2 TAWARIKH 17:4 - Allah Wene Fano Wene Hupla Inane

⁴ hilingiti lagaukwa mene omanogo hakhogo hilingiti'legengge, aren Allah wene melalek a'nogo furogo hologo hilingitik, hilingitunem at Tuhan nen Yosafat fanoabet fikhi lagaikhe.

2 TAWARIKH 17:4 ပူးပေါင်းရင်းမြစ်များ

1RAJA-RAJA 12:28

Endawimo a'nogo anggasikhesik he, tugwi kembu sapi alik hilingisogo pire ebe emas mene tugwi wutarek andi hak wutikhesik he, afuni mel yagaisasikhe: ”Hit afuni hinunggulenu Israel mene yi sani. Hit Allah faget hilingisuogoluk, o attagenat o Yerusalem lagu mondok welagebo. Andi nen he, hit mene hineisena o Mesir en wokhinarek wulibi wagaikhe mene a'nogo ebe yi o,” iluk yagaisasikhe.

1RAJA-RAJA 12:30

A'nogo fesikhemo, it afuni nen tugwi kembu andi faget hilingisuogoluk, o Betel inom, Dan inom, laga lagaukwa. Nen andi hilingitukwa andi re, mondok weak meneat hilingitukwa.

1RAJA-RAJA 3:3

Nen, at Salomo nen eisena Tuhan oba endawinggen hundik logolik he, eisena nen yi'nogo hilingiti logoino iluk melalogo yagatikhe mene omanogo higithogo hilingiti lagaikheba nen he, wam yi mene ti mene Tuhan faget noletu mene re aren obalik we alek-alekwe legokwe andoma nen noleti lagaikhe.

1RAJA-RAJA 9:4

Haren heisena Daud en hilingiti lagaikhe andi hak, hat hebe An namingmingengge logolik, hobabut fanorogo, higithogo nek hilingitik, An nen, Yi'nogo hilingiti logoino, iluk komothinafigi mene andi, nane hologo hilingitik, ikhi logogin halok,

2 RAJA-RAJA 17:19

A'nogo hilingitikhemo nen it afuni Yehuda mene nen ogore it ineisena Tuhan Allah nen yi wene ti wene melalogo yagaisasikhe mene omanogo hologo hilingiti lagaukwa lek. Iren he, afuni Israel mene nen inetokhogo hilingiti lagaukwa omanogo hakhogo hilingiti lagaukwa.

2 RAJA-RAJA 8:18

Aren he agwe hun Ahab a'logo helasikhesik he, at Ahab eisok erokwe mene nen hilingiti lagaukwa hakhogo inom, nen it ap Israel mene inogogwi raja-raja nen weak hilingiti lagaukwa hakhogo inom higithogo re aren ogo Tuhan oba weak enek hilingiti lagaikhe.

2 TAWARIKH 14:6

andiba re it afuni Yehuda mene faget o kota andoma leget pak leget mondok omamerogo wurik lagaukwa. Tuhan nen o andoma youk legengge inoba fanorogo nek logouwageluk wogisasikhemo re tahun miren hakhogo re weim yafi'lek fano lioksek mondok welagaukwa.

2 TAWARIKH 17:3

At Yosafat andi re eisena Daud nen hilingiti lagaikhe hakhogo hilingiti logolik tugwi kembu fogerati'lek, Allah obaget enek hilingitik, it ap Israel mene inogogwi raja logolik,

2 TAWARIKH 21:12

Andi nen at Yehoram a'nogo surat ekhe hun nabi Elia eluk logolik palhikhe mene wogetukwama wanhikhesik kwelakhasikhe re, surat andiba re yi'nogo palek were'ma hasikhe, ”Hun Hat he it afuni Israel mene inogogwi raja-raja omanogo nen hilingiti lagaukwa hak hilingiti lagen andiba re, it afuni Yehuda mene inom, Yerusalem mene inom, Allahba tiphogo hilingiri'lagwi lek andi. Hun Haren he raja Ahab en hilingiti laga mene inom, it at obali'mo menlagaukwa mene nen hilingiti lagaukwa omanogo hakhogo inom, hilingiti lagen. Andi nek he fuk, oba nen he, ekhere honggwarek hogogwi hagoromi weak haren hilingiti lagen oma hakhogo ekhe hilingiti'lek oba nen inebe mondogat inoaten. Noe hat he homba inom heisena inomen hilingiti lagaukwa hakhogo hilingiti'lek weak mene nek, hilingiti lagenma re Tuhan Allah at Daud en fogerati lagaikhe mene a'nogo nen noe hat unggum hoba fouwak.

2 TAWARIKH 22:9

A'nogo inoatukwasik he, andem sambul at Ahazia a'nogo o Samaria andoma hinago were'ma nen he at Yehu nen herasi lani iluk ap mimingisogo lakfisasikhe. Lakfisasikhemo lagaukwasik he, at Ahazia a'nogo ebe heratukwasik he at Yehu ambit waluk wagaukwama Yehu nen Ahazia ebe pinggi watikhe. A'nogo wa'lagaikhemo re, at omba raja Yosafat en endawinggen abirengge Tuhan oba tipsek logolik hilingiti lagaikhe andiba, along anggaluk alisikhogo re, iren at Ahazia a'nogo ebe warek salhukwa. A'nogo hilingitukwasik he it hun Ahazia eisok erokwe mene nen he ap misik ekhe ailo lekhogo raja menla'luk ferinarek logou mene re elo'lek enek aga lagaikhe.

2 TAWARIKH 27:6

Aren he eisena Tuhan Allah a'nogoba tiphogo hilingiti logolik, ane hologo nek hilingiti lagaikheba re at Yotam ebe omame hokho aga lagaikhe.

2 TAWARIKH 29:2

At Hizkia nen he ambu Daud en hilingiti lagaikhe hakhogo re, aren ogo Tuhan endawimo agaiyek anggikherek mene nek hilingiti lagaikhe.

2 TAWARIKH 34:2

At he at ambu raja Daud obabut hilingiti lagaikhe higithogo hilingiti logolik he, Allah wene melalek werek mene a'nogo mondogat hologo nek hilingiti lagaikhe. Aren he Tuhan endawimo agaiyek anggikherek mene nek hilingiti lagaikhe.

HOSEA 4:15

Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.

LUKAS 1:6

At agwe emberek andi re, nineisena Tuhan nen he, ”Yi'nogo hilingi'no, ti'nogo hilingi'no,” iluk, yaganisigik, komotninafik, isikhe mene a'nogo, mondok higithogoat hilingiti lagaukwama re, at Allah nen he, ”It andi inobabut fano mondok,” iluk, enegat eilenggen isikhi lagaikhe.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.