2 TAWARIKH 32:11 - Allah Wene Fano Wene Hupla Inane

¹¹ Hit welagep oma re at Hizkia nen yagahisikhi logolik, ”Nit inenggi omameba nen, hit nineisena Tuhan Allah nen lologo wulak hinobagagin iluk welageba? Aren he hit hinamburu inom, hinagai inom, nele nen wa'lasuageluk hesanggema linet hisageluk hilingiri'lago o. Andi nen he, at oba tibet fugu lek.

2 TAWARIKH 32:11 ပူးပေါင်းရင်းမြစ်များ

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

YESAYA 36:18

Hiren Hizkia ane holhu lek! Aren he hit lalhinafi logolik he Tuhan nen nit telninabigin iluk yagahisili'logo andi. An nenggi a'ma nen he dewa inunggulenu amu mene nen it inoba telinafe mene ekhe werek nogo a?

YESAYA 36:12

A'nogo isukwama at perwira Asyur mene a'nogo nen ikhi logolik he, ”An noe nen la'nobagai waga andi re wene andoma mondogat he hit inom hit hinoe raja faget inom enek yagahisoageluk la'nobagai waga lego? Athe afuni o kota leget pak waganekwe hurek werek oma inom, hit hinom seberogo hinonggwarek hinal wurogo ninggik, hinamise wurogo ninggik, hilingisugun mene andi faget laknobagai wagama yagahisageluk ikhi lagi o,” iluk isikhe.

MAZMUR 71:11

Iren ikhi logolik,” At ebe Allah nen oboget hikhemo werek hilingi'mo re, ap amu mene nen ekhe at agap telugun lek enggere, niren murok lambik senfei louwogen we'ni o,” iluk ili'lagwi andi.

MAZMUR 42:10

Allah an werekwe agendek mene a'nogo hoba nane yagaheti lagi o. ”Nenahalok Haren an noba honggoret nobagegen nogo? It naselei mene nen he, yi enggin ti enggin hilingnafunem an nendawinggen mondok weak ari'lago andi nenahalok?”

MAZMUR 22:8

Inebe mondogen ineilenggen yetnealuk, endo ya'nafi logolik he, inambisang singgin wa'nafik, inunggul kwani igik, ugu mondok welagaikharego.

MAZMUR 3:2

Tuhan neisena, afuni an naselei mene re mondok hokhorogo hilingik, nen it an noasuogeluk weri'lagwi mene re inebe hokho pokhorogo werego!

2 TAWARIKH 32:15

Raja Asyur mene enggi omame mene a'ma nen he it inunggulenu amu mene inanggembu dewa nen ekhe lologo wulakfisasikhe mene ekhe werek lek. Enggere hirogo hinanggembu dewa andi nen lologo wilak hinabigin he elo'legat. Hit hineisena raja andi nen lalhinafik, kembuet hinafik, hilinghinabuageluk hilingiti logou fuk, Aren ili'lago mene andomaba eberogo anggaluk hilingiti logou fuk!” iluk wene warogo lakfesikhe.

2 RAJA-RAJA 19:10

Lisu palek andiba lakfei waga logolik mel yagatikhe: ”Heisena Allah nen eranen weneat he, kain raja Asyur mene andi nen mabenet hinobagambik hinoasigin lego, iluk yagahete andiba, at oba hendawinggen himbiret fembik logou fugo o.

2 RAJA-RAJA 18:30

Aren yagahisikhi logolik, Tuhan oba hinendawinggen himbirik were'ma elok telninabigin iluk yagahisili'lagwi mene andoma inane holhubo. Nen hit hinendawimo nen he, Tuhan nen elok telninafik, ninawi kota Asyur sebelinogo iluk mugusogo lakfisigik, igin iluk hinendawimo anggagubo.

2 RAJA-RAJA 18:27

A'nogo yagatukwama, aren he, ”Nit afuni Asyur mene ninoe raja nen he hit hinoe raja faget enek yagasuageluk laknobagai waga anggikhi lageba? Lego, we hit inom, afuni leget eisiale bene werek oma hinomat, hinonggwarek hinal, hinamise nogoin mene andi faget, hinebe mondogat yagahisoageluk laknobagai wagama yagahisikhi lagi o,” iluk yagaisasikhe.

2 TAWARIKH 32:10

”An Sanherib o Asyur oba raja mendek welagi mene a'nogo nen heinok wokhisikhi lagi, o Yerusalem he mondogat ap hinaselei mene nen hobet hisa kwi wagu kwelek hinailo legengge welagep oma re nenahalok?

2 TAWARIKH 32:12

Aren at he, Tuhan obaget wam warogo nolhuba mezbah omanogo molulukhogo hilingfigik, wene kabogetukwe omanogo weagerogo figik, hilingfikhesik he we mezbah misik meneba amben fanongge a'nogo nolhik, wene kabogetik, hilingiti logoni,” iluk afuni Yehuda mene inom, Yerusalem mene inom yagaisikhe.