2 TAWARIKH 22:1 - Allah Wene Fano Wene Hupla Inane

¹ Linggene misik sambul he it ap Arab inap inobabut mondok weak logolik weagerinabik nikhi lagaukwa mene omanogo fologo kwi waga logolik he, hun Yehoram amlogo elabo mene Ahazia a'nogo eluk herakfikhi logolik he, at ogogwi inalue mene omanogo mondogat inoatukwa. A'nogo inoatukwa andiba re it afuni Yerusalem mene nen he hun Yehoram welagaikheba a'nogo obali'mo re at amlogo Ahazia a'nogo menfesukwa.

2 TAWARIKH 22:1 ပူးပေါင်းရင်းမြစ်များ

2 RAJA-RAJA 10:13

aren hun Ahazia afuni Yehuda mene inoe raja a'nogo agaila'lak fenakwe inom ambi agaukwa. Ambi agaukwasik heinok wogisikhi logolik he, ”Hit oma sani nogo?” iluk isikhe. Isikhemo, iren onggo ikhi logolik he, ”Nit he at Ahazia oe agot. Nen, nit he o Yizreel andoma he ratu Izebel eagwi inom tagongge mene inom nen at raja eisok erokwe mene mondogat inom were'ma andoma isa louwogeluk laga lago o,” iluk yagatukwa.

2 RAJA-RAJA 8:16

Hun Ahab amlogo Yoram a'nogo afuni Israel mene faget raja logolik melalinafu 5 tahun werek kwelek he, hun Yosafat amlogo Yehoram a'nogo afuni Yehuda mene inobaget raja menlagaikhe.

2 RAJA-RAJA 9:1

Andem oba re nabi Elisa nen ap nabi aren yanggulinafi lagaikhe mene omanogo misik ekhe woletikhesik yagati logolik, ”Hat he o Ramot Gilead andoma lanogen he tik-tukhogo hilingisin o. Nen, hat hebe laga logolik he e zaitun amusu iwak oba hinagongge ari waluk lan o.

2 TAWARIKH 22:2

At Ahazia ebe re umur 22 tahun werek kwelek raja menlagaikhesik he, aren tahun we misik oba nek afuni o Yerusalem oba andoma melalinafu welagaikhe. At Ahazia agaisa he Atalya a'nogo nen kwanirogo nek hilingiti logouwageluk amlogo komotfesikhemo re, At Ahazia ogore hun Ahab logolik obabut hilingiti lagaikhe hakhogo nek hilingiti lagaikhe. He Atalya andi re hun raja Ahab a'logo raja Israel mene Omri a'nogo ombalo.

2 TAWARIKH 23:3

It a'nogo wagaukwasik he o Tuhan Awi wuri'mo omanogo kabogetukwasik, at Yoyada nen it fenakwe omanogo inoba yagaisikhi logolik he,” Tuhan nen hun Daud oba wene wareti logolik, Hat hambisangma mene re, mondok-mondok andoma raja logolik melalinafi logogun,” iluk wene waretikhe hilingi'mo re, hun raja Ahazia wa'laga mene a'nogo amlogo Yoas ebe yiat menfogoin o. Nen yogondak yaat hat hebe hurek oba takhta ariba hu'lasi lagain o, iluk hun raja amlogo Yoas a'nogo inom wene isukwa.

2 TAWARIKH 25:23

At Yoas nen he hun Amazia a'nogo fakfesikhesik he waluk o Yerusalem lagaikhesik, o kota andi leget pa' leget waganek mene a'nogo, kwe ambe Pintu Gerbang Efraim kwi wagu mene iluk ambe palek mene a'nogo ba nen he kwe ekhe ambe Pintu Gerbang Sudut eil uanhogo 200 meter en hakhogo meisalogo lakfisasikhe.

2 TAWARIKH 26:1

Nen at Amazia ebe wa'lagaikhemo re it afuni Yehuda mene mondogaren he at amlogo Uzia a'nogo wenagaisogo raja logouwageluk menfesukwa. Andem oba re at Uzia ebe umur 16 tahun oba werek kwelek. Nen at Uzia agaisa re Yekholya awi Yerusalem mene.

2 TAWARIKH 33:25

Oba nen he it afuni Yehuda mene wulifi logolik he, it ap raja Amon watukwa mene omanogo pinggi inoatukwasik he, at raja amlogo Yosia a'nogo ebe raja menfesukwa.

2 TAWARIKH 36:1

At Yosia a'nogo wa'lagaikhemo at obali'mo re it afuni Yehuda mene nen at Yoahas a'nogo heragaisogo o Yerusalem oba andoma raja logouwageluk menfesukwa.