2 TAWARIKH 18:34 - Allah Wene Fano Wene Hupla Inane

³⁴ Oba nen he weim yafi lagaukwa mene omanogo mondok palu elo'lekhogo hilingiti logolik tok ambisang enek wut watunem he, at raja Ahab a'nogo re angge kereta ba alokhogo logolik elokhe it tentara Siria mene fikhit hilingik logolik mendek welagaikhe. A'nogo were'ma nen o mo arat ubuk ugu kwelek enek he at ebe mondogat wa'lagaikhe.

2 TAWARIKH 18:34 ပူးပေါင်းရင်းမြစ်များ

2 TAWARIKH 18:16

Isikhemo re at Mikha nen onggo lagokhogo ikhi logolik he, ”It afuni Israel mene a'nogo re domba gembala halhu mene le'ma hilingitarek hakhogo tomkwe omanogo linggi-longgo agama isigi. Nen, Tuhan nen it faget ikhi logolik he, It afuni yire inogogwi melalinafu mene lek enggere, we inaiba selekhogo loak, ikhi laga o,” iluk yagatikhe.

2 TAWARIKH 18:19

At Tuhan nen heinok wogisikhi logolik he, hun Ahab andi o Gilead oba nen Ramot andoma weim yabi lamo wa'lasuakhogo re, an lagain iluk endawimo anggoakhogo re hat sa nen endawimo kagali lagain? Iluk heinok wogisugunemen he, it malaikat omanogo nen onggore agaum fagaumhogo ugunem isigi.

2 TAWARIKH 18:27

A'nogo yagaisasikhemo re at Mikha nen ane hokhoba yagati logolik he, ”Hun hokho hebe heluk hambotkwe wagen halok he, Tuhan ane an noba ikhe le'ma iluk helu asigin o, Nen it afuni mondogat werek mene ya ineil hanim yagaheti andi o,” iluk isikhe.

2 TAWARIKH 18:33

A'nogo hilingiti logolik he, it tentara Siria mene misik ekhe nen he we ap inoba fut fisigi'lengge yugunat tok ekhe pisinghogo lak fesikhe re at kain Ahab a'nogo asu tok noasinogoluk laberek welagaikhe mene a'nogo wurep seleben sek kwe nen fo'lokhogo re ebe wasi lagaikhe. Tok a'nogo warogo re at Ahab en amingmingengge at angge kereta waluk laga logolik halhi lagaikhe mene a'nogoba re, ”An tok warek welagi! Enggere, yoma nen wo'narek wulibi lan!” iluk yagatikhe.

2 TAWARIKH 19:1

It Yehuda mene inoe raja Yosafat a'nogo at oba wene legengge ambotkwe awi eroma o Yerusalem omanogo wagaikhesik were'ma nen he,

AMSAL 13:21

It afuni inobabut weak hilingitarek mene andi, weak mene inoba agu mondok welagarek. Nen, it ekhe inobabut fano hilingitarek mene andi, yi mene ti mene helikhi logolik inendawimo inagaiyekhogo nek welagaikharek.

AMSAL 28:17

Ap ekhe ap ware mene nen he an hundik mu'narek nikho hea, iluk ebet-ebet nikhi la'luk arat eil oak lek agarek, nen ap misigen iluk ogo ekhe fakfou re mondok elo'lek.

BILANGAN 32:23

Oba nen he wenggel hano, hiren wene watep mene andi higithogo hilingisugun lek halok he Tuhan oba weak hilingisumo hinaweak andi onggo unggum helogoin a'naga.