2 TAWARIKH 3:6 - Allah Wene Fano Wene Hupla Inane

⁶ Hun raja a'nogo nen he o a'nogo faget helep permata onggo hokho meneba hunitarek engge inom, emas o Parwaim kweang oba andoma nen waluk waga lagaukwa mene inom, omanogoba to'mothigik wutikhe.

2 TAWARIKH 3:6 ပူးပေါင်းရင်းမြစ်များ

1 TAWARIKH 29:2

O Tuhan Awi andi faget o ebenengge inom, elonggokwe faget inom he an nen hilingisu elok meneba re mondogat foukhogo figimo werek. Fougerati mene andi ebe re: emas, perak, perunggu, besi, helep onggo werek mene enu permata andi mene, elokhe yinik-hunik ebene labetu mene faget inom, nen helep pualam mene mondok hokhorogo tukhogo figimo werek.

1 TAWARIKH 29:8

It afuni helep permata andi inenggimo werek mene nen he o Tuhan Awi wuri'mo a'nogo yi mene ti mene fugu mene kwelafu mene omanogo fouwageluk he andogorogo ap Yehiel wogetukwa. (At Yehiel andi re ap Lewi mene unggulenu Gersom mene welagaikhe.)

2 TAWARIKH 3:5

O senggelek hokho mene a'nogoba re, e laik fano meneba inom, emas eil wurik meneba to'mothigik wutikhe. Emas to'mothigik wutikhe mene andi elokhokwe re e lua hak mene inom, posiemanggen elanghogo sep hun-hun hilingik hangge inom, hesesengge wokhigik wutikhe.

2 TAWARIKH 3:7

Aren he o Tuhan Awi a'nogo obakhe ebene inom, e balok liabek mene ebene inom, kwe sou oba e nunggulik mene ebene inom he, no emas a'nogoba to'mothigik wutikhe. Andi hilingfuluk he o obakhe ebene a'nogo re enu kerub andi ilirenggerogo hesesengge wokhigik wutikhe.