2 TAWARIKH 17:5 - Allah Wene Fano Wene Hupla Inane

⁵ A'nogo hilingfugunem he at Yosafat en melalinafi lagaikhe awi o kerajaan andiba Tuhan nen omamet fikhi lagaikhe. Nen it afuni Yehuda mene mondogaren he at raja Yosafat faget yi mene ti mene wogosi wagu were'ma re at enggi werek hilinglagik, afuni nen along anggaluk legeisogo figik, ikhi lagaukwa.

2 TAWARIKH 17:5 ပူးပေါင်းရင်းမြစ်များ

KEJADIAN 13:2

Abram anggo re, domba inom, kambing inom, sapi inom, nen, arupiah perak mene inom, emas mene inom, mondok hokhorogo were'ma ebe kain enggi werek agun welagaikhe.

1RAJA-RAJA 10:25

It a'nogo waga logolik, inebe lombogen he, yi mene ti mene perak mene inom, emas mene inom, su labeti logogun mene inom, sikhe sige inom, yi mene ti mene enduk fano mene inom, wam kuda mene inom, keledai mene inom, weat Salomo wogosi waga lagaukwa. Tahun ebe lombok a'nogo nek wogosi waga lagaukwa andi.

1RAJA-RAJA 10:27

At Salomo nen afuni Israel mene ferinarek logolik, yi mene ti mene kigilhi lagaikhe andiba, o Yerusalem andoma, perak andi re, we, helep hangge hokhorogo hilinglagik, nen e wombi hangge enu cemara Libanon mene andi, e weagayo mene tom oba welagarek mene hangge, mondok hokhorogo sik-pik igik, isikhe.

1RAJA-RAJA 4:21

Afuni omanogo ineisok erokwe tomogen he ineabu anggur yabu inom, ara yabu inom welagaikhe. At Salomo eluk werek oba re, raja i Efarat fena fikhit welagaukwa mene omanogo mondok lambukhogo re at Salomo a'ma sebe uluk logolik, nen afuni inunggulenu kerajaan aren melalinafukwe andoma era'lukwe welagaukwa mene omanogo re at Salomo inom hundik were'ma re, afuni Yehuda mene inom, Israel mene inom he, o Dan oba nen he o Bersyeba huli andoma inailo legengge inendawinggen serogo nek welagaukwa. Kweang i Efrat fena fikhiren mo ubuk ikherek fikhit o Tifsah i Efrat aik oba andoma nen he hiling-hiling mo ubuk i lagarek fikhit kota Gaza o Filistin oba andoma nen he o Mesir huli andoma, abirengge re at Salomo nen sebelek welagaikhe. A'nogo were'ma re afuni inunggulenu o andoma werek mene re Salomo a'ma sebe iluk logolik he kweang onggo fei waga lagaukwa. At Salomo nen lingge hundik-hundik nunggu mene faget kabogeti lagaukwa mene re: tepung al mene re 5.000 liter en inom, tepung al inom mene re 10.000 liter en inom, sapi oloba tatu mene re 10 nen inom, sapi leimo tatu mene re 20 nen inom, domba re 100 nen inom, isati lagaukwa. Andem werek kwelek wam rusa inom, kijang inom, kemejangan, unggas, inom andoma.

2 TAWARIKH 1:15

At hun Salomo a'nogo nen melalinafi lagaikheba andem he, o Yerusalem oba andoma re no emas inom perak inom andoma re hesangge mene hakhogo hilingi'mo, helebenggen hakhogo hilingik welagaikhe. Nen e laik o Libanon mene andoma re, hokho-pokhorogo hilingi'mo re, e ara hesangge agayo hakhogo hilingik welagaikhe.

2 TAWARIKH 18:1

It afuni Yehuda mene inoe Yosafat a'nogo enggi werek agik, enu yi awi ti awi saga igik, ikhi logolik he, at eisok erokwe mene misik ekhe re hun Ahab it Israel mene inoe raja a'nogo eisok erokwe mene misik ekhe inom lombot fisasikhe.

2 TAWARIKH 32:23

Andi huli nen it afuni inunggulenu amu mene nen at raja a'nogo along anggaluk enu legeisogo fikhi logolik he, afuni hokhorogo o Yerusalem wagu mene nen he yi mene ti mene Tuhan obaget fugu mene iluk inom, at Hizkia agaiyekhogo wogetu mene iluk inom, waluk waga lagaukwa.

2 TAWARIKH 9:27

At Salomo raja logolik melalinafi lagaikhe ba andem he o Yerusalem oba andoma re perak he helep inom, e laik o Libanon oba andoma welagaikhe mene omanogo inom, e ara we hesangge mene hakhogo hilingik welagaikhe.

AYUB 42:12

Attak at Ayub weak oba agi'lek logolik fano welagaikhe meneat he, andi endebat elo'lek hangge, nen weak a'nogo oba agaikhesik oba nen Tuhan nen mondok fanot fesikhemo hobuk fano mondok welagaikhe. A'nogo fanot fesikhemo, hobuk anggo kambing, domba 14.000, nen unta 6.000, nen sapi 2.000, nen keledai 1.000 nen wogotikhemo eise agaikhe.

MAZMUR 127:1

Wuni Salomo nen watikhe awuni. O Tuhan nen wute lek mene halok he, it ap o wutarek mene andoma re yabu we alomarogo hilingitarek. Nen At Tuhan nen o kota kagalek werek lek halok he, it ap o andoma faget kagalek werek mene andoma re we alomarogo kagalek welagaikharek.

MAZMUR 68:29

Allah hit hineisena a'nogo nen he hit hinomame welagep mene faget kino ili'lago, Allah nineisena, Haren nit ninobaget hilingiten mene andi ekhe inomat omamet fikhi logoin o.

MAZMUR 72:10

It ap raja-raja o Darsis oba werek mene nen inom, nen it i alonggen kwe werek mene nen inom at obaget yi mene ti mene wogosuogeluk waluk waga logogun. Nen raja o Arab mene inom Etiopia mene inomen ogore at obaget waluk we'luk fei waga logogunat.

MAZMUR 76:11

Afuni ina'mage mondok hokho mene ogore Hat fogethafi logogun, nen it ina'mage lagaluk logogun mene ogore fong warogo iluk pelagi su ikfuluk logogunat.

AMSAL 16:12

Raja nen he weakhogo hilingitarek mene andi re abit anggikherek, aren ferinarek were'ma higithogo hilingitarek andiba omamerogo mendek welagarek.

MATIUS 2:11

Inendawimo nen inagaiyek hokhorogo agaukwasik oloba kwisukwa re, omalik a'nogo agaisa Maria agoba were'ma ineilenggen hasukwasik, ineindep awi yagaisogo fogeratukwa. Fogerati logolik he, onggo hokho fano mene emas inom, kemenyan kami amben hangge mene inom, e mur amusu inom, heiselogo wogetukwa.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

1 SAMUEL 10:27

A'nogo meneat he, it ap fena ekhe inobabut weak mene nen ikhi logolik he, ”Ap yi nen nit faget elok tegelninafi logogin anggegeba?” iluk isukwa. A'nogo isukwasik andi nen he, Saul inendawimo seramet fesukwasik, yi mene ti mene endawimo fanorogo ekhe wogoti'lek halolot fisasukwama re, at Saul en ogo eilenggen isigi'lek fukhanggo hilingitikhe.