2 TAWARIKH 22:5 - Allah Wene Fano Wene Hupla Inane

⁵ Iren at komoratukwa mene omanogo higithogo re at Ahazia a'nogo raja Israel mene Yoram a'nogo inom mangosi lagaikhesik he, hun Hazael raja Siria mene a'nogo inom weim yabi lagaikhe. Yabi lagaikhesik he it weim o Gilead en, o Ramot kwe andoma yafunemen he, at Yoram a'nogo weim yafi lagaukwaba omanogo nen tok oba hun fesukwama re,

2 TAWARIKH 22:5 ပူးပေါင်းရင်းမြစ်များ

1RAJA-RAJA 22:3

At Yosafat Ahab oba wagi'lek werek kwelek, at Ahab en agoromi perwira omanogo inoba mel yagaisasikhe: ”O Gilead o kota Ramot andi, nit ninaiba mene re it Siria mene welagaikharek andi hit hinelu o. Ma re, niren afuni Siria mene inoe raja enggiba nen ambotkwe telogo sebelhi'lek welago andi nenahalok nogo?,” iluk yagaisasikhe.

2 RAJA-RAJA 3:1

Hun Yosafat afuni Yahuda mene inobaget raja menlagaikhesik melalinafu kwelek he, at Yoram hun Ahab amlogo a'nogo afuni Israel mene inobaget raja menlagaikhesik o Samaria ba andoma 12 tahun nen melalinafu welagaikhe.

2 RAJA-RAJA 8:9

Andi isikhemo re at Hazael en he, wam unta 40 nen wanhikhesik he, wam aremnogo mondogat he o kota Damsyik andomaba nen yi mene ti mene enggen palhi lagaukwangge omanogo liafukwasik waluk Elisa were'ma lagaukwa. Lagaukwasik he at ebe Elisa were'ma asi lagaikhesik at Hazael en ikhi logolik he, ”Hat hamingmingengge raja Benhadad a'nogo nen he, at ebe fano asigin a, lega, iluk heinok wokheoageluk laknobagai wagama wagi o,” iluk yagatikhe.

2 RAJA-RAJA 9:1

Andem oba re nabi Elisa nen ap nabi aren yanggulinafi lagaikhe mene omanogo misik ekhe woletikhesik yagati logolik, ”Hat he o Ramot Gilead andoma lanogen he tik-tukhogo hilingisin o. Nen, hat hebe laga logolik he e zaitun amusu iwak oba hinagongge ari waluk lan o.

2 TAWARIKH 18:3

aren yi'nogo heinok wokhasikhe, ”Hat he an ninom o Ramot andoma inoasi logoin hendawimo anggegen a, habira?” iluk heinok wokhasikhemo re, at Yosafat en onggo ikhi logolik he, ”Fano o, tentara an nagoromi mene inom, hat hagoromi mene inom, misik lambulogo weim yabi kuogo.

2 TAWARIKH 18:31

A'nogo yagaisasikhemo re it a'nogo nen raja Yosafat ineil hasukwasik he ari re raja Israel mene iluk he at wasugun iluk lagaukwa. Oba nen he at Yosafat a'nogo ane kwerik lagu nen he Tuhan Allah nen he it a'nogo inelokhe amu fikhit halogo lakfisikhi logolik he, at Yosafat a'nogo telogo wulabi wagaikhe.

2 TAWARIKH 19:2

ap nabi misik ekhe enu re Yehu hun Hanani amlogo a'nogo raja ambit wagaikhesik yagati logolik he, ”Haren ap ekhe obabut weak logolik Tuhan abit meneba ebikhit agendik lebethegen andi re, higithogo hilingiten a? Hun hokho haren a'nogo hilingiten andiba re Tuhan a'mage hat hoba fikhesik werek andi.

2 TAWARIKH 22:6

at ebe o kota Yizreel andoma nen fano hilingnabuageluk wagaikhesik were'ma at Ahazia a'nogo kwelakha lagaikhe.

MAZMUR 1:1

Afuni ekhe inobabut he, it ekhe weak hilingitarek mene nen, komorinafunem inane holhi'lek, weak hilingitarek mene inobabut wanhi'lek, Allah inendawimo serametfisagarek mene inom huniti'lek herakfisaluk Tuhan nen ”Yi'nogo hilingiti logoino ti'nogo hilingiti logoino,” iluk komorinafikhe wene andi inendawimo inagaiyekhogo hilingiti logolik hup hundik lingge hundik, wene andi enu salogo oba ebetu mondok welagaikharek mene andi, hobuk Allah nen fanorinafunem inendawimo inagaiyek asugun o.

DANIEL 5:22

A'nogo meneat he, at amlogo noe hat Belsyazar en he, wene andi mondogat helu logolik meneat he, hendawinggen sebel fakhugu aplere mondogat habit welagen andi.

MIKHA 6:16

Andoma mondogat a'nogo nek hikhi logogun andi re, hiren hun raja Omri inom, at amlogo raja Ahab inomen inobabut mondok weak hilingiti lagaukwa mene omanogo ilirenggerogo nek hilingiti lagep. Nen, ekhe re iren hilingiri'lagwi mene omanogo hiren ogo hilingiti lagebat. Andiba re, An nen hit hinebe mondogat weagerogo hinobagaumo re, yi afuni ti afuni inunggulenu lombogen piliphogo pelakhinafi logolik hinebe weaget hinobagakhi logogun o,” iluk yagaisasikhe.