2 TAWARIKH 22:6 - Allah Wene Fano Wene Hupla Inane

⁶ at ebe o kota Yizreel andoma nen fano hilingnabuageluk wagaikhesik were'ma at Ahazia a'nogo kwelakha lagaikhe.

2 TAWARIKH 22:6 ပူးပေါင်းရင်းမြစ်များ

2 RAJA-RAJA 8:29

A'nogo watfesukwama re at ebe ambotkwe sugulogo o kota Yizreel andoma nen fano hilingisuageluk wagaikhesik were'ma at Ahazia nen kwelakha lagaikhe.

2 TAWARIKH 21:17

A'nogo kagalhikhemo re, iren o Yehuda hugul kwi waga logolik he, o istana raja ebe welagaikheba a'nogo pin talogo kwikhi logolik, hun Yehoram agagwi, againafuri omanogo re inendawinggen lithugungge iluk hele warogo woginarek laga logolik he, at amlogo elabo mene Ahazia a'nogo nek he, herakfuluk lagaukwa.

2 TAWARIKH 22:1

Linggene misik sambul he it ap Arab inap inobabut mondok weak logolik weagerinabik nikhi lagaukwa mene omanogo fologo kwi waga logolik he, hun Yehoram amlogo elabo mene Ahazia a'nogo eluk herakfikhi logolik he, at ogogwi inalue mene omanogo mondogat inoatukwa. A'nogo inoatukwa andiba re it afuni Yerusalem mene nen he hun Yehoram welagaikheba a'nogo obali'mo re at amlogo Ahazia a'nogo menfesukwa.

2 TAWARIKH 22:5

Iren at komoratukwa mene omanogo higithogo re at Ahazia a'nogo raja Israel mene Yoram a'nogo inom mangosi lagaikhesik he, hun Hazael raja Siria mene a'nogo inom weim yabi lagaikhe. Yabi lagaikhesik he it weim o Gilead en, o Ramot kwe andoma yafunemen he, at Yoram a'nogo weim yafi lagaukwaba omanogo nen tok oba hun fesukwama re,

2 TAWARIKH 22:7

At Ahazia a'nogo hun Yoram kwelakha lagunem andem wa'lasigin iluk Allah nen mondogat wenagaisogo fesikhemo re, at Ahazia nen Yoram ha lagaikhe sambul a'nogo re at inom, Yoram inom, ap misik ekhe nen at raja Ahab eisok erokwe mene andi mondok lek hilingisogo fisoageluk wenak fesikhe mene hun Yehu Nimsi amlogo a'nogo nen it aremnogo inoasigiluk wagaikhe.