2 TAWARIKH 21:2 - Allah Wene Fano Wene Hupla Inane

² It afuni Yehuda mene inoe raja Yosafat a'nogo amlogo andi re, agaila'lak inebe falfaligen welagaukwa, nen it andem inenu re: Azarya, Yehiel, Zakharia, Azariahu, Mikhail, Sefaca inom andem.

2 TAWARIKH 21:2 ပူးပေါင်းရင်းမြစ်များ

2 TAWARIKH 12:6

A'nogo yagaisa lagaikhemo re at raja inom it afuni inogogwi melalinafi lagaukwa mene omanogo nen he, nit he mondogat weak hilingitoma o, iluk fagetukwasik he, iren ikhi logolik, ”At Tuhan nen wene ikhe andi re mondok higithogoat ikhemo o,” iluk isukwa.

2 TAWARIKH 21:4

Andem oba re, at Yehoram a'nogo nen an nebe raja nomamerogo welagi iluk anggasikhesik he, aren agaila'lak omanogo mondogat inom, it agoromi at a'ma ineabu mondok lego welagaukwa mene fenakwe omanogo inom inoa'ni iluk yagaisasikhe.

2 TAWARIKH 23:2

A'nogo isukwasik he it aremnogo afuni Yehuda mene werekwe o kota-kota omanogo mondogat laga logolik he, it Lewi mene mondogat inom, it afuni inunggulenu lombok omanogo faget inogogwi kepala werek mene inom, andogerinabik lagaukwasik woginarek he o Yerusalem kabogesi wagaukwa.

2 TAWARIKH 24:16

At ebe wa'lagaikhemo re, aren Allah faget hilingiti lagaikhe mene inom, Tuhan Awi wurik a'nogo faget hilingiti lagaikhe mene inom, it afuni Israel mene inobaget hilingiti lagaikhe mene inom faget, wenggelek logolik he, iren o kota Daud en meneba omanogo sali lagaukwa.

2 TAWARIKH 24:5

A'nogo anggasikhesik he, aren it ap Lewi inap inom, it imam inom inoba yagaisikhi logolik he, ”O Tuhan Awi wurik a'nogo pugunetu mene faget, it afuni holhu mene mondogaren uang tahun hundik-hundik kabogeti logogun nen iluk, o it afuni Yehuda mene werekwe kota-kota andoma melalinabi lani,” iluk yagaisasikhe. Aren yagaisikhi logolik he, wene andi re weak-weakhogonek hilingi'no, iluk yagaisasikheba nen he, it Lewi inap a'nogo re mondok andimik-andomokhogo hilingiti lagaukwa.

2 TAWARIKH 28:19

At raja Ahas a'nogo nen he Tuhan onggoret figik, afuni holhu mene omanogo mondogat wiik-weakhogo hilingfisigik, hilingitu aple nen he it afuni Yehuda mene were'ma omanogo Tuhan nen enggin-fenggin inoba lakfei wagaikhe.

2 TAWARIKH 28:23

Aren anggikhi logolik he, ”O Siriaba kembu dewa werek mene andoma nen he it ap raja Siria mene ogo leberina fikhengge a'nogo re, an nen wam warogo wogosi lagain halok he, an ogo elok lebetneagain iluk anggasikhesik he it Siria inap at ebe mabenet fesukwa mene omanogo inanggembu dewa omanogo oba wam warogo fei laga lagaikheba re at onggwarek ebe inom, it afuni holhu mene omanogo inom alomat fisikhi lagaikhe.

2 TAWARIKH 28:27

At Ahas ebe wa'lagaikhe mo re o Yerusalem salhukwaba nen he it ap raja-raja salinafi lagaukwaba andoma salhukwa lek. Nen at obali'mo re at amlogo Hizkia a'nogo raja menlagaikhe.

2 TAWARIKH 33:18

At Manasye nen hilingiti lagaikhe mene fena inom, Tuhan Allahba samban ikhi lagaikhe mene inom, it afuni Israel mene ineisena Tuhan Allah a'nogo enuba it nabi nen yi'nogo ti'nogo iluk yagasi waga lagaukwa mene inom, mondogat he buku it ap raja-raja Israel mene nen hilingiti lagaukwa mene palek mene a'nogoba tindelogo palek werek.

2 TAWARIKH 35:18

At Yosia raja menlagaikhe huli nen tahun 8 mene andiba re, at inom, it imam inom, it Lewi inap inom, it afuni Yehuda mene inom, Israel mene inom, it afuni Yerusalem mene inom, en, Paskah isatukwa mene andi re it ap raja at menlagi'le'ma welagaukwa mene andoma misigen ogo, at nabi Samuel welagaikhe huli nen ogo, a'nogo ekhe hilingitukwa mondok lek mene isatukwa.