2 TAWARIKH 32:1 - Allah Wene Fano Wene Hupla Inane

¹ At raja Hizkia nen Tuhan oba tiphogo hilingiti logolik werek mene a'nogo mondogat hilingfesikhesik were'ma nen he, at raja Asyur mene Sanherib a'nogo nen he, o it afuni Yehuda mene were'ma kota leget pa'leget omamerogo waganek kwe omanogo mondogat teligin iluk he, o ebe mondogat walingisi kwi wagaikhesik he agoromi tentara esa logalek a'nogo inoba re teli kwini iluk yagaisasikhe.

2 TAWARIKH 32:1 ပူးပေါင်းရင်းမြစ်များ

2 RAJA-RAJA 15:19

Afuni Asyur mene inoe raja Pul a'nogo it afuni Israel mene were'ma weim sineli kwi wagaikhemo at Menahem en he, ’An afuni Israel mene inoe hilingi'mo andoma nebe nomamerogo melalinafi logogin,’ iluk hun Pul andi nen legeisogo nobagauwak, iluk he perak 34.000 kilogram en mene wogetikhe.

2 RAJA-RAJA 17:6

at Hosea re afuni melalinafu 9 tahun werek kwelek at Salmaneser en o Samaria sebeli wagaikhe. A'nogo sebeli wagaikhesik afuni Israel mene hele warek welagaukwa mene omanogo woginarek he o Asyur lagaikhe. Nen, woginarek lagaikhesik it omanogo fenakwe re o kota Halah ba andoma fisasikhe, nen fenakwe re o wilayah Gozan oba nen i Habor horokhogo andoma fisasikhe, nen, fena fikhit he o Medai kweang oba kota-kota andoma fisilik lagaikhe.

2 RAJA-RAJA 18:11

A'nogo maben agaukwama, afuni Asyur mene inoe raja a'nogo nen afuni Israel mene hele warogo woginarek o Asyur lagaikhe. A'nogo woginarek lagaikhesik, it andi mene ekhe o kota Halah fisigik, it ekhe o Gozan i Habor horokhogo andoma fisigik, it ekhe o Madai kota ekhema-ekhema andoma fisigik, isikhe.

2 RAJA-RAJA 19:19

Afuni inunggulenu lombok o kweangma yi awi ti awi welagaikharek mene nen he, Tuhan Allah re we Hat ami-amuat welagarego, iluk inelu asuageluk nit ap Asyur mene nen ninoasuogoluk ili'lagwi andi telninabino o, neisena,” iluk yagatikhe.

2 TAWARIKH 32:2

Sanherib en o Yerusalem sebeli kwigin iluk hilingiti lagaikhe mene a'nogo at Hizkia mondogat elu agaikhesik he,

2 TAWARIKH 35:20

O Tuhan Awi wurik a'nogo faget at raja Yosia nen a'nogo hilingitikhesik hilingitunemen he, at Nekho raja Mesir mene a'nogo agoromi woginarek he o Karkemis I Efrat horokhogo andoma weim yabugun iluk wagaukwa. A'nogo wagu mene nen he at Yosia nen kwe paligin iluk hilingitikhe,

YESAYA 10:32

Yago! O yi sambul he hit hinaselei mene o kota Nob oba logolik he iren inenggi yinggilogo re punu Sion oba kota Yerusalem fikhit andoma mumet hili'lagwi.

YESAYA 36:1

Hizkia afuni Yehuda mene faget raja menlagaikhesik werek kwelek tahun 14 meneba were'ma andem he, o Yehuda ba kota-kota pa'leget omamerogo waganek mene omanogo raja Senherib Asyur mene a'nogo nen pin kwi wagaikhesik sebelasikhe.

YESAYA 37:37

A'nogo hilingik welagaikhemo re raja Asyur mene Sanherib a'nogo higil agaikhesik sugulogo re o Niniwe lagaikhe.

HOSEA 11:5

it afuni Israel mene andi inobabut hebela'luk inambotkwe an noba wesu re, inabit mondok welagaikharek. Andi nen he, it hobuk inambotkwe o Mesir loago. A'nogo lamo, it afuni Asyur mene inoe raja nen ferinarek logogin o.

MIKHA 2:13

An nen hit hinanggwe huthisigik, hele warogo wokhinarek lagaukwama welagep oba andoma nen wokhinarek wilibi wagik, igin o. A'nogo wokhinarek wilibi waga logolik hiren leget pa'leget ambe palek mene andoma langgukhogo lakfisaluk wilibi wesugun. An hineisena Tuhan nebe Raja welagimo re, An nenat hit hinebe wokhinarek wilibi wesigin o,” iluk yagaisasikhe.