2 TAWARIKH 18:9 - Allah Wene Fano Wene Hupla Inane

⁹ A'nogo mimingitikhemo lagu kwelek he, andem oba re at Ahab inom Yosafat inom aremnogo re o Samaria kwe hokho mene ambe pale'ma kwi lagaikharek oba elokhoma gandum enggen lolhi lagaukwaba aremnogo inasu it ap raja nen labeti lagaukwa su labetukwasik he kursi it ap raja hurek werek oba aremnogo hu'lagaukwasik welagaukwa. A'nogo hurek were'ma it nabi omanogo nen yi'nogo hilinglasigin ti'nogo hilinglasigin iluk yagaisikhi lagaukwa.

2 TAWARIKH 18:9 ပူးပေါင်းရင်းမြစ်များ

2 TAWARIKH 18:10

It nabi omanogo inanggele'ma nen ap misik ekhe enu Zedekia hun Kenaana amlogo a'nogo nen he, posiemanggen meneba andimuk hangge hilingitikhesik he, aren hun Ahab yagati logolik he, ”Tuhan nen ikhe mene re yi, it ap Siria mene hinom weim yabugun sambul andi re, hun hokho haren he, andimuk yi hak meneba opnaginabigin ikhe o,” iluk yagatikhe.

2 TAWARIKH 18:29

Lagaukwasik he, ”Hat he su hebe raja logolik laberek welagen mene a'nogo laberogo logoino, nen an he ap we mene hakhogo asimbik hinak-hinak it ari ninom weim yabi kwigin,” iluk yagatikhesik he at raja Israel mene a'nogo weim yabigiluk he, hinak-hinak inom yabi kwisukwa.

2 TAWARIKH 18:8

hun Ahab en he ap pegawai misik ekhe wolhasikhesik mimingiti logolik he, ”Weak-weak hun Mikha a'nogo hondosi lan o,” iluk yagatikhe.

YESAYA 14:9

Kweangma ap wa'lagaikharek mene omanogo nen ap raja Babel mene a'nogo hondosuogeluk inanggilukhogo weri'lagwi o. A'nogo wagunem o attak o kweangma yoma inomame hokho mene logolik ferinarek welagaukwa mene omanogo inaheimengge inabologetik, nen it ap raja-raja attak ferinarek welagaukwa mene inaheimengge omanogo nen ogore it inebe hurek werek oba omanogo nen menlagik, ili'lagwi.

YEHEZKIEL 26:16

Hat hoba asigin mene andoma heambik, it raja inunggulenu ekhe mene ekhe mene i laut esanggokwe werek mene omanogo re takhta hurek werek oba andoma nen siakhogo menlasimbik he, inasu fano mene raja nen laberek mene omanogo re nonggologo herakfembik inoak leikhogo kweangma hu'lasugun. It inailo hokho mene asimbik inebe hambukhogo welagi'lek logogun.

DANIEL 7:9

A'nogo yethigirik neilenggen oba mondok were'ma, e kursi inogogwi raja hurek welagaikharek mene ekhe fugunem higi. A'nogo fagama, At eluk mondok welagarek mene andi ebe kursi aremnogo ekheba hu'lagunem yethigi. Ap andi asu inom, esi inom, elokhonggen inom he mondok fano pogot anggulok hangge welaga. Nen, e kursi hurek welaga mene andi re eisok abampol hilingik meneba re, endu amulok kulung ugunem higi.

MATIUS 11:8

I a, athe, nena mene houwogeluk laga lagepsik. Ap ekhe asu fano mondok mene laberek were'ma houwogeluk laga lagep yet hani! Inasu fano mene laberagarek andi, kaindek inenu werek mene inaiba logolik halogat laberagarek.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MATIUS 6:29

Mene re, at ap Salomo ebe kain logolik alilingge wagane'ma fogerati lagaukwa andi elo'lek hangge, oba nen enggen andi nek he eilamulit mondok fano!

RUT 4:1

At Boas a'nogo o kota kwi louwogeluk lagaikharek oba, leget pa'leget kwe ambe pale'ma, afuni andogotarek oba andoma lagaikhe. Lagaikhesik omanogo hurek were'ma nen he at Boas nen ap andi hun Elimelek werekwe mene a'nogo ebekhalem andoma lagunem hasikhe. Lagunem he Boas nen at a'nogo wolhikhi logolik, mel isikhe: ”Nagailak, hebe ya hu'lasime o,” isikhemo ap a'nogo wagaikhesik aremnogo hu'lasi wagaikhe.