2 TAWARIKH 20:2 - Allah Wene Fano Wene Hupla Inane

² A'nogo wagunem en he, ap ekhe yonggo wene waluk at raja Yosafat oba wagaikhesik he yi'nogo yagatikhe, ”It Edom inap tentara mene esa mondok hokho-pokhorogo re, o Hazezon-Tamar a'nogo telagasik he, hun hat were'ma kwi wesuogeluk he i Laut Mati fena fikhit omanogo nen kwi wagaikha o,” iluk yagasi lagaikhe. (O Ed-Gedi andi faget he enu ekhe Hazezon-Tamar ikhi lagaukwa andi.)

2 TAWARIKH 20:2 ပူးပေါင်းရင်းမြစ်များ

KEJADIAN 14:3

It ap kaindek inebe 5 nen andi inendawinggen misigat logolik, inagoromi tentara o Sidim tonggwe yogondak enu i Laut ambut lagarek lek yenggelek mondok welagare'ma, iluk agarek oba andoma andogotukwa.

KEJADIAN 14:7

A'nogo mugisogo fisa wagaukwasik, inambotkwe o En-Mispat yogondak enu Kades agarek oba andoma lagaukwa. Laga logolik he, afuni Amalek mene inanggweang mene mondogat sebelik-sebelik kwi laga logolik, afuni Amori mene o Hazezon-Tamar welagaukwa mene mondok mabenet fisasukwaat.

KIDUNG AGUNG 1:14

Nendawi hundik mene andi re o En-Gedi anggur yabumo nen, owil-owilengge enu pacar misi'mo kaboksek andi hakhogo werek.

YEHEZKIEL 47:10

I elesi o En-Gedi andoma nen lagasik, i elesi-elesingge o En-Eglaim huliba andoma, i esanggo fena-fena ikan watarek inap enek hokhorogo logolik, su ikan su meneba pelafi logogun. Yi ikan ti ikan i andi agum oba andoma werek mene re i Laut Tengah ba werek mene hak hilingik logogin.

YEHEZKIEL 47:19

Nen selatan fikhit huli-huli re barat honggolek selatan honggolek tulem andoma nen he, o Tamar en laga lagasik i Kades-Meriba elesi wiliferek oba hilingik logogin, andi nen barat honggolek utara honggolek tulem andoma nen he pikhit laga lagasik Mesir huli nen hiling-hiling i Laut Tengah huliba andoma hilingik logogin.

YEHEZKIEL 48:28

Fena selatan fikhit unggulenu Gad mene anggweangma huli-hulimo andoma re o Tamar en barat abel ambol fikhiren lagasik, i Kades-Meriba elesi soganogo andomaba logogin, andi nen fena barat a'ma fikhit he o Mesir huli nen he Laut Tengah huliba logogin.

BILANGAN 34:12

abel a'ma selatan fikhit he, i Yordan oba nen Laut Mati huliba andoma. Hit hinaiba hinanggweang haningisogo huli-huli warek logogin menere andiba o,” iluk yagaisano yagatikhe.

YOSUA 3:16

aremnogoat, i waga lagaikhe mene a'nogo yaga'lagaikhesik mogo yenggelhikhe. A'nogo yagarogo yenggelhi logolik he, i a'nogo elesikwe higithogo yatkwe o Adam, o kota Sartan era'lu andoma huli yenggeli lagaikhe. A'nogo yagarogo yenggela-gaikhemo, i ambut laut yenggelek mondok welagare'ma pikherek mene firok isikhemo, afuni Israel mene i firokse'ma ial ebene nen, o kota Yerikho higit wulibi wagaukwa. It a'nogo wulibi wesuogoluk he, it ap imam peti Wene Warogo Allah nen wo'ninafikhe iluk hilingik a'nogo waluk i enggen tulem mendek mondok werek kwelek he, afuni Israel mene mondogat i palogo wulibi wagaukwa.