2 TAWARIKH 27:3 - Allah Wene Fano Wene Hupla Inane

³ O Tuhan Awi wuri'mo nen Kwe Ambe Hokho Mene Utara fikhit mene andi re at Yotam enat wutikhesik he o Yerusalem en o Ofel ikhi lagaukwaba pa' leget waganogo o a'nogo omamet figik isikhe.

2 TAWARIKH 27:3 ပူးပေါင်းရင်းမြစ်များ

2 RAJA-RAJA 15:35

Oba nen kembu dewa fogeratarek kwe omanogo meisalogo lakfisasikhe le'ma re, it afuni nen he yi mene ti mene omanogo fei laga logolik, amben mene dupa inom noli laga lagaukwa. At Yotam enat he o Tuhan Awi wuri'mo kwe ambe palek abel utara fikhit mene a'nogo wutikhe.

2 TAWARIKH 23:20

A'nogo fisilik lagaikhesik he it afuni inogogwi kaindek-kaindek omanogo inom, it pemerintah ba yabu legoma hilingiti lagaukwa inap omanogo inom, O Tuhan Awiba omanogo nen hun raja a'nogo waluk onggwarek ebe werek oba fei lagunem, iren at Yoyada a'nogo ombo'ne lagaukwa. Lagaukwasik it inebe kwe ambe fem attak-attak mene a'nogo kwe nen kwi lagaukwasik he, at raja a'nogo ebe hurek mene enu singgasana a'nogo ba hu'lagaikhe.

2 TAWARIKH 33:14

A'nogo hilingitikhesik hobugen he at Manasye nen o kota Daud awi a'nogo abel timur fikhit leget pa' leget endakwe mene a'nogo ekhe inom uan hogoat ambotkwe wutikhe. Aren he obalik ekhe misi'mo i Gihon elesi horokhogo tonggoma aremnogo nen eroratikhesik he liabik laga lagaikhesik liabek mene re utara fikhit kwe hokho mene enu Pintu Gerbang Ikan ikhi lagaukwa mene andiba nen he, o kota ebe fikhit he o Ofel agarek oba andoma huli fei wagaikhe. O it afuni Yehuda mene welagaukwa kwe nen leget omamerogo waganek welagaukwa kwe andoma re ap panglima mene inebe misik-misik fisilik lagaikhe.

YEREMIA 20:2

aren ap miming inafi logolik an nebe yei warogo ebekhe hokho mene ekhe o Tuhan awi wuri'mo nen abel ambol kwe fikhit mene enu Pintu Gerbang Benyamin andiba porogo menobagauwageluk yagaisasikhe.

YEREMIA 26:10

A'nogo hilingitama re it ap Yehuda mene pemerintah inobaget yabu legoma hilingitarek inap omanogo nen holhasik he, it inebe hun raja awi silimo nen weak-weak wulibi wagaukwasik he o Tuhan awi wuri'mo omanogo nen kwe ambe palek enu Pintu Gerbang Baru ikhi lagaukwaba aremnogo hurek welagaikha.