukwa.

2 TAWARIKH 32:8 ပူးပေါင်းရင်းမြစ်များ

2 RAJA-RAJA 18:5

Afuni Yehuda mene inobaget raja welagaukwa mene andoma it attak Hizkia oan raja hilinglagi'le'ma welagaukwa mene inom, nen hobuk welagaukwa mene inom he, at Hizkia inom higit mene ekhe welagaukwa lek. Aren it afuni Israel mene ineisena Tuhan Allah a'nogoba endawinggen tipsek logolik,

2 RAJA-RAJA 6:16

A'nogo yagatikhemo, at Elisa nen he, ”Ap nit ninebikhit asugun mene inebe hokhorogo meneat he, it inebikhit asugun mene inebe endebat hangge andi nen he, hailo lekhogo logoin o,” iluk yagatikhe.

2 TAWARIKH 13:12

Ap hit Israel mene yi sani, Hit hinambu hinombalak ineisena Tuhan Allah andi ane sagalogo fugu lek! Nit melalninabi'lago mene andi re we nineisena Allah amuat were'ma re, it ap At obaget hilingiri'lagwi mene imam omanogo re, niren hit hinoasi wesugun mene andi faget he, iren enekhogo re trompet ane fusuogeluk yoma werek yi. Hit he hinalong asugun iluk hilingiti lageba? Elo'lego! iluk yagaisasikhe.

2 TAWARIKH 14:10

A'nogo asi wagunem he hun Asa a'nogo ogore at Zerah inom weim yabigiluk he wulibi lagaikhesik, it inebe tegelhik esa inamu-inamu o Zefata tonggoma o Maresa horokhogo andoma folhukwa.

2 TAWARIKH 14:11

A'nogo folhukwasik he at Asa nen eisena Tuhan Allahba samban ikhi logolik he yi'nogo isikhe, ”Tuhan Allah neisena, afuni inomame werek mene inoba re, it inomame lek mene re we Haren enek leberinafi lagenma re, yogondak Harenat nit lebetninabin o, nineisena. Nit he Hat hoba nek lomborogo logolik, Hat henuba, it ap inasikhe werek inap esa mondok hokho mene yi ninom weim yabuogeluk wulifi lago yi. Tuhan, nit nineisena Allah we Hat hamu welagenma re, Hat hebe afuni nen mabenet hobagagun lego, neisena,” iluk samban isikhe.

2 TAWARIKH 16:7

Andem oba re nabi Hanani a'nogo hun Asa ambit wagaikhesik yagati logolik mel yagatikhe, ”It Sudan inom Libia inom he ap sikhe fisogo mene inebe mondok hokho-pokhorogo were'ma, it inangge kereta elonggoma kuluk weim yabik lagaikharek mene inom, no kuda amboloba lagaluk weim yabik lagaikharek mene inom ogore mondok hokhorogoat welagaikhe lek nogo? Oba nen he haren Tuhan Allah a'nogoba hendawinggen tibet figi'legengge nen at raja Siria mene a'nogoba tibet fesiginmo re, haren it tentara Israel mene inomame leget fisare elo'lek agaikhe lek nogo?

2 TAWARIKH 20:15

Aren ikhi logolik he, ”Ninoe kain lego mene inom, nerugwi nagaila'lak inom, Tuhan nen ikhi logolik he, it ap tentara hokhorogo andi inom he, hiren weim hinom yabugun lek, we At Allah nen enek yabigin enggere, hiren inailo a'luk hinendawi fisu fuk.

2 TAWARIKH 20:17

Yago, hit afuni Yehuda mene inom, Yerusalem mene inom, hit hinendawi fit la'luk hinailosi fuk. Weim ari re, hit hinom yabugun he lek, hit andem laluk logoino igiba andemat lani. Hit hinoba Tuhan en hinalong mene hilinghinobagagunem hogoin. Tuhan en he hit lebethinabigin enggere weim ari yabi lani!” iluk yagaisasikhe.

2 TAWARIKH 20:20

A'nogo hilingitukwasik hubet o weigiluk ugu kwelek, it afuni a'nogo wulibi lagaukwasik he o Tekoa horokhogo leimo omanogo lagaukwa. It lagunem he at Yosafat en wene inoba fikhi logolik he, yi'nogo yagaisasikhe, ”Yago hit afuni Yehuda mene inom, nen Yerusalem mene inom, hit logoin mene andi ambisangma fano agunem hogoin enggere, hit hineisugwi nabi nen yagahisaga mene andi furogo wanino. Nen, it hinaselei mene wagu halok hinendawinggen hambukhogo logobagaigen he, hit hineisena Tuhan Allah ba hinendawinggen tibet feino!” iluk yagaisasikhe.

2 TAWARIKH 32:15

Raja Asyur mene enggi omame mene a'ma nen he it inunggulenu amu mene inanggembu dewa nen ekhe lologo wulakfisasikhe mene ekhe werek lek. Enggere hirogo hinanggembu dewa andi nen lologo wilak hinabigin he elo'legat. Hit hineisena raja andi nen lalhinafik, kembuet hinafik, hilinghinabuageluk hilingiti logou fuk, Aren ili'lago mene andomaba eberogo anggaluk hilingiti logou fuk!” iluk wene warogo lakfesikhe.

AYUB 40:9

An nomame werek andi hak, hat homame andi higit werek nogo? An nane unggunggu ane hangge igirek andi hangge hat hane u hak nogo?” iluk yagatikhesik he,

MAZMUR 118:8

Afuni inoba inendawinggen himbiret fuluk welagaikharek andi elo'lek meneat he, Allah awe a'ma sebe uluk logogun andi nek he mondok fano.

MAZMUR 20:7

At Tuhan nen ap raja wenagaisogo fikhe mene a'nogoba alonget fili'lago mene andi re yogondak an arat nelu ari'lago. At Tuhan ebe pogoroba mondok fanoma omanogo logolik onggo yagaterek, nen At Tuhan nen at raja a'nogo omamet fugunem mondogat along ari'logo.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

MAZMUR 46:7

At Allah ane unggunggu ane hangge ugunem, afuni o kweangma welagaikharek mene re mondogat inoatik, yi afuni ti afuni inunggulenu lombok Allah ane inesanggo holimbik, inane hokhorogo sagalhik, o inogogwi inenupogoren ferinarek welagaikharekwe omanogo mondogat maben arik lagik, ugun.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

AMSAL 12:25

Inendawinggen fitu werek halok inagaiyek mene a'nogo longgoikherek, oba nen he inane liokhogo agarek oba re inendawimo legeisogo fisagarek.

YESAYA 30:32

It a'nogo hilingfisamo enggin-fenggin hugu werek kwelek, it Tuhan againafuri mene omanogo re waruk gendang ane tololangetik, kecapi ane kongetik, ikhi logolik inagaiyegeti logogun. At Allah amu nenat afuni Asyur mene inom weim yabigin.

YESAYA 31:3

Afuni Mesir mene andi re Allah re fuk afuni mene werego, kuda iren fisogo mene andoma re ekhe hunik mene re, fuk welagarek mene nek werek. Arigini'mo re Tuhan nen enggin mene inoba fagain iluk hilingitunem andi re inunggulenu omame logogin mene inom inunggulenu lebelek mene omame mene nen leberisagarek mene omanogo inom pule pumo re it inebe pirenerat legasugun andi.

YESAYA 36:18

Hiren Hizkia ane holhu lek! Aren he hit lalhinafi logolik he Tuhan nen nit telninabigin iluk yagahisili'logo andi. An nenggi a'ma nen he dewa inunggulenu amu mene nen it inoba telinafe mene ekhe werek nogo a?

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YEREMIA 17:5

Tuhan nen yagaisikhi logolik, ”Ap ekhe An eisena Tuhan a'nogo oboget nealuk, endawinggen afuni mene inoba himbirik welagik, onggwarek omameba tipsek welagik, hilingitu werek halok he ap andi re homan ugu logouwak.

YEREMIA 42:11

Hiren raja Babel mene andiba hinailoti logou fugo. An nen he at omameba nen hit lebethisigik, fikhalogo hinobagagik hilingiti logogiluk he hit hinanggele'ma andoma logogin o.

ZAKHARIA 4:6

Malaikat a'nogo nen an miming nafi logolik, Tuhan nen yi'nogo ikhe iluk hun Zerubabel yagasi lano, iluk yaganete, ”Ap tentara inomameba inom, nen hat honggwarek homameba inom fanorogo hilingisu lek hak, we An Nareagun oba nek he elok hilingisigin o.

ULANGAN 20:1

At Musa nen a'nogo yagaisasikhesik ekhe yagaisikhi logolik: ”Hirambi it hinaselei mene inom weim yabi laga logolik halok he it hinaselei mene andoma inanggo kuda hokhorogo werek mene faget inom, kereta ap amboloba lagaluk weim yabik lagaikharek mene hokhorogo werek mene faget inom, it inagoromi tentara sikhe fisogo mene esa hit hinebe maben sek kwelek it hokhorgo wane mene andi faget hinailot inabu fuk. Hit hineisena Tuhan Allah o Mesir en hele fikhalogo wilak hinabi wagaikhe mene a'nogo nen enek lebethinafi logogin.

ULANGAN 20:3

’Yago nori Israel hinap hinesanggo holini, yogondak he hit weim kwelabi kugun enggere, hinendawinggen endebagik, hinailo agik, hinendawi suk-sak igik hilingisu fuk.

ULANGAN 20:4

Hit hineisena Tuhan Allah At hit hinom laga logolik lebethinafi logogin, Aren enek hit hinalong asuageluk hilinghinobagagin,’ iluk yagahisikhi logogun.

2 TIMOTIUS 4:17

A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.

2 TIMOTIUS 4:22

Ninoe Enupogot obabut fano a'nogo nen fetharek welagik, nineisena Allah fetninarek welagarek mene a'nogo nen hinebe mondogat fanothinafik, ikhi logouwago.

YOSUA 10:42

Afuni Israel mene ineisena Tuhan he, it inebikhit a'luk it inobaget weim yabik lagunem a'luk he, we misigam weim yabik lagu meneba re, at Yosua nen raja-raja andoma inomame legaphogo fisasikhesik o it inomame a'ma welagaukwa mene omanogo telogo helasikhe.

1 YOHANES 4:4

Mene re, nagainafuri e. It afuni kweangma mene inendawimo welagarek mene andi omame lek meneat he, hit enek he, hinebe Allah againafuri hilingi'mo at Areagun omame mondok hokho mene hinendawimo werek andi nen he, it ap andi mabenetfisaluk welagep andio.

1 SAMUEL 17:45

A'nogo yagatikhe meneat he, at Daud en mel yagatikhe: ”Hat he, an noasigiluk henggarok inom, afi'lolo inom, arige kabelek inom helaluk wagen meneat he, an enek he, ap tentara Israel mene haren hendawimo seramet fisaluk hane asegen wogisegendek mene ineisena Tuhan Allah yi mene ti mene hilingiterek enek mene a'nogo enuba hoasigiluk wagi o.