2 TAWARIKH 26:18 - Allah Wene Fano Wene Hupla Inane

¹⁸ Kwi lagaukwasik he iren ikhi logolik, ”Ninoe hebe kain mene! Hun hat he Tuhan Allah ane sagal fegendik, Aren a'nogo hilingisin iluk yagahete lek oba nen kwi wagen andi nen he Aren hat hoba fanot hobagakhi logogin lek enggere, haren Tuhan faget amben fanongge dupa andi noligin lek. Yabu andi hilingiti logouwageluk he, it imam Harun ambisangma mene omanogo enogo fisasikhe hilingi'mo re, yi re it ineabu. Hun hat he yogondagat o mondok amu enek oba yi herakfuluk wulibi lan!” iluk yagatukwa.

2 TAWARIKH 26:18 ပူးပေါင်းရင်းမြစ်များ

2 TAWARIKH 19:2

ap nabi misik ekhe enu re Yehu hun Hanani amlogo a'nogo raja ambit wagaikhesik yagati logolik he, ”Haren ap ekhe obabut weak logolik Tuhan abit meneba ebikhit agendik lebethegen andi re, higithogo hilingiten a? Hun hokho haren a'nogo hilingiten andiba re Tuhan a'mage hat hoba fikhesik werek andi.

2 TAWARIKH 30:7

Hit he it hinamulik Israel mene fena nen it hineisena Tuhan Allah a'nogo ba tiphogo hilingiti'legengge hilingitu nen Tuhan nen wene enggin hokho mene inoba fesikhe mene a'nogo re hiren hineilenggen tomok hasigibat.

KELUARAN 28:1

Wene ekhe yagati logolik he, ”Hat hoe Harun inom at againafuri Nadab Abihu inom, Eleazar Itamar inom wolisaluk he, iren An neilhanem hilingitu mene imam logolik an nobaget yabu hilingiti logouwageluk inamu penogo fisagain.

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

BILANGAN 18:7

Oba nen he yabu mezbah oba andoma hilingitu mene inom, nen O Senggelek Mondok Hore'ma a'nogoba werek mene faget inom he, we hat inom it hagainafuri hinomen enek yabu imam mene andi logolik hilingiti logogun. An nen hat hoba yabu imam mene andi hilingiti logouwageluk hobagasigimo re, haren eiserogo logolik hilingiti logogin mene re andi. Afuni it andi inoba andoma hilingiti logouwageluk werek lek mene oba nen yi mene ti mene mondok horek mene andiba horokhogo asi lagu halok he wene inoba fuluk pinggi inoati logoino.” iluk yagaisasikhe.

BILANGAN 3:10

Meneba nen Harun inom, at againafuri inom he iren yabu imam mene hilingiti logouwageluk haren menfisano: It andi nek hilingiti logogun oba nen, it fenakwe ekhe nen yabu andi mene hilingisugun iluk hilingitu halok he ebe pinggi wa'no.” iluk yagatikhe.

MATIUS 10:18

A'nogo hilinghinabugun andi ero an nebe fagerat, ap inenupogot mene inom, kaindek mene inom, inoba wokhinarek lagunem, hiren it ap andi ineilhanem an hilingitunem hineilenggen niikhi lagep mene a'nogo fakhogo it yagaisigik, afuni endakwe mene yagaisigik, yagaisoageluk fano asuak hinanema wanugun a'naga o.

MATIUS 10:28

Afuni nen hinareagun inom hinoasugun elo'lek. We, hinebe nek hinoasugun andi nen he, hinailorogo logogubo. Meneat he, at Allah nek he, hinareagun inom, hinebe inom, elok mondok warogo endu ai'mo lakhinobagagin werek andi nen he, at Allah oba nek hinailorogo logoino.

YOHANES 5:44

Allah alegat etok mondok welagarek andi nen fogerasuogeluk hilingiti'lek logolik he, hit-hirat hat ekhe nen fogeratik, hat ekhe nen fogeratik fogerakhikhi lagep andi nen, hinendawinggen an noba ninggi'nogo himbiret fogoin anggegep? Mondok elo'lego.

1 KORINTUS 5:5

Ap andi endawinggen ninoe Enupogot wesigin andi sambul waga logolik teluagen he, yogondak ebe Iblis nen weagetfouwageluk, at Iblis at wogo'no.

2 KORINTUS 5:16

Andi nen he, niren huli yogondak ya huli nen he, afuni nen inobabut palharek hak, it afuni ekhe inobabut a'nogo palhi lago lego. Nen, attak he, Kristus obabut a'nogo palhugu hak, hobuk a'nogo palhi lago legaro.

GALATIA 2:11

Mene re, at Petrus o Antiokhia wagaikhesik weak hilingiti lagaikhemo, an nen he, ”Hat hilingiti lagen andi weago,” iluk, fakhogoat wenagetigi.

IBRANI 5:4

It a'nogo hilingiti logouwogeluk, ”An nebe Allah eisewerek kain logogin,” iluk inonggwaregen menfakhagarek lego. We, at Allah nenat, ap Harun ayonggo fesikhemo menfesukwa andi hak, Allah nen inayonggo fugu halogat menfisagarek.

YAKOBUS 2:1

Nerugwi nagaila'lak. Hinendawinggen ninoe Enupogot Yesus Kristus fogeratarek mene a'nogo oba himbirik logolik, afuni inagap endakwe nek hineilenggen isaluk he, ekhe hinelokhoma fisigik, ekhe hinambotma fisigik, ikhi logogubo.

YOSUA 22:15

A'nogo lagaukwasik he it a'nogo inunggulenu Ruben, Gad, Manasye o Gilead werek mene inom were'ma omanogo asi lagaukwa.

1 SAMUEL 2:30

An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.