2 TAWARIKH 2:11 - Allah Wene Fano Wene Hupla Inane

¹¹ Lakfesikhemo re at raja Salomo nen surat lakfesikhe mene a'nogo onggo re raja Hiram en lakfei waga logolik yi'nogo palek welagaikhe, ”At Tuhan nen At againafuri faget mondok endawi hundik anggugunem a'luk he it inobaget noe hat hebe raja menhobagasikhe.

2 TAWARIKH 2:11 ပူးပေါင်းရင်းမြစ်များ

KEJADIAN 1:1

O eroba Allah nen he, pogot inom, kweang inom, elalhikhe

1RAJA-RAJA 10:9

Hat heisena Tuhan, hebe afuni Israel mene inoe raja logouwagaluk menhobagasikhe mene. Hat heisena Tuhan Allah nen afuni hinunggulenu Israel mene endawi hundik mondok welagarek andi nen, hat hebe oba liok ikhesik, it afuni Israel mene ninoe henupogot logolik wene higithogo inoba figik, kotik, fanorogo ikhi logouwagaluk menhobagaikhe mene andi fogerati logouwogo,” iluk yagatikhe.

2 TAWARIKH 9:8

At Tuhan nen afuni Israel mene endawi hundik hilinginafikhesik, it inebe mondok logouwageluk he noe haren wene melalek omameratik, katukhogo hilingitu mene a'nogo nek omameratik ikhi logouwageluk, it inobaget noe hat raja menogo hobagaikhe. Nen, At Tuhan nen noe hat hoba endawi hundik werek a'nogo helu asuageluk he, noe hat it afuni At enuba melalinafi logouwageluk raja menhobagaikhe andi,” iluk yagatikhe.

MAZMUR 72:17

At raja enu andi re afuni nen he hundik-handik andoma ebethugu mondok logouwak, nen mo yatu werek kwelek andem he at enu re ekhe inom legeisogo fikhi logouwak, nen it afuni inunggulenu lombok omanogo nen ogore, at hakhogo fanot fisikhi logouwageluk kinoti logogun, it afuni mondogaren at faget he agaiyek hikhi logouwak, ikhi logogun.