2 TAWARIKH 2:6 - Allah Wene Fano Wene Hupla Inane

⁶ Oba nen o pogoroba tulem kwe oma mondogat he At ebe werek oba obalik elo'lek hilingi'mo re ap misigen ogo o Allah ebe werek oba iluk higithogo ekhe wusu lek hak. A'nogo hilingi'mo re o an nen wusigin mene andi re we Allah obaget amben fanongge dupa nolhu mene faget enek wusigin.

2 TAWARIKH 2:6 ပူးပေါင်းရင်းမြစ်များ

2 SAMUEL 7:18

A'nogo yagatikhemo, at raja Daud nineisena Tuhan awi tenda wuri'mo a'nogo kwisikhesik he, ebe hu'lagaikhesik, samban mel isikhe: ”Allah Henupogot mene neisena. An nebe inom, nagainafuri inom, ninebe hat heilhanem mondok elo'lek meneat he, fanorogo fetninarek welagen andi, neisena.

1RAJA-RAJA 7:13

O kota Tirus andiba re ap ekhe enu Hiram welagaikhe. Hun andi re yi wene ti wene no perunggu meneba nen halharek mene elu pelurek agun welagaikhe. At eisena ogore o Tirus agun yi mene ti mene no perunggu meneba elalharek mene mondogat elu welagaikhe. Agaisa re unggulenu Naftali mene. At raja Salomo nen he hun Hiram andi ebe waluk yabu perunggu hilingisuogeluk hilingitarek oba andoma inoe kepala logolik melalinafi logouwageluk afuni ekhe inomat inayonggo fesikhesik lakfisasikhe. A'nogo lakfisasikhemo at Hiram a'nogo at Salomo nen kino isikhe mene a'nogo hilingisigiluk wagaikhe.

1RAJA-RAJA 8:27

A'nogo meneat he, o Hat faget hilingiti logogin oba endebat wuthobagagimo re, Hat hebe pogoroba hobuluk hokho selek meneat he, Hat hebe logogin elo'lek. Andi nen he, o kweangma yoma Hat elok logogin a?

1 TAWARIKH 22:15

Hat heabu wanhu mene re inebe hokhorogo werek andi. Fena helep watu mene a'nogoba watu mene werek, fena eba wutu mene inom, helep oba wutu mene inom, andi nen it ap emas, perak, perunggu inom,

1 TAWARIKH 29:14

An nen inom an nagainafuri holhu mene yi inomen he ninangge nit ninoba mene yi mene ti mene Hat hoba wokhesu lek mene o, neisena, andi re yingge tingge andoma mondogat he we Haren enek wo'nisegen mene hilingi'mo re we Hat hangge mene andi niren oak waganogo wokheto o, neisena.

2 TAWARIKH 1:10

Andi halok he, an nen afuni yi melalinafi logogin mene faget an namolo mene neisena Haren nendawimo kagalek mene inom, wenggelek mene inom, wo'nom o. Nen a'nogo hilingnobagagin lek halok he, an nen afuni Hat hagainafuri hokhorogo yi re ninggi'nogo melalinafi logogin?” iluk yagatikhe.

2 TAWARIKH 6:18

Oba nen he, neisena Allah, Hat he afuni inanggele'ma kweangma yoma higit logou hak nogo a? Pogot abirengge mene ogore Hat logou oba obalik higitsek lek, nen o kabogetuba iluk an nen wuti mene yi re mondogat ebenagaik!

KELUARAN 3:11

A'nogo ayonggo fesikhe meneat he, at Musa nen he, mel yagatikhe: ”An nebe sa nogo? An nebe elo'lek mene welagi yi re, ap kain Mesir mene a'nogo oba lambik, afuni Israel mene higit o Mesir en woginarek wulibi wesuageluk yaganeten a? Elo'lego,” iluk yagatikhe.

KELUARAN 31:5

helep permata fano talagarek mene faget man oba al wasuageluk inom; eba hesesengge wanuageluk inom, nen yi aple ti aple enggiba nen ambelal weak hilingisuageluk inom, hebelek mene wogetigi.

YESAYA 66:1

Nineisena Tuhan nen he mel ikhe: ”Pogot andi An nebe hurek welagirek oba o. Nen, kweang he neisok sebelek welagirek oba. Andi nen he, hiren An nawi ninggi'nogo mene ekhe wurogo nobagagun nogo. Nen, An nebe logouwageluk obalik ninggini'mo ekhe nobagagun?

YEREMIA 23:24

An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

ULANGAN 12:11

Nen, At nineisena Tuhan Allah nen hiren At fogerati logogun oba obalik ekhe wenagaisogo fagain andi. A'nogo wenagaisogo fikhe halok, an nen he, yi mene ti mene At wogosugun iluk yagahisigi mene andi mondogat andoma wogosi laga logoino. Andi ebe re: hinanggo warogo At noleti logogun mene faget igi andi inom, yi mene ti mene hit mene hinenggi wenagaisogo, 10 ba asi laga halok, 9 mene hit aga logolik misik 10 mene andi re At faget fisikhi logogun igi andi inom, hiren he, An nen Allah faget huli ti huli wogoti logogin iluk wenagaisogo fikhi logogun mene faget igi andi inom, mondogat waluk andoma laga logoino o.

ULANGAN 12:14

We, nineisena Tuhan obalik andi hit hinunggulenu ekhe hinaiba logogun oba andoma wenagaisogo fogoin oba andiat fikhi logoino. An nen he, yi'nogo hilingiti logoino, iluk yagahisigi andi hak, obalik andomaat hiren wam yi mene ti mene Allah faget warogo noletik, yi mene ti mene ekhe hilingitik, ikhi logoino o.

ULANGAN 12:26

Wam yi mene ti mene mondogat Allah faget fisogoin iluk abok arat yagasugun mene andi obalik Allah nen wenagaisogo fagain oba andomaat waluk laga logoino.