2 TAWARIKH 32:5 - Allah Wene Fano Wene Hupla Inane

⁵ A'nogo hilingfuluk he, o kota a'nogo omamerek logouwageluk he at raja a'nogo nen pa'leget a'nogo pugunhogo omameratik, karoba ap kagalek logogun oba iluk leget esia'le bene o wurik lagalik, leget abel endakwe fikhit ogo o wutik hilingitikhe. A'nogo hilingi'luk he, aren he o kota Yerusalem attak-attak welagaikheba omanogo o hokho mene kweang oba punurogo liabik lagasukwasik wurik welagaikhe mene a'nogo pugunetik, nen sige kabelek inom, tok ma'mungge inom hokhorogo wusuageluk yagaisigik, isikhe.

2 TAWARIKH 32:5 ပူးပေါင်းရင်းမြစ်များ

1RAJA-RAJA 11:27

Wene hobuk ekhe ikhi logolik at Yerobeam en he, ”Salomo raja logogin lek, an logogin,” iluk folim hibiti lagaikhe mene lisu palek werek. O Tuhan awi wurik abel manggwe selatan fikhit he, kweang helage taganetik, enen wanhik, o kota leget pa'leget waganek welagaikhe mene hobuk wanhik, ugu kwelek,

1RAJA-RAJA 9:24

Kweang Tuhan Awi wuri'mo nen a'makwe selatan fikhit andi re, at Salomo nen agwe hun raja Mesir mene a'logo a'nogo o kota Daud aiba a'nogo nen o Salomo nen at agwe andi faget iluk wutikheba a'nogo lagaikhemo nek he, kweang a'nogo kabogerik lagasikhe.

2 RAJA-RAJA 25:4

ap tentara Babel mene omanogo nen leget pa'leget wurik a'nogo meisalogo kwisukwa. A'nogo meisalogo kwisukwasik he, o hubanggo it ap tentara Babel mene yining-haning kagalek werek kwelegat he, it tentara Yehuda mene mondogat heise o i Yordan tonggoma andoma louwogeluk, kwe ap raja eabukwe nen leget pa'leget elugun fena-fena heget fei lagaukwaba, kwe ambe palek were'ma wulifukwasik he, hela lagaukwa.

2 TAWARIKH 12:1

At Rehabeam Raja menlagaikhesik a'nogo re ebe mendek werek oba o kerajaan a'nogo omamerati logolik he, at inom it afuni Israel mene mondogat inomen he Tuhan awene melalek omanogo sagalogo fikhi logolik he,

2 TAWARIKH 23:1

Tahun falfaligen walagaukwasik sabit meneba re hun imam Yoyada a'nogo nen an ogo yogondak hilingisigiluk welagi iluk wene katokhogo tegetikhe. A'nogo hilingitikhesik aren he ap sikhe fisogo inap inogogwi perwira inebe 100 nen omanogo hun Azarya Yehoram amlogo a'nogo inom, Ismael hun Yohanan amlogo a'nogo inom, Azarya Obed amlogo a'nogo inom, Maaseya hun Adanya amlogo a'nogo inom, Elisafat hun Zikri amlogo a'nogo inom, it inane a'nogo hilingisugun iluk misik katokhogo isukwa.

2 TAWARIKH 25:23

At Yoas nen he hun Amazia a'nogo fakfesikhesik he waluk o Yerusalem lagaikhesik, o kota andi leget pa' leget waganek mene a'nogo, kwe ambe Pintu Gerbang Efraim kwi wagu mene iluk ambe palek mene a'nogo ba nen he kwe ekhe ambe Pintu Gerbang Sudut eil uanhogo 200 meter en hakhogo meisalogo lakfisasikhe.

2 TAWARIKH 26:8

At mondok omame mene aga logolik he, enu re o Mesir huli andomabaat wialarik laga lagaikhe. It afuni Amon mene nen ogore it inom at a'ma welago oma re iluk onggo re at Uzia were'ma fei waga lagaukwa.

2 TAWARIKH 33:14

A'nogo hilingitikhesik hobugen he at Manasye nen o kota Daud awi a'nogo abel timur fikhit leget pa' leget endakwe mene a'nogo ekhe inom uan hogoat ambotkwe wutikhe. Aren he obalik ekhe misi'mo i Gihon elesi horokhogo tonggoma aremnogo nen eroratikhesik he liabik laga lagaikhesik liabek mene re utara fikhit kwe hokho mene enu Pintu Gerbang Ikan ikhi lagaukwa mene andiba nen he, o kota ebe fikhit he o Ofel agarek oba andoma huli fei wagaikhe. O it afuni Yehuda mene welagaukwa kwe nen leget omamerogo waganek welagaukwa kwe andoma re ap panglima mene inebe misik-misik fisilik lagaikhe.

AMSAL 25:28

Ap onggwaregen halikherek lek mene andi re, o kota timirek mene langgukhogo pikherek andi higit werek.

YEREMIA 39:4

A'nogo were'ma raja Zedekia inom, agoromi tentara mondogat inomen agaikhe mene omanogo ineilenggen hagasik he iren heise wilibimbik hup a'nogo sambul enek o Yordan fanggong fena logoin iluk leil wati lagaukwa. Iren kwe ap raja werek awi yabu yagokwe andi nen he kwe ekhe ambe palek mene leget pa'leget waganek pire andem elugun hundik kwe andi nen wulibugun iluk hilingiti lagaukwa.

YOEL 2:8

It kwe louwogeluk laga logolik he, weak-weak lou iluk set kwil-kwalhogo yagaisigi'lek, inanggwe lombok logoinkwe higit-higit lagaikharek. Iren anggilukhogo logalogo laga logolik, leget pa'leget afuni inaselei mene nen inoasi kwi wesinogo iluk kagalek welagaikharek oba a'nogo fikhirat monhilik kugunem, it inanggwe palu re, mondok elo'lek.

HAKIM–HAKIM 9:6

A'nogo inoatikhemo, afuni o Sikhem inom, o Bet-Milo inom, welagaukwa mene inebe mondogat andogotukwasik he, o Sikhem andoma e pai eroma wesama andoma lagaukwa. Lagaukwasik, andoma nen at Abimelekh inoe kain enupogot logouwageluk menfesukwa.