2 TAWARIKH 24:7 - Allah Wene Fano Wene Hupla Inane

⁷ (He Atalya a'mage weak hwe a'nogo agoromi ane hologo hilingiti lagaukwa mene omanogo nen he, yi mene ti mene Allah obaget iluk amu penogo werek mene omanogo kembu Baal fogerasuogeluk wanhik, Tuhan Awi wuri'mo a'nogo weagerogo figik isukwa.)

2 TAWARIKH 24:7 ပူးပေါင်းရင်းမြစ်များ

2 RAJA-RAJA 11:1

He Atalya amlogo Ahazia a'nogo mondok wa'lagaikhemo re at Atalya eilenggen hasikhesik, it afuni Yehuda mene were'ma andoma nen afuni raja Ahazia eisok erokwe werek mene andoma re mondogat inoa'ni o, iluk wene wulafikhe.

2 RAJA-RAJA 12:4

Linggene misik oba re Yoas nen imam omanogo wolinafikhesik uang o Tuhan Awi wuri'mo kabogetu mene omanogo halogo fouwageluk yanggulinafikhe. Uang andoma re afuni nen yi mene ti mene warogo nolhi logolik fikhi lagaukwa mene inom, nen inendawimo nen wenggel fuluk fikhi lagaukwa mene inom.

2 TAWARIKH 21:17

A'nogo kagalhikhemo re, iren o Yehuda hugul kwi waga logolik he, o istana raja ebe welagaikheba a'nogo pin talogo kwikhi logolik, hun Yehoram agagwi, againafuri omanogo re inendawinggen lithugungge iluk hele warogo woginarek laga logolik he, at amlogo elabo mene Ahazia a'nogo nek he, herakfuluk lagaukwa.

2 TAWARIKH 24:4

At Yoas a'nogo tahun minggilogoba melalinafi lagaikhesigen he, aren Tuhan awi a'nogo pugunesigin iluk anggasikhe.

ESTER 7:6

Andi isikhemo Ester en onggo ikhi logolik he, ”Hun Haman anini mondok weak agun ari re nit ninaselei mene logolik, nit ninoasigin iluk hilingiri'lago mene werego!” iluk yagatikhe. Andi isikhemo at Haman a'nogo nen endawimo ailo inom-inom hun raja inom at raja agwe inom kwelagisasikhe.

AMSAL 10:7

Ap fano mene re inenu fanot fisugunem inoba eberek werek oba nen, ap weak hilingitarek mene re inoba weak weagat inonggot agarek.

DANIEL 5:23

Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.

HOSEA 2:10

An nen, at ebe ap inom nikharek mene andi ineilhanem asu nonggologo alfulukwa kogouk logouwageluk hilingfagain. At ebe an nenggiba logolik, nomameba a'nogo hilingitunem, it ap andi ekhe nen at ebe telugun mondok lek.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

2 TESALONIKA 2:8

at obabut mondok weak mene a'nogo weinamhogo wesigin. Wesimbik he, weak hilingitu were'ma, ninoe Enupogot Yesus fogeratu kwelek hobuk waga logolik eleage nen furogo ebe warogo mondok leget fisagain.

WAHYU 2:20

A'nogo meneat he, at he Izebel a'nogo nen eranenat, An nebe Allah ane yagaisigirek mene aro, iluk afuni an namingmingengge mene inebe hokhorogoat pailak fakfisikhi logouwageluk yagaisigik, wam tugwi anggo warek mene kurik ninggi logouwageluk yagaisigik, ugu kwelek, hiren he, wenageti'lek, At oba lombok, iluk, herakfikhi lagep andi nek he, It weak hilingiri'lagwi, iluk hinobabut palhi lagi o.

HAKIM–HAKIM 2:11

A'nogo welagaukwa andi, afuni Israel mene hobuk Tuhan ane sagalogo weak hilingitukwa. A'nogo hilingiti logolik, inombalak ineisena Tuhan Allah nen it o Mesir en woginarek wulibi wagaikhe mene a'nogo fogerati'lek herakfisasukwa. A'nogo logolik, afuni it inera'lukwe andoma welagaukwa mene nen inendawinggen tugwi kembu Baal inom, Astoret inom, tugwi kembu hunogo mene ekhe inom, oba himbirik logolik fogeratarek mene andi fogerati lagaukwaat. A'nogo fogerati lagaukwama, Tuhan nen a'makwe het-perisikhesik, afuni inenggi abisak wanharek mene nen hukhogo kwelaginabi wagik, inangge inenggi abisak heligik, uagaluk inebe herakfisasikhe. A'nogo herakfisasikhemo, it Israel mene a'nogo re afuni it inaselei mene inera'lukwe andoma mene inom weim yabu re inomame mondok elo'lek agaikhe.