2 TAWARIKH 32:3 - Allah Wene Fano Wene Hupla Inane

^3-4 it ap Asyur inap andoma o Yerusalem horokhogo andoma kwi wesimbik i o andoma agai ekhe nanogo iluk he, at inom, agoromi it sikhe fisogo mene inogogwi perwira omanogo inomen he, i o kota andiba lagu agai omanogo mondogat to'morik loageluk wene lenggalhikhe. A'nogo lenggalhikhemo re i o kota endakwe fikhit wulibi lagarek agai omanogo to'morik loageluk he, afuni mondok hokhorogo inayonggo fesukwa.

2 TAWARIKH 32:3 ပူးပေါင်းရင်းမြစ်များ

2 RAJA-RAJA 18:20

Nen hat hendawimo nen he nane ikhi lagi andem oba tentara inomame logolik weim yafu inelu mene ninom elok lagaligin anggikhi lagen a? Hat ap o koma mene nen lebetheamo hailo'lek an nenggiba nen wilibimbik noasigiluk igin anggegen?

2 RAJA-RAJA 20:20

At raja Hizkia nen hilingiti lagaikhe mene fenakwe inom, nen aren weim yafi logolik omame aga lagaikhe mene inom, i kalok waganogo i mogoba nen o kota ba kwelabi lagaikhe mene inom, mondogat andoma re buku it ap raja-raja Yehuda mene logolik hilingiti lagaukwa mene palek meneba palek werek.

2 TAWARIKH 32:2

Sanherib en o Yerusalem sebeli kwigin iluk hilingiti lagaikhe mene a'nogo at Hizkia mondogat elu agaikhesik he,

2 TAWARIKH 32:30

At raja Hizkia andi nen i Gihon elesi wulipluk wagu agai a'nogo yagatikhesik he, kweang a'makwe nen anggwe halogore o kota Yerusalem a'nogo elonggo fikhit kwelabi lagaikhe agun. At Hizkia nen ekhe mene ekhe mene hilingiti lagaikhe mene andoma re ambisangma mondok hilinglagu nek welagaikhe.

AMSAL 15:22

Wene melalek sugwi agarek andi re furogo wenggelhigik, kumuthigik agarek lek andiba o, wene melalek higit agarek andi re komo wene hokhorogo komorinafarek andi nen o.

AMSAL 20:18

Hilingisugun iluk wene ayo palogo fuluk higithogo hilingitarek mene andi re attak-attak he inane makfuluk wil wal haluk hilingitarek oba. Arigini'mo re, wene attak melalogo figi'lek enggere hilingisuogen iluk erorasu fuk.

AMSAL 24:6

Andi re oan weim ebe yafi'lek logoligat, it aben, ”Ninomame asuogen weim ebe yi'nogo yabuok,” iluk inelu mene inebe hokhorogo nen kimi-komorogo hilingfisaluk, weim abok senggerogo uluk yabugun halok inomame agaikharek higit.

YESAYA 40:13

Ap sa nen Tuhan yanggulhik, athe At komotu mene a'luk yagatik, u hak nogo?

NAHUM 3:14

A'nogo hilingik enggere hit hinebe hukhinabi wesugun sambul andoma faget he hinagai nunggu mene hinagaisogo fakhambik logoino. Nen, hinawi oak liabek mene andoma omameratik, Kweang tangge mene hineisogen puselfuluk, helep hakhogo weragaisogo fougeratik, ino.

ROMA 11:34

Wene andi faget he, lisu yi'nogo palogo fesukwama werek: ”Nineisena Tuhan endawimo ebeterek andi, sa elu? At he, sa hagen komorasigin nogo?