2 TAWARIKH 17:3 - Allah Wene Fano Wene Hupla Inane3 At Yosafat andi re eisena Daud nen hilingiti lagaikhe hakhogo hilingiti logolik tugwi kembu fogerati'lek, Allah obaget enek hilingitik, it ap Israel mene inogogwi raja logolik, အခန်းကိုကြည့်ပါ။ |
2 TAWARIKH 17:3
47 ပူးပေါင်းရင်းမြစ်များ
At eisena Asa nen hilingiti lagaikhe hakhogo re at Yosafat en ogo Tuhan elokhoma mondok higithogo nek hilingiti lagaikhe. Aren o kweang melalinafi lagaikhe kwe omanogo nen he tugwi kembu fogeratarek kwe ap inom hemi inom inebe hesangge hilinginabuageluk yugunat hilingiti lagaukwa mene hun Asa nen melalinafi lagaikheba fena welagaukwa mene omanogo re mondogat inoatikhe. Oba nen he aren tugwi kembu wurik welagaikhe kwe obalik omanogo wolelenggenhogo leget fisasikhe le'ma re, afuni nen he yi mene ti mene warogo inom, nen amben fano mene kemenyan inom he andoma noli lagu mondok welagaukwa. At Yosafat en he emas o Ofir en wani lagu mene iluk he kapal Tarsis mene ekhe wutikhe, oba nen he kapal omanogo o Esion-Geber en weak agaikhemo re o andoma la re mondok elo'lek agaikhe. Hun raja Israel mene Ahazia nen he at agoromi kapal oba lagaluk lagaikharek inap he kapal andomaba at Yosafat agoromi inom lamo re fano a? iluk isukwaba nen he, at Yosafat ebe hun Ahazia inom hundik logolik meneat he, nabit iluk herakfisasikhe. Andi nen hobuk at Yosafat a'nogo ebe wa'lagaikhemo re, o kota Daud aiba ap raja salinafi lagaukwa ba omanogo salhukwa. A'nogo hilingitukwama re at amlogo Yoram a'nogo at obali'mo raja menlagaikhe. At Yosafat en hilingiti lagaikhe mene inom, at ebe omame logolik weim yafi lagaikhe mene inom, he buku ap raja-raja Yehuda mene nen hilingiti lagaukwa mene palek welagaikhe mene a'nogoba palogo fesukwa. Andem oba re o Edom oba andoma re it inoe raja welagaikhe le'ma re, ap o sili misik halinafu mene faget he kepala daerah nen melalinafi lagaikhe.
Aren it a'nogo yagaisikhi logolik he, ”At hineisena Tuhan Allah a'nogo nen he hit hinaiba welagep oba yoma hinailo legengge fano lioksek logobagaigeluk hilinghinobagagik, hinebe seberogo logobagaigeluk hilinghinobagagik, hilingite andi. Aren he an nen it afuni inunggulenu amu mene o kweang yiba welagaikha mene a'nogo inomame leget fisoageluk hilingnobagakhi laga. A'nogo hilingiti lagama re yogondak he it a'nogo hit hina'ma sebe igik, Tuhan a'ma sebe igik, ili'lagwi andi.
A'nogo folhukwasik he at Asa nen eisena Tuhan Allahba samban ikhi logolik he yi'nogo isikhe, ”Tuhan Allah neisena, afuni inomame werek mene inoba re, it inomame lek mene re we Haren enek leberinafi lagenma re, yogondak Harenat nit lebetninabin o, nineisena. Nit he Hat hoba nek lomborogo logolik, Hat henuba, it ap inasikhe werek inap esa mondok hokho mene yi ninom weim yabuogeluk wulifi lago yi. Tuhan, nit nineisena Allah we Hat hamu welagenma re, Hat hebe afuni nen mabenet hobagagun lego, neisena,” iluk samban isikhe.
hun Raja Asa ambit lagaikhesik aren ikhi logolik he, ”Noe raja Asa hebe inom, it afuni Yehuda mene yoma inom, Benyamin mene inom, hinesanggo fanorogo holini o! Hit hinebe Tuhan hinom horokhogo welagep halok he, At ogo hit hinom horokhogo werego. Nen hiren nit yi ninggi'nogo hilingisugun anggaluk kino ugun halok he, Aren ogo onggo higithogo lebethisikhi logogin aro. Oba nen he hiren At a'nogo hinonggot a'luk hilingitep halok he, Aren ogo hit hinoba onggoret hinobagaginat.
Andi nen at Yehoram a'nogo surat ekhe hun nabi Elia eluk logolik palhikhe mene wogetukwama wanhikhesik kwelakhasikhe re, surat andiba re yi'nogo palek were'ma hasikhe, ”Hun Hat he it afuni Israel mene inogogwi raja-raja omanogo nen hilingiti lagaukwa hak hilingiti lagen andiba re, it afuni Yehuda mene inom, Yerusalem mene inom, Allahba tiphogo hilingiri'lagwi lek andi. Hun Haren he raja Ahab en hilingiti laga mene inom, it at obali'mo menlagaukwa mene nen hilingiti lagaukwa omanogo hakhogo inom, hilingiti lagen. Andi nek he fuk, oba nen he, ekhere honggwarek hogogwi hagoromi weak haren hilingiti lagen oma hakhogo ekhe hilingiti'lek oba nen inebe mondogat inoaten. Noe hat he homba inom heisena inomen hilingiti lagaukwa hakhogo hilingiti'lek weak mene nek, hilingiti lagenma re Tuhan Allah at Daud en fogerati lagaikhe mene a'nogo nen noe hat unggum hoba fouwak.
A'nogo inoatukwasik he, andem sambul at Ahazia a'nogo o Samaria andoma hinago were'ma nen he at Yehu nen herasi lani iluk ap mimingisogo lakfisasikhe. Lakfisasikhemo lagaukwasik he, at Ahazia a'nogo ebe heratukwasik he at Yehu ambit waluk wagaukwama Yehu nen Ahazia ebe pinggi watikhe. A'nogo wa'lagaikhemo re, at omba raja Yosafat en endawinggen abirengge Tuhan oba tipsek logolik hilingiti lagaikhe andiba, along anggaluk alisikhogo re, iren at Ahazia a'nogo ebe warek salhukwa. A'nogo hilingitukwasik he it hun Ahazia eisok erokwe mene nen he ap misik ekhe ailo lekhogo raja menla'luk ferinarek logou mene re elo'lek enek aga lagaikhe.
Hat he hailo mondok legengge mel ikhi lagen andi ri: An he emerek welagi lego. Tugwi kembu Baal ombo'ne laga-lagi legat, iluk ikhi lagen. A'nogo meneat he, hat o tonggokwe andoma laluk hilingiti lagen mene andoma hendawimo ebetik, weak hilingiti lagen mene andoma ebetik, in o. Hat hebe wam unta holou mene obabut hilingiterek andi hak hilingiti lagen. At wam andi eisok handogal weak ya lagik, ta lagik,
An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.
A'nogo welagaukwa andi, afuni Israel mene hobuk Tuhan ane sagalogo weak hilingitukwa. A'nogo hilingiti logolik, inombalak ineisena Tuhan Allah nen it o Mesir en woginarek wulibi wagaikhe mene a'nogo fogerati'lek herakfisasukwa. A'nogo logolik, afuni it inera'lukwe andoma welagaukwa mene nen inendawinggen tugwi kembu Baal inom, Astoret inom, tugwi kembu hunogo mene ekhe inom, oba himbirik logolik fogeratarek mene andi fogerati lagaukwaat. A'nogo fogerati lagaukwama, Tuhan nen a'makwe het-perisikhesik, afuni inenggi abisak wanharek mene nen hukhogo kwelaginabi wagik, inangge inenggi abisak heligik, uagaluk inebe herakfisasikhe. A'nogo herakfisasikhemo, it Israel mene a'nogo re afuni it inaselei mene inera'lukwe andoma mene inom weim yabu re inomame mondok elo'lek agaikhe.
A'nogo hilingitunem, it inaselei mene nen wiik-weak hogo hilinginafunem iren he, ”Weak hilingninabi'lagwi yoma nabire,” iluk ugu were'ma, Tuhan nen endawirinapluk inane esanggo holfuluk he, inebe telinabuageluk inoe ekhe ayonggo fuluk inoba lakfisaluk leberisikhi lagaikhe. A'nogo leberisugunem, inogogwi andi inebe ineluk logolik oba re, it Israel mene inaselei mene nen inoasinogoluk telinafu welagaikhe.
At Gideon ebe wa'lagaikhesik oba re, afuni Israel mene ineisena Allah oba lombokhogo welagaukwa legat. At Allah nen inaselei mene, it inera'lukwe welagaukwa mene nen inoasuogeluk ugunem telinafi lagaikhe mene a'nogo oba himbirik logolik fogerati'lek herakfisaluk, nineisena Baal-Perit ebe andi aro, iluk inandugwi kembu wurogo fogeratik, oba himbiret figik ikhi lagaukwa.
A'nogo wogotikhemo, at Saul en he, Daud ekhe aple ekhe aple hilingisuagaluk enggiba fesikhe mene mondogat fanorogo nek hilingiti lagaikhe. A'nogo hilingiti lagaikhe andi nen, at Saul en he, tentara mene inoe perwira at Daud logouwagaluk menfesikhe. A'nogo menfesikhemo agoromi tentara mene mondogaren inom, amingmingengge nen inom, at Daud ebe inendawi hundik mondok welagaukwa.
ကြော်ငြာတွေ