2 TAWARIKH 32:2 - Allah Wene Fano Wene Hupla Inane

² Sanherib en o Yerusalem sebeli kwigin iluk hilingiti lagaikhe mene a'nogo at Hizkia mondogat elu agaikhesik he,

2 TAWARIKH 32:2 ပူးပေါင်းရင်းမြစ်များ

2 RAJA-RAJA 12:17

Andem oba re at Hazael afuni Siria mene inoe raja andi nen he o kota Gad sebelhikhesik he, aren o Yerusalem ogo weim sineli kwigin iluk wengggelhikhe.

2 TAWARIKH 32:1

At raja Hizkia nen Tuhan oba tiphogo hilingiti logolik werek mene a'nogo mondogat hilingfesikhesik were'ma nen he, at raja Asyur mene Sanherib a'nogo nen he, o it afuni Yehuda mene were'ma kota leget pa'leget omamerogo waganek kwe omanogo mondogat teligin iluk he, o ebe mondogat walingisi kwi wagaikhesik he agoromi tentara esa logalek a'nogo inoba re teli kwini iluk yagaisasikhe.

2 TAWARIKH 32:3

it ap Asyur inap andoma o Yerusalem horokhogo andoma kwi wesimbik i o andoma agai ekhe nanogo iluk he, at inom, agoromi it sikhe fisogo mene inogogwi perwira omanogo inomen he, i o kota andiba lagu agai omanogo mondogat to'morik loageluk wene lenggalhikhe. A'nogo lenggalhikhemo re i o kota endakwe fikhit wulibi lagarek agai omanogo to'morik loageluk he, afuni mondok hokhorogo inayonggo fesukwa.

NEHEMIA 4:13

A'nogo ikhi lagaukwa andi nen, an nen he, ap inebe mondogat karok inom, sikhe sige inom, sumburogo wogisasigi. A'nogo wogisasigisik, leget pa'leget oan huniti'lek welagaikhe kwe omanogo ebe lombok kagalek logouwageluk inunggulenu lombok sumburogo fisasigi.

YESAYA 10:32

Yago! O yi sambul he hit hinaselei mene o kota Nob oba logolik he iren inenggi yinggilogo re punu Sion oba kota Yerusalem fikhit andoma mumet hili'lagwi.

MATIUS 1:19

A'mat fesikhemo re, at Yusuf obabut fano andi nen he, endawimo nen, ”An he andi afuni ineilhanem herakfisamo enggali asinogo nen he, hinagaisogo herakfisagain,” iluk, anggikhi lagaikhe.

LUKAS 9:51

A'nogo yagaisasikhesik he, at Yesus ebe Allah nen pogoroba liakfagain arat higit asi wagaikhemo re, at endawimo nen, o Yerusalem pigin, iluk ninghogo menenei ebetikhesik he, kwe wanhikhe.

LUKAS 9:53

A'nogo kwisukwama re, afuni o Samaria mene nen, at Yesus o Yerusalem pigeluk pi waga, iluk obabut enegat palhukwasik he, at ebe wanhi'lek herakfisasukwa.