2 TAWARIKH 17:9 - Allah Wene Fano Wene Hupla Inane

⁹ Iren he buku Tuhan awene melalek palek werek mene a'nogo waluk he o kota-kota it afuni Yehuda mene welagaukwa kwe yi kwe ti kwe omanogo mondogat yagaisilik lagaukwa.

2 TAWARIKH 17:9 ပူးပေါင်းရင်းမြစ်များ

2 TAWARIKH 15:3

It afuni Israel mene a'nogo re o inenggi aninurogo andoma Allah eberogo mene a'nogo obaget hilingiti legengge welagik, inawene melalek it hologo hilingitu mene ogore, legengge welagik, it inogogwi imam en it yagaisugu mene ogo legenggeat welagik, hilingik welagaukwa.

2 TAWARIKH 19:8

A'nogo hilingitukwasik he nekhengge at Yosafat en he o Yerusalem oba omanogo it ap inunggulenu imam mene inom, Lewi inap inom, it afuni holhu mene inogogwi inom, hakim inom, menfisasikhe. It andi re afuni nen Tuhan awene melalek yi'nogo hilingi'no, ti'nogo hilingi'no, iluk palek werek mene omanogo inom, wene amu mene inom, pilingisogo tegeti logouwageluk menfisilik lagaikhe.

2 TAWARIKH 35:3

At Yosia nen it ap Lewi mene Tuhan obaget iluk enogo fakhasukwa inap inom, it Israel mene yagaisugu mene guru welagaukwa mene inom, inoba yagaisikhi logolik he, ”Peti Tuhan nen wene warogo wo'ninafikhe mene andi re, hiren higilogo ekhema ya figik, ta figik hilingisu fuk. We o Tuhan obaget Daud amlogo Salomo a'nogo nen wutikheba omanogo fei kwi'no. Hiren he At hineisena Tuhan Allah a'nogo obaget yabu hilingitik, At againafuri afuni inunggulenu Israel mene a'nogo inobaget ineabu hilingitik, ino.

NEHEMIA 8:7

A'nogo arat fogeratukwasik, inebe mondogat inobalik kwe lombok siakhogo menlagaukwama, it ap Lewi mene inebe esa ekhe nen wene Allah nen komotninafikhe wene Ezra nen enu salhikhe mene omanogo, wene enggen pilingisogo yagaisasukwa. Ap andi inenu re, yi: Yesua inom, Bani inom, Serebya inom, Yamin inom, Akub inom, Sabetai inom, Hodia inom, Maasya inom, Kelita inom, Azarya inom, Yosabad inom, Hanan inom, Pelaya inom.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

MALEAKHI 2:7

It imam andi re An Tuhan Lego Mondok welagirek mene a'nogo nobaget wene eberogo mene nek yagaisikhi logouwageluk werek. It andi re, An nen lakfisa waga lagi mene hilingi'mo re, it afuni holhu mene nen he An nendawimo anggigirek mene a'nogo inelu asuageluk he it imam andi inoba heinok woginabi loageluk werek.

MATIUS 10:23

O sili ekhe nen weaget hinabuogeluk ugu halok he, heise o sili ekhe lano. It afuni Israel mene inawi sili fena oan wene yagaisigi'lek werek kwelegat he, an abat ta'lasi wagagi a'nogo hobuk wesigin o, iluk, nane eberogoat yagahisigi.

MATIUS 11:1

It ap Yesus ane wanhi lagaukwa mene inebe 12 nen omanogo wene komorogo fisaluk he, afuni inawi sili lombok wene fano wene a'nogo yagaisigik, komorinafik, igeluk he, o andoma nenat lagaikhe.

YOHANES 5:39

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

YOHANES 5:46

An nabok hinelu asuageluk, at Musa nen lisu palogo fesikhe andi nen he, aren lisu palhikhe mene andi eberogoat iluk futfikhi logoilepma re, Yesus eberogoat, iluk fut nobagailebaro.

KISAH PARA RASUL 13:15

Hu'lagaukwasik were'ma re, it afuni andoma mene nen, wene Allah nen komotninafikhe wene a'nogo enu salhik, wene it ap Allah ane yagaisikhi lagaukwa mene nen lisu palhukwa mene enu salhik, isukwasik he, inogogwi kaindegen Paulus lak yagaisikhi logolik: ”Nagaila'lak. Afuni yoma inendawinggen wurik asuagen he, hiren wene ekhe werek halok he, yaganisobagaigeluk hinayonggo fogo o,” iluk isukwama,

KISAH PARA RASUL 15:21

Wene Allah nen at Musa yagatikhemo, aren komotninafikhe wene a'nogo, huli ninambu ninombalak fageat andoma nen o yi awi ti awi o afuni Yahudi mene samban agarekwe, inenggi Allah faget weat logolik hundik-handik wene andi enu salogo yagaisagarek mene weregaro,” iluk at Yakobus nen yagaisasikhe.

KISAH PARA RASUL 28:23

A'nogo yagatukwasik, ”Nit ninenggi yiba nen hobuk hoba wesugun o,” iluk wene waretukwa. Wene waretukwasik he, inenggi andiba inebe hokhorogo o Paulus welagaikheba ambit wagaukwa. Wagaukwama, ohealegen pikhit hubanggo wene Allah awe a'ma fisikherek wene a'nogo yagaisikhoat welagaikhe. Yagaisikhi logolik, iren Yesus hilingitikhe wene andi eberogoat iluk futfouwageluk, wene Allah nen komotninafikhe wene Musa nen lisu palogo fesikhe a'nogoba inom, ap ekhe Allah ane yagaisikhi lagaukwa mene nen lisu palogo fesukwa a'nogoba inom, komorinafi lagaikhe.

KISAH PARA RASUL 8:40

Nen, at Filipus Allah Areagun nen waluk o Asdod andoma fei wagaikhemo logolik, afe hebel lagaikhesik, o andoma nen he, o sili mondogat olokwe ya kwigik ta kwigik, wene fano wene yagaisilik, o kota Kaisarea lagai wagaikhe.

ROMA 3:2

Andi re, yi mene ti mene faget mondogat fano nek. Wene andi ebe furogo yagahisak. Ekhe re, Allah nen he, ”An nane it elok fisogo logogun,” iluk, irat yagaisikhi lagaikhe.

1 PETRUS 4:11

A'nogo ikhi logolik, Yesus Kristus hinom hundik logolik hilingitunem, it afuni ekhe nen Allah fogerati logouwageluk, hit ekhe nen wene yagaisikhi logolik, Allah aneat yagaisigik, hit ekhe nen it ekhe leberisikhi logolik, Allah omame wo'nisikherek andibaat leberisigik, ikhi logoino. A'nogo hilingiti logolik, Yesus omame hokho etok mondok welagarek mene a'nogo fogeratu logouwogeluk, ”Amin,” igi andi.